MASHINDANO YA FDL KESHO NI KIMBEMBE KATIKA VIWANJA MBALI MBALI HAPA TANZANIA
Kule mara polisimara vs rhino rangers katika dimba la karume ,Manyara kule kuna mechi kati ya moran vs polisi tabora katika dimba la kiteto , Dodoma pale kuna mechi kati ya polisi dodoma vs pamba katika dimba la jamhuri na kule Kigoma kuna mechi kati ya Kanembwa vs Mwadui katika dimba la lake tanganyika kigoma.
KUNDI A
Mbeya city vs mlale [sokoine mbeya]
Small kids vs mkamba[mandela sumbawanga]
majimaji vs burkinafaso[majimaji ruvuma ]
polisi iringa vs kurugenzi[samora iringa]
KUNDI B
mechi itakuwepo novemba mosi mwaka huu kati ya Green warriors vs ashanti[mabatini] novemba pili polisi dar vs villa squad chamazi dar es salaam
NSA JOB KUTIBIWA INDIA GOTI LAKE
 |
| Mshambuliaji wa Coastal Union, Nsa Job, akivunjika goti akigongana na kipa wa JKT Ruvu kwenye Uwanja wa Chamazi Jumapili Oktoba 28. 2012. Coastal ilishinda 3-0. |
 |
| Madaktari wakimsaidia Nsa Job baada ya mguu kuhama kutoka kwenye maungio yake ya goti |
 |
| Nsa Job akiugulia wakati akipelekwa kwenye gari la wagonjwa tayari kwa safari ya kelekea hospitalini Muhimbili |
 |
| Nsa Job akiugulia baada ya kufikishwa hospitalini. PICHA ZOTE: Kwa hisani ya Gazeti la MWANANCHI |
Taarifa hiyo inaongeza kuwa baada ya kupatiwa tiba hiyo, mchezaji huyo aliruhusiwa kurejea katika kambi ya timu hiyo ambayo inajiandaa na mechi yake dhidi ya Azam itakayofanyika kesho kwenye Uwanja wa Chamazi.
"Alhamdulillah ule wasiwasi tuliokuwa nao mwanzo baada ya Nsa Job kuumia sasa niseme umepungua kwani baada ya kumfikisha hospitali na kupigwa X-ray ilionekana tatizo ni 'dislocation of joint' (viungo kupishana katika maungio) na madaktari wamefanya kazi ya ziada kulirudisha goti lake katika sehemu yake na ameshafungwa POP, na hivi sasa amerudi kulala hotelini na wenzake. Inshaallah apone haraka aje kutimiza malengo aliyojiwekea " alisema Nassor katika taarifa aliyoitoa.
Habari zaidi zinasema mshambuliaji huyo wa zamani wa Yanga na Simba atakwenda India kwa matibabu zaidi.Mechi nyingine atakayoikosa mshambuliaji huyo aliyeisaidia timu yake kushika nafasi ya tatu kwenye msimamo wa ligi ni dhidi ya Polisi Morogoro na dhidi ya mabingwa wa mashindano ya Klabu Bingwa Afrika Mashariki na Kati (Kombe la Kagame), Yanga ambayo ni ya kufunga mzunguko wa kwanza wa ligi hiyo itakayofanyika Novemba 11 jijini Tanga.
Daktari wa Coastal Union, Dk. Francis Mganga alisema hali ya kiungo wao Mkenya Jerry Santo aliyeumia pia katika mechi hiyo ya juzi ni mbaya na hawatarajii acheze katika mechi zilizobaki za mzunguko wa kwanza na kwamba mchezaji Joseph Malubo pia ni majeruhi wa uvimbe wa goti. (Habari kutoka
Mshambuliaji
wa Coastal Union ya Tanga, Nsa Job akiwa amefungwa bandeji gumu (POP)
baada ya kuvunjika goti wakati wa mchezo wa Ligi Kuu ya Soka Tanzania
Bara dhidi ya JKT Ruvu uliofanyika juzi kwenye Uwanja wa Chamazi Complex
jijini Dar es Salaam. Katika mchezo huo Coastal Union ilishinda 3-0.
KAVUMBANGU 100% YANGA
DIDIER Fortine Kavumbagu yuko fiti kuichezea klabu yake,
Yanga SC katika mechi ya kesho ya Ligi Kuu ya Vodacom Tanzania Bara dhidi ya Mgambo
JKT, Uwanja wa Taifa, Dar es Salaam.
Mrundi huyo alivimba mguu baada ya mechi dhidi ya JKT Oljoro
na kushindwa kufanya mazoezi jana, lakini amefanya mazoezi na kumpa moyo kocha
Mholanzi, Ernie Brandts kwamba anaweza kutumika kesho.
Beki Kevin Patrick Yondan na mshambuliaji Said Rashid
Bahanuzi nao wapo fiti kabisa na leo pia wamefanya mazoezi na wenzao kwa ukamilifu
Uwanja wa sekondari ya Loyola, Mabibo, Dar es Salaam.
Kipa Said Mohamed Kasarama na kiungo Juma Seif Dion ‘Kijiko’
wanasumbuliwa na Malaria na hawatashiriki mechi hiyo ya kesho, wakati mabeki
Salum Abdul Telela, Juma Jaffar Abdul na Ibrahim Job Isaac wote bado majeruhi.
Yanga iliyovuna pointi tatu kwa ushindi wa bao 1-0 dhidi ya JKT
Oljoro, Uwanja wa Sheikh Amri Abeid, Arusha na kupanda nafasi ya pili kwenye
msimamo wa Ligi Kuu ya Vodacