YANGA KWENDA UTURIKI KUPIGA KAMBI YA WIKI MBILI, BRANDS APANDISHA MAKINDA MATATU YA B YANGA A
 |
Mwenyekiti
wa Kamati ya Mashindano ya Yanga, Abdallah Ahmad Bin Kleb amesema leo katika
Mkutano na Waandishi wa Habari, makao makuu ya klabu, makutano ya mitaa ya Twiga
na Jangwani, Dar es Salaam kwamba ziara hiyo inatarajiwa kufanyika kati ya
Desemba na Februari 25, mwakani.
Alisema
pendekezo la kambi hiyo lilitolewa na kocha mkuu wa Yanga, Mholanzi Ernie
Brandts ambaye ana uzoefu na nchi hiyo ambayo ina vitu vinavyostahili kwa ajili
ya timu kuweka kambi.
Alisema
ikiwa huko timu hiyo inatarajiwa kucheza mechi mbili za kitrafiki na timu
zitkazotajwa baadaye.
Aidha, kocha
mkuu wa timu hiyo amewapandisha wachezaji watatu wa kikosi cha vijana chini ya
miaka 20 wakiwemo kipa, Yussuf Abdallah, George Banda na Rehan Kibinga.
Katika hatua
nyingine, Bin Kleb aliasema wanajivunia uongozi wa sasa chini ya Mwenyekiti,
Alhaj Yussuf Manji, kwani timu imekuwa na mafanikio makubwa ikiwemo kutwaa
kombe la Klabu Bingwa Afrika Mashariki na Kati, Kagame, kufanya vema katika
mzunguko wa kwanza wa Ligi Kuu ambao ulimalizika kwa timu kuongoza.
Alisema kufanya
vizuri katika Ligi Kuu, ni matunda ya timu hiyo kuweka kambi nchini Rwanda
baada ya Kombe la Kagame.BOCCO ADEBAYOR ATUPIA BAO MBILI NA KUANZA KUNYEMELEA KIATU CHA DHAHABU
 |
JOHN Bocco ‘Adebayor’
ameingia kwenye orodha ya wachezaji wanaowania ufungaji bora wa michuano ya
Kombe la Mataifa ya Afrika Mashariki na Kati, CECAFA Tusker Challenge kufuatia
jana kufunga mabao mawili, Tanzania Bara ikiilaza Sudan 2-0 katika mchezo wa
Kundi B, Uwanja wa Mandela, Namboole, Kampala, Uganda.
Bocco aliyeifungia
Kilimanjaro Stars, inayodhaminiwa na Kilimanjaro Premium Lager mabao yote hayo
kipindi cha kwanza, sasa analingana na washambuliaji wa Burundi, Chris
Nduwarugira na Suleiman Ndikumana, ambao kila mmoja ana mabao mawili pia.
Wengine ambao
hadi sasa kila mmoja amefunga bao moja ni Yussuf Ndikumana wa Burundi, Mohamed
Jabril wa Somalia kwa penalti, Geoffrey
Kizito wa Uganda na Yonatal Kebede Teklemariam.
Bocco ana
nafasi zaidi ya kuongeza mabao katika mechi za kundi hilo, haswa kwenye mchezo
dhidi ya Somalia Desemba 1, kwani hiyo ndio timu dhaifu zaidi kwenye Kundi B.
Lakini Bocco
kama atacheza kwa kiwango cha jana, anaweza akawa mwiba hata mbele ya Burundi Novemba 28.
Kwa sasa
Bocco anayechezea Azam FC ya Dar es Salaam, ndiye mshambuliaji pekee kwenye kikosi
cha Bara, baada ya washambuliaji wengine, Mbwana Samatta na Thomas Ulimwengu
wanaochezea TP Mazembe ya Jamhuri ya Kidemomkrasia ya Kongo (DRC) kuzuiliwa na
klabu yao.
WAFUNGAJI CECAFA TUSKER CHALLENGE
2012
John Bocco Tanzania
2
Yussuf
Ndikumana Burundi 2
Suleiman
Ndikumana Burundi 2
Yussuf
Ndikumana Burundi 1
Mohamed
Jabril Somalia 1(penalti).
Geoffrey
Kizito Uganda 1
Yonatal Teklemariam Ethiopia 1
NGASSA ATETEMESHA KAMPALA BALAA, WAGANDA TUMBO JOTO
 |
| Ngassa alivyokuwa akiteleza kushoto mwa uwanja wa namboole jana, balaa |
SALUTI kwa
Mrisho Khalfan Ngassa. Waganda, wamekoma naye. Mashabiki wa soka Uganda,
wamekoshwa na soka ya Mrisho Khalfan Ngassa wa Tanzania Bara katika michuano ya
Kombe la Mataifa ya Afrika Mashariki na Kati, CECAFA Tusker Challenge inayoendelea
mjini hapa.
