MOHAMMAD ALI BADO YUKO FITI.

NGULI wa zamani wa ngumi za uzito wa juu Muhammad Ali amepigwa picha jana akiwa uwanjani anatizama mechi ya Super Bowly muda mfupi baada ya mwanae wa kike kulazimika kupinga tetesi kuwa baba yake huyo anaweza kufariki muda wowote. Hali kuogofya ilikuja kuhusu afya ya bondia huyo bingwa wa zamani wa duniani wa uzito wa juu baada ya kaka yake Rahman kudai kuwa Ali mwenye umri wa miaka 71 ambaye anasumbuliwa na ugonjwa wa kutetemeka au Parkinson toka mwaka 1984 anakaribia kufa. Lakini bondia huyo aliyejizolea umaarufu mkubwa alionekana uwanjani akiwa amevaa jezi ya Ravens ambayo ni timu yake ya nyumbani kwao huko jijini Phoenix akiwa pamoja na mke wake Lonnie. Mtoto wa kike wa bondia huyo aitwaye May May pia alisisitiza kuwa baba yake yuko katika hali nzuri baada ya kuzungumza naye katika simu. Hali ya bondia huyo imekuwa ikizorota mara kwa mara mpaka kufikia hatua ya kukimbizwa hospitalia lakini amekuwa akipambana na kurejesha hali yake ya kawaida ingawa amekuwa akiendelea kuzungumza kwa shida na kutembea kwa kusaidiwa.