Wakizugumza baada
ya mechi kati ya Sudan na Tanzania, mashabiki walikuwa wakimsifia mno mchezaji huyo
wa Tanzania Bara aliyekuwa amevalia jezi namba nane na kusema hawajui siku
Stars ikikutana na Uganda itakuwaje mbele ya mshambuliaji huyo wa Simba SC ya
Dar es Salaam.
Hata Waandishi
wa Habari wa Uganda, wamemsifia mno Ngassa wakisema huyo ndiye mchezaji
aliyeonyesha kiwango kikubwa zaidi cha uchezaji hadi sasa kwenye michuano hii.
Ngassa jana
alikuwa mwiba kweli mbele ya Sudan, akitengeneza mabao yote mawili ya ushindi
yaliyofungwa na mshambuliaji John Bocco ‘Adebayor’ wa Azam FC.
Jana Ngassa
alipangwa wingi ya kushoto ambako alikuwa akiteleza kwa kasi na kutoa krosi
nzuri ambazo bahati mbaya au nzuri ni mbili tu zilizotumiwa vyema na Bocco.
Mashabiki wamemsifia
pia Ngassa kwamba si mchezaji mchoyo ambaye muda wote anafikiria zaidi kuwatengenezea
wenzake nafasi kuliko kutaka kufunga mwenyewe.
Ngassa ni
kati ya wachezaji 10 wa Simba wanaocheza michuano ya mwaka huu mjini hapa,
wengine wakiwa ni Nassor Masoud 'Cholo' (Zanzibar), Juma Kaseja
(Bara), Shomari Kapombe (Bara) Amir Maftah (Bara), Amri Kiemba, (Bara) Mwinyi
Kazimoto (Bara), Ramadhani Singano ‘Messi’ (Bara), Christopher Edward (Bara) na
Emanuel Okwi (Uganda).
Timu nyingine za Bara zenye wachezaji hapa ni Azam tisa, Mwadini Ali (Zanzibar), Abdulaghan
Gulam (Zanzibar ), Samir Haji Nuhu(Zanzibar), Aggrey Morris(Zanzibar), Khamis
Mcha 'Vialli'(Zanzibar), Deogratius Munishi ‘Dida’ (Bara), Erasto Nyoni (Bara),
Salum Abubakar ‘Sure Boy’ (Bara) na John Bocco ‘Adebayor’ (Bara).
Yanga ina wachezaji saba, ambao ni Nadir Haroub Ali 'Canavaro'(Zanzibar),
Haruna Niyonzima (Rwanda), Hamisi Kiiza (Uganda), Kevin
Yondan (Bara), Athuman Iddi ‘Chuji’ (Bara), Frank Domayo (Bara) na Simon Msuva (Bara),
wakati Mtibwa Sugar inao
watatu Twaha Mohammed (Zanzibar), Issa Rashid (Bara) na Shaaban Nditi
(Bara), JKT Oljoro ina
mmoja Amir Hamad (Zanzibar) sawa na Coastal Union Suleiman Kassim 'Selembe' wa Zanzibar pia.
ZANZIBAR HEROES WAANZA KAZI LEO KAMPALA
 |
| Zanzibar Heroes watang'ara leo? |
TIMU ya soka
ya taifa ya Zanzibar, Zanzibar Heroes leo inaanza kampeni zake za kuwania Kombe
la Mataifa ya Afrika Mashariki na Kati, CECAFA Tusker Challenge kwa kumenyana
na Eritrea katika mchezo wa Kundi C, utakaonza saa 9:00 alasiri Uwanja wa
Mandela, Namboole mjini hapa
Mchezo huo,
utafuatiwa na mchezo mwingine wa kundi hilo, ambao unatarajiwa kuwa mkali zaidi
na wa kusisimua kati ya Rwanda na Malawi kuanzia saa saa 12:00 jioni.
Kikosi cha
Zanzibar Heroes kiliagwa Jumatano visiwani Zanzibar katika Hoteli ya Bwawani ambayo
inamilikiwa na Serikali ya Mapinduzi ya Zanzibar, mgeni rasmi katika hafla hiyo
alikuwa ni Waziri wa Habari, Utamaduni, Utalii na Michezo, Said Ali Mbarouk.
Kikosi
kiliondoka Alhamisi Zanzibar kuaa Kampala kikipitia Dares Salaam na kimeondoka
na msafara wa watu 30, wakiwemo wachezaji 20, benchi la ufundi na viongozi wa
Serikali na Chama cha Soka Visiwani Zanzibar (ZFA).
Hata hivyo,
Heroes itamkosa kiungo wake mahiri Abdulhalim Humud, ambaye ni majeruhi.
Kikosi
kinachotarajiwa kuanza leo Heroes ni; Mwadin Ali Mwadini, Nassor Masoud ‘Cholo’,
Samir Hajji Nuhu, Agrey Moris, Nadir Haroub Ali 'Canavaro, Sabri Ali, Khamis
Mcha 'Vialli', Is-haka Othman, Amir Hamad, Twaha Mohammed na Suleiman Kassim ‘Selembe’.
Tayari mechi
za awali za Kundi A na B zimekwishachezwa na leo Kundi C ndio linafichua makali
yake kwa mara ya kwanza.
Katika mechi
za ufunguzi za Kundi A, Ethiopia waliifunga Sudan Kusini 1-0, wakati Uganda waliichapa
Kenya 1-0 pia juzi, Uwanja wa Mandela, Namboole.
Mechi za Kundi
B jana, Burundi iliitandika Somalia mabao 5-1, kabla ya Tanzania Bara,
Kilimanjaro Stars kuilaza Sudan 2-0.
POULSEN BADO AWALILIA SAMATTA NA ULIMWENGU KAMPALA
 |
| Kocha Kili Stars, Kim Poulsen |
KOCHA wa
timu ya soka ya taifa ya Tanzania Bara, Kilimanjaro Stars, Mdenmark Kim Poulsen
amesema kwamba bado anawahitaji mno washambuliaji Mbwana Ally Samatta na Thomas
Emanuel Ulimwengu wa TP Mazembe ya Jamhuri ya Kidemokrasia ya Kongo (DRC) na iwapo
hawatajiunga kabisa na kikosi chake, watamuweka katika wakati mgumu.
Akizungumza jana mjiniuganda mara , baada ya mchezo dhidi ya Sudan wa Kundi B Kombe
la Mataifa ya Afrika Mashariki na Kati, CECAFA Tusker Challenge, ambao
walishinda 2-0, Kim alisema jitihada za kuwaomba Mazembe wawaruhusu wachezaji
hao zinaendelea.
“Sijui
itakuwaje wasipokuja, itanibidi tu niwatumie wachezaji hawa hawa waliopo, najua
nina mshambuliaji mmoja, lakini nitawatumia hawa hawa waliopo, Simon Msuva
anaweza akawa mshambuliaji, nitafanyeje,”.
“Siwezi kuita
mchezaji mwingine kutoka nyumbani kwa sasa, kwa sababu mtu lazima umuone uwezo
wake, huwezi kumuita tu, kwa hivyo naomba Mungu tu Samatta na Ulimwengu waje,”alisema
Kim.
Stars inayodhaminiwa
na Kilimanjaro Premium Lager, jana ilianza vema kampeni zake za kuwania Kombe
la Challenge, baada ya kuichapa mabao 2-0 Sudan kwenye Uwanja wa Mandela, Namboole,
Kampala, Uganda.
Ushindi huo,
unaiweka Stars katika nafasi ya pili kwenye msimamo wa Kundi B, nyuma ya
Burundi inayoongoza kwa wastani wa mabao.
Hadi
mapumziko, Stars walikuwa mbele kwa mabao 2-0, yote yakipachikwa kimiani na
mshambuliaji wa Azam FC, John Raphael Bocco ‘Adebayor’ aliyetumia vema krosi za
Mrisho Khalfan Ngassa.
Bocco
alifunga bao la kwanza Bocco aliiwahi vema krosi ya Ngassa aliyewatoka mabeki
wa Sudan wingi ya kushoto na kuitumbukiza kimiani dakika ya 14.
Adebayor wa
Chamazi aliwainua tena vitini mashabiki wa Tanzania dakika ya 28, akiunganisha
krosi ya Ngassa tena kutoka kule kule kushoto.
Kwa ujumla
Tanzania Bara walicheza vizuri kipindi cha kwanza, wakishambulia zaidi kupitia
pembeni, kulia Simon Msuva ambaye hakuwa na madhara sana na kushoto Ngassa
ambaye alikuwa mwiba mchungu haswa kwa Wasudan.
Pamoja na
Bara kutawala kipindi cha kwanza, lakini Wasudan walifanya mashambulizi kadhaa
ya kushitukiza na sifa zimuendee mlinda mlango Juma Kaseja, ambaye alioko
amichomo miwili ya hatari mno.
Kipindi cha
pili Stars, inayofundishwa na Mdenmark Kim Poulsen iliendelea kutawala mchezo,
lakini safu ya ulinzi ya Sudan iligangamala.
Kikosi cha
Stars jana kilikuwa; Juma Kaseja, Erasto Nyoni, Amir Maftah, Shomari Kapombe, Kevin
Yondan, Frank Domayo, Salum Abubakar/Amri Kiemba, John Bocco, Mwinyi Kazimoto
na Simon Msuva/Shaaban Nditi.
Sudan; Ebd
Elrahman Ali, Moawia El Amin, Sami Abdallah, Faris Abdallah, Hamoda Bashir/Farid
Mohamed, Mohamed El Mortada, Sadam Abutalib, Mohamed Mussa Idris, Modathir
Mohamed, Adam Sayer/Osama El Rashid na Mohamed Osman/Saed Siddig.
Katika
mchezo wa awali, Burundi walishinda mabao 5-1, mabao yake yakifungwa na Chris
Nduwarugira dakika ya 35 na 88, Yussuf Ndikumana dakika ya 41 na Suleiman
Ndikumana dakika ya 84 na 90, wakati la Somalia lilifungwa na Mohamed Jabril
kwa penalti dakika ya 55.
Matokeo hayo
yanalifanya Kundi B lizidi kuwa gumu, kwani Burundi inaongoza kwa pointi zake
tatu na mabao mengi, Tanzania ya pili kwa pointi tatu na mabao mawili- lakini
bado Sudan wanaweza kupata matokeo mazuri katika mechi zijazo.
MSIMAMO
KUNDI B:
P W D L GF GA GD Pts
Burundi 1 1 0 0 5 1 4 3
Tanzania 1 1 0 0 2 0 2 3
Sudan 1 0 0 1 0 2 -2 0
Somalia 1 0 0 1 1 5 -4 0
KOCHA BURUNDI AMTEMA KAVUMBANGU KIKOSI CHA TUSKER CHALLENGE 2012
 |
| Kocha wa Burundi, Lotfy Mohamed |
KOCHA wa
timu ya soka ya taifa ya Burundi, Int’hamba Murugamba, Mmisri Lotfy Mohamed
amesema kwamba amemtema kwenye kikosi chake mshambuliaji wa Yanga SC ya Dar es Salaam,
Didier Kavumbangu kwa sababu hamuhitaji kwenye mipango yake ya sasa.
Akizungumza hiyo jana mjini uganda , Mohamed alisema kwamba amekuja na kikosi cha
wachezaji ambao wanacheza Ligi ya Burundi pekee na hajachukua mchezaji hata
mmoja anayecheza nje.
Amesema sababu
ya kufanya hivyo ni kuanza kuwaandaa wachezaji wa kucheza michuano ya kuwania
tiketi ya kucheza fainali za CHAN, ambazo huhusisha nyota wanaocheza ligi za
nyumbani kwao pekee.
“Siyo Kavumbangu
tu, kuna wachezaji wengine wazuri tu wanaocheza hadi Ulaya, lakini
sikuwachukua, kwa sababu siwahitaji katika mipango yangu ya sasa, bado ni
wachezaji wa timu ya taifa na naheshimu uwezo wao,”alisema Mohamed.
Kavumbangu alisajiliwa
Agosti mwaka huu Yanga akitokea Atletico ya Burundi, baada ya kung’ara kwenye
Klabu Bingwa Afrika Mashariki na Kati, Komnbe la Kagame.
Bila Kavumbangu
na mastaa wengine wa nje, ikiongozwa na mkongwe Suleiman Ndikumana anayechezea
Inter Stars ya nyumbani kwao kwa sasa, Burundi iliichapa Somalia mabao 5-1 jana
katika mchezo wa Kundi B wa Kombe la Mataifa ya Afrika Mashariki na Kati,
CECAFA Tusker Challenge.
Katika mchezo
huo uliofanyika Uwanja wa Mandela, Namboole, Kampala, mabao ya Burundi
yalifungwa na Chris Nduwarugira dakika ya 35 na 88, Yussuf Ndikumana dakika ya
41 na Suleiman Ndikumana dakika ya 84 na 90, wakati la Somalia lilifungwa na
Mohamed Jabril kwa penalti dakika ya 55. VETTEL AFANIKIWA KUTETEA TAJI LA DUNIA.
MBIO ZA UBINGWA BADO HAZIJAISHA - VILANOVA.
"FULECO" MWANASESERE WA KOMBE LA DUNIA 2014.
CAF KOMBE la SHIRIKISHO: AC Leopards MABINGWA!
Klabu ya Congo, AC
Leopards, leo wametwaa Ubingwa wa Mashindano ya CAF ya Kombe la
Shirikisho walipoichapa Djoliba ya Mali Bao 2-1 huko Dolisie, Congo
katika Mechi ya pili ya Fainali.
Katika Mechi ya kwanza ya Fainali iliyochezwa huko Mjini Bamako, Mali, Timu hizi mbili zilitoka sare ya Bao 2-2.
Hii ni mara ya 4 kwa
Klabu hizi kukutana Msimu huu kwani walikuwa pamoja kwenye Kundi B la
Mashindano haya ambapo AC Leopards walitoka sare 1-1 Mjini Bamako, Mali
na kushinda 3-0 waliporudiana Nchini Congo.
Djoliba ndio waliomaliza Washindi wa Kundi B na AC Leopards kushika nafasi ya Pili.
Katika Nusu Fainali,
AC Leopards na Djoliba, zilizitupa nje Klabu za Sudan kwa Djoliba
kuibwaga Al Hilal kwa Mikwaju ya Penati na AC Leopards kuishinda Al
Merreikh Nchini Congo na kutoka sare waliporudiana Nchini Sudan.
+++++++++++++++++++++
NUSU FAINALI:
Novemba 2: Al Hilal 2 Djoliba 0
Novemba 4: AC Leopards 2 Al Merreikh 1
Novemba 10: Al Merreikh 0 AC Leopards 0 [Jumla Mabao: Leopards 2 Al Merreikh 1]
Novemba 11: Djoliba 2 Al Hilal 0 [Penati: Djoliba 8 Al Hilal 7]
+++++++++++++++++++++
Mshindi wa Kombe la
Shirikisho atapambana kugombea CAF Super Cup na Klabu Bingwa ya Afrika
Al Ahly ambayo iliibwaga Esperance kwenye Fainali Wiki iliyopita.
SNEIDJER SASA NJIA NYEUPEE KUTUA MAN UNITED, ATIBUANA NA INTER MILAN AFUNGIWA VIOO
KLABU ya Manchester United sasa imekaa mkao wa kula baada ya Wesley Sneijder kuambiwa hawezi kucheza Inter Milan tena hadi akubali kupunguziwa mshahara wake wa pauni 200,000 kwa wiki.
Kiungo
huyo Mholanzi, amegoma kupunguziwa mshahara Inter na Mkurugenzi wa
klabu hiyo, Marco Branca amesema hatahusishwa kwenye mipango ya klabu
hiyo akubali kupunguziwa mshahara.
Sneijder,
ambaye aliiongoza Inter chini ya kocha Jose Mourinho kutwaa taji la
Ligi ya Mabingwa na ya nyumbani mwaka 2010, alikuwa anatakiwa na klabu
kadhaa ikiwemo Man United, lakini Sir Alex Ferguson aliamua kuachana
naye kutokana na mshahara mkubwa alioutaka.
Lakini sasa kuna uwezekano Mholanzi huyo akatua United January.
Mchezaji
huyo mwenye umri wa miaka 28, alisaini mkataba mpya wa miaka mitano
wenye mshahara huo mnono wa pauni 200,000 kwa wiki mwaka 2010, lakini
Inter hivi sasa iko katika mpango wa kupunguza bajeti yake na matokeo
yake ni pamoja na kumuuzaa kipa Julio Cesar kwenda QPR msimu huu.
Branca ametoa taarifa kuhusu Sneijder, ambaye ametemwa kwenye kikosi kinachomenyana na Parma leo, katika tovuti ya klabu hiyo.
KOCHA WA RWANDA ERICK NSHIMIYIMANA ANASEMA KILIMANJARO STARS HAIKAMATIKI AITABIRIA UBINGWA.
Kocha msaidizi wa timu ya taifa ya Rwanda(Amavubi) Erick
Nshimiyimana amesema ameiangalia kwa makini timu ya taifa ya Tanzania
Bara(Kilimanjaro Stars) na kutamka maneno haya "Hii haikamatiki".
Nshimiyimana alitoa kauli hiyo nzito baada ya kuishuhudia
Kilimanjaro Stars ikiifunga Sudan mabao 2-0
katika mchezo wa kwanza wa michuano ya chalenji uliopigwa hapo jana kwenye uwanja Namboole jijini Kampala.
Amekaririwa akimuuliza kwa mshangao mwandishi wa habari hii,
"Hivi huyu kocha ana muda gani?(mwandishi wa habari hii
alimjibu kuwa hata mwaka hajafikisha tangu alipokabidhiwa timu ndipo
alipoendelea kusema.
"Hii timu imebadilika sana kama itaendelea kucheza hivi hakuna
ubishi kwamba itafika mbali na huenda ikachukua hata ubingwa,".alisema
Nshimiyimana.
Nshimiyimana ambaye pia ni kocha wa timu ya APR ya Rwanda amesema, Kilimanjaro Stars imekamilika kila idara kuanzia ufundi hadi fiziki ya wachezaji.
"Nimewaangalia kwenye fiziki na hata mbinu wako vizuri na hata
wanapotengeneza mashambulizi unaona kabisa yamepangiliwa,"
Kilimanjaro Stars hapo jana walianza vema kampeni yake ya kuwania taji la Chalenji baada ya mabao mawili
ya kipindi cha kwanza yaliyofungwa na John Raphael Bocco kuiwezesha kuibuka na ushindi wa mabao 2-0 dhidi
ya Sudini mchezo ambao ulikuwa ni wa pili wa kundi la B wa michuano ya kombe la
Chalenji mchezo ambo ulifanyika katika uwanja wa Namboole.
MICHUANO YA WACHEZAJI WA NDANI (CHAN) YAMKOSESHA CHALENJI KAVUMBAGU
Kocha wa timu ya taifa ya Burundi, Lotfy Mohamed amewatema kwenye
kikosi chake kinachoshiriki michuano ya chalenji maprofesheno wote
akiwemo mshambuliaji Didier Kavumbagu.
Kavumbagu pamoja na nyota wengine wa Burundi wanaocheza soka la
kulipwa katika nchi mbalimbali kwa lengo la kutengeneza kikosi cha michuano ya wachezaji wa ndani (CHAN).
Lotfy
hakuwatumia wachezaji hao katika kikosi cheke kilichoiangamiza Somalia
kwa mabao 5-1 ambao ulikuwa mchezo wake wa ufunguzi wa michuano ya
Chalenji katika dimba la Namboole jijini Kampala hapo jana.
Akizungumza jijini Kampala ,Lotfy Mohamed amesema uamuzi wake wa kuwatema mapro hao umelenga kutumia michuano ya chalenji kukipika kikosi chake kitakachoshiriki mechi za kusaka nafasi ya kufuzu kushiriki fainali za mataifa ya Afrika kwa wachezaji wa ndani(CHAN).
Desemba
16 Burundi itacheza mechi ya CHAN dhidi ya Kenya hivyo kocha huyo
ameona awaache wachezaji ambao hatawatumia katika CHAN kwa lengo la
kutengeneza kikosi kupitia michuano ya Chalenji.
Amekaririwa akisema
"Siyo yeye Kavumbagu peke yake, kuna Hamis Cedric ambaye ni tegemeo kabisa kwenye timu ya taifa na wengime wengi ambao nimewacha kwa mtazamo huo wa kuhakikisha tunafanya vizuri katika mechi zetu za kusaka nafasi ya kushiriki fainali za CHAN,".
Akizungumzia nafasi ya timu yake katika michuano ya chalenji
inayoendelea na hasa baada ya kuanza harakati zake kwa ushindi mnono wa
mabao 5-1 dhidi ya Somalia, Lotfy Mohamed amesema atatumia faida ya kuzifahamu
kwa kina Tanzania Bara(Kilimanjaro Stars) na Sudan kuweza kuibuka na ushindi na
kufuzu kwa hatua ya robo fainali pale atakapokutana nazo.
Barca yaichapa Levante 4-0, Messi apiga 2, bado 3 kumfikia Gerd Muller!!
>>SERIE A: JUVE yachapwa 1-0 na AC MILAN!!
>>BUNDESLIGA: Mabingwa Dortmund kuwasogelea vinara Bayern??
>>WIKIENDI ni Dortmund v Bayern Munich!!
Andreas
Iniesta alimtengenezea Lionel Messi Bao 2, alimlisha Cesc Fabregas
kufunga moja na yeye mwenyewe kupachika Bao moja na kuifanya Barcelona
iwachape Levante 4-0 na kuzidi kuyoyoma kileleni mwa La Liga huku Messi
sasa akiwa na Bao 82 kwa Mwaka huu 2012 na kubakisha Bao 3 kuifikia
rekodi ya Mjerumani Gerd Muller ya Bao 85 kwa Mwaka mmoja wa Kalenda
aliyoiweka Miaka 40 iliyopita.
+++++++++++++++++
MAGOLI:
Levante 0
Barcelona 4
-Messi: Dakika ya 47 & 52
-Iniesta: 57,
-Fábregas: 63
+++++++++++++++++
Barca sasa wapo Pointi 3 mbele ya Timu
ya Pili Atletico Madrid ambao jana waliicharaza Sevilla Bao 4-0 na wapo
Pointi 11 mbele ya Timu ya 3 Real Madrid ambao juzi walifungwa 1-0 na
Real Betis.
+++++++++++++++++++++++
LA LIGA
MSIMAMO:
[Timu za Juu]
1 Barcelona Mechi 13 Pointi 37
2 Atletico Madrid Mechi 13 Pointi 34
3 Real Madrid Mechi 13 Pointi 26
4 Malaga Mechi 13 Pointi 22
5 Real Betis Mechi 13 Pointi 22
6 Levante Mechi 13 Pointi 20
+++++++++++++++++++++++
Kwa Msimu huu, Messi ameshafunga Bao 19
kwenye La Liga na kwa Mwaka 2012 ameifungia Barca Bao 70 na Timu ya
Taifa ya Argentina Bao 12.
RATIBA/MATOKEO:
Jumapili Novemba 25
Espanyol 0 Getafe 2
Athletic Bilbao 1 Deportivo La Coruna 1
Atletico Madrid 4 Sevilla 0
Levante 0 Barcelona 4
Jumatatu Novemba 26
Real Zaragoza v Celta Vigo
Ijumaa Novemba 30
Osasuna v Rayo Vallecano
Jumamosi Desemba 1
Getafe v Malaga
Valencia v Real Sociedad
Barcelona v Athletic Bilbao
Real Madrid v Atletico Madrid
BUNDESLIGA: Mabingwa Dortmund kuendeleza ushindi??
Jumanne Mabingwa watetezi Borussia
Dortmund wataingia Uwanjani wakiwa kwao kupambana na Fortuna Dusseldorf
huku wakitegemea kupata ushindi wao wa 5 mfululizo wakiwafukuza vinara
wa Bundesliga Bayern Munich ambao wako Pointi 9 mbele yao na ambao
Jumatano wako ugenini kucheza na Freiburg.
Mechi hizo za Dortmund na Bayern Munich
ni za utanguliza tu kwani Wikiendi inayokuja, Jumamosi Desemba Mosi, na
wanakutana uso kwa uso.
+++++++++++++++++++++++
MSIMAMO-Timu za Juu:
[Kila Timu imecheza Mechi 13]
1 Bayern Munich Pointi 34
2 Borussia Dortmund 25
2 Schalke 24
3 Eintracht Frankfurt 24
4 Bayer Leverkusen 24
5 Freiburg 19
6 Werder Bremen 18
7 Hannover 17
+++++++++++++++++++++++
RATIBA
Jumanne Novemba 27
Borussia Dortmund v Fortuna Dusseldorf
Hamburger v Schalke
Hannover v SpVgg Gr. Furth
Eintracht Frankfurt v Mainz
Jumatano Novemba 28
Stuttgart v Augsburg
Werder Bremen v Bayer Leverkusen
Freiburg v Bayern Munich
Nuremberg v Hoffenheim
Ijumaa Novemba 30
Fortuna Dusseldorf v Eintracht Frankfurt
SERIE A: AC MILAN yawatungua Mabingwa JUVE 1-0!
Jumapili, Juventus wameikosa nafasi ya
kupaa juu zaidi kileleni mwa Serie A na kuwa Pointi 7 mbele baada ya
Penati ya Robinho ya Dakika ya 31 kuwapa ushindi wa Bao 1-0 Timu
inayosuasua AC Milan.
+++++++++++++++++++++++
MSIMAMO-Timu za Juu:
1 Juventus Mechi 14 Pointi 32
2 Fiorentina Mechi 14 Pointi 28
3 Inter Milan Mechi 13 Pointi 28
4 Napoli Mechi 13 Pointi 27
5 AS Roma Mechi 14 Pointi 23
6 Catania Mechi 14 Pointi 19
7 AC Milan Mechi 14 Pointi 18
+++++++++++++++++++++++
Hiki ni kipigo cha pili kwa Mabingwa watetezi Juventus Msimu huu baada ya kuumaliza Msimu uliopita bila kufungwa hata Mechi.
Wiki mbili zilizopita walitandikwa 3-1 na Inter Milan.
RATIBA:
SERIE A
Jumatatu Novemba 26
Cagliari v Napoli
Parma v Inter Milan
Jumatano Novemba 27
Lazio v Udinese
Ijumaa Novemba 30
Catania v AC Milan
Jumamosi Desemba 1
Juventus v Torino
Jumapili Desemba 2
Napoli v Pescara
Bologna v Atalanta
Inter Milan v Palermo
Lazio v Parma
Udinese v Cagliari
FIFA KOMBE la MABARA 2013: Droo kufanyika Desemba MOSI !
Mji
wa Sao Paulo huko Brazil uko kwenye heka heka ya kupokea Wageni kwa
ajili ya Droo ya Michuano ya FIFA ya Kombe la Mabara itakayofanyika
Desemba Mosi kwa ajili ya Mashindano hayo yatakayochezwa Nchini humo
kuanzia Juni 15, 2013 hadi Juni 30, 2013 na kushirikisha Nchi 8 ambazo
ni Wenyeji Brazil, Mabingwa wa Dunia Spain, Bingwa wa Asia Japan, Bingwa
CONCACAF Mexico, Marekani ya Kusini ni Uruguay, Bingwa wa Kanda ya Nchi
za Oceania, Tahiti, Italy itakayowakilisha Ulaya pamoja na Mabingwa
Bara la Afrika, ambao watajulikana Tarehe 10 Februari 2013 baada ya
Fainali za AFCON 2013 huko Afrika Kusini.
FIFA ilishatangaza Miji ambayo itatumika
kwa ajili ya Mashindano hayo ambayo ni Brasilia, Belo Horizonte,
Fortaleza, Rio de Janeiro, Recife na Salvador.
Miongoni mwa Wageni waalikwa
watakaouhudhuria Droo hiyo ni Makocha wa Nchi zitakazoshiriki ambao ni
Cesare Prandelli (Italy), Alberto Zacceroni (Japan), Jose Manuel de la
Torre (Mexico), Vicente del Bosque (Spain), Eddy Etaeta (Tahiti) na
Oscar Tabarez (Uruguay).
Katibu Mkuu wa FIFA, Jerome Valcke, ndie atakaeendesha Droo hiyo.
BPL: Man United yabaki JUU, Chelsea v City ngoma ngumu!!
>>LIGI kuendelea katika ya Wiki hii!!
Mabingwa
watetezi Manchester City wakicheza huko Stamford Bridge dhidi ya
Chelsea iliyokuwa na Meneja mpya Rafael Benitez akianza himaya kwa Mechi
yake ya kwanza na kukaribishwa kwa kuzomewa na Mabango ya Mashabiki
wasiomtaka walitoka sare 0-0 na kuwabakiza Manchester United kileleni
wakiwa Pointi moja mbele ya City, walio nafasi ya 2, na Pointi 5 mbele
ya Chelsea walio nafasi ya 4.
+++++++++++++++++++++++
MSIMAMO-Timu za Juu tu:
1 Man United Mechi 13 Pointi 30
2 Man City Mechi 13 Pointi 29
3 WBA Mechi 13 Pointi 26
4 Chelsea Mechi 13 Pointi 25
5 Everton Mechi 13 Pointi 21
6 Arsenal Mechi 13 Pointi 20
7 Tottenham Mechi 13 Pointi 20
8 West Ham Mechi 13 Pointi 19
9 Swansea Mechi 13 Pointi 17
10 Fulham Mechi 13 Pointi 16
+++++++++++++++++++++++
MATOKEO:
Jumapili Novemba 25
Swansea 0 Liverpool 0
Southampton 2 Newcastle 0
Chelsea 0 Man City 0
Tottenham 3 West Ham 1
+++++++++++++++++++++++
CHELSEA 0 MAN CITY 0
Uwanjani Stamford Bridge, katika Mechi
ya kwanza ya Meneja mpya wa Chelsea Rafael Benitez, aliepokewa kwa
kuzomewa na mabango ya kumpinga, Chelsea walitoka sare ya 0-0 na matokeo
haya yamewafanya Manchester United wabakie kileleni.
VIKOSI:
Chelsea: Cech; Azpilicueta, Ivanovic, Luiz, Cole; Ramires, Mikel; Mata, Oscar, Hazard; Torres.
Manchester City: Hart, Zabaleta, Kompany, Nastasic, Kolarov, Barry, Y Toure, Silva, Milner, Dzeko, Aguero
Refa: Chris Foy
TOTTENHAM 3 WEST HAM 1
Bao mbili za Jermaine Defoe na moja la
Gareth Bale leo zimewapa ushindi Tottenham wa Bao 3-1 walipocheza
Uwanjani White Hart Lane na West Ham.
Bao la West Ham lilifungwa na Andy Carroll.
VIKOSI:
Tottenham Hotspur: Hugo
Lloris, Steven Caulker, Jan Vertonghen, Kyle Walker, Michael Dawson,
Sandro, Gareth Bale, Clint Dempsey, Aaron Lennon, Tom Huddlestone,
Jermain Defoe
West Ham United: Jussi
Jääskeläinen, Joey O'Brien, James Tomkins, Winston Reid, George
McCartney, Modibo Maiga, Kevin Nolan, Mohamed Diamé, Gary O'Neil, Mark
Noble, Andy Carroll
Refa: Andre Marriner
LIVERPOOL O SWANSEA CITY 0
Brendan Rodgers, Meneja wa Liverpool,
leo alirudi Uwanja wa Liberty kucheza na Timu yake ya zamani Swansea
City lakini akaambulia sare ya 0-0.
Jose Enrique wa Liverpool alifunga bao
lakini lilikataliwa kwa kuwa Ofsaidi na shuti la Winga wao Raheem
Sterling kugonga mwamba.
Nafasi bora ya Swansea ilimwangukia Ashley Williams ambae kichwa chake kiliokolewa na Joe Allen kwenye mstari wa goli.
Matokeo haya yamewainua Swansea na kukamata nafasi ya 8 na Liverpool wapo nafasi ya 11.
Hii ni Mechi ya 8 ya Ligi kwa Liverpool
kutoka Uwanjani bila kufungwa na Swansea wamepoteza Mechi moja tu kati
ya 7 walizocheza mwisho.
VIKOSI:
Swansea: Tremmel; Rangel, Williams, Chico, Davies; Routledge, Britton, de Guzman, Hernandez; Michu, Shechter.
Akiba: Cornell, Monk, Tiendalli, Agustien, Ki, Dyer, Lita.
Liverpool: Reina; Johnson, Skrtel, Agger, Enrique; Allen, Henderson, Gerrard; Downing, Sterling, Suarez.
Akiba: Jones, Carragher, Coates, Suso, Shelvey, Cole, Sahin.
Refa: Jon Moss
SOUTHAMPTON 2 NEWCASTLE O
Southampton wamejikwamua kutoka lile
eneo denja la Timu 3 za mkiani ambazo hushushwa Daraja mwishoni mwa
Msimu kwa kuichapa Newcastle Bao 2-0.
Bao za Southampton zilifungwa na Adam Lallana na Ramirez kupiga Bao la pili.
VIKOSI:
Newcastle: Krul, Simpson, Williamson, S. Taylor, Santon, Gutierrez , Tiote, Anita, Ferguson, Cisse, Ba
Akiba: Harper, Tavernier, Perch, Bigirimana, Marveaux, Sammy Ameobi, Ranger.
Southampton: Gazzaniga, Clyne, Fonte, Yoshida, Shaw, Puncheon, Schneiderlin, Cork, Lallana, Ramirez, Lambert
Akiba: K. Davis, Hooiveld, S. Davis, Rodriguez, Ward-Prowse, Mayuka, Guly.
+++++++++++++++++++++++
RATIBA MECHI ZIJAZO:
Jumanne Novemba 27
[SAA 4 Dak 45 Usiku]
Sunderland v QPR
[SAA 5 Usiku]
Aston Villa v Reading
Jumatano Novemba 28
[SAA 4 Dak 45 Usiku]
Chelsea v Fulham
Everton v Arsenal
Southampton v Norwich
Stoke v Newcastle
Swansea v West Brom
Tottenham v Liverpool
Man United v West Ham
[SAA 5 Usiku]
Wigan v Man City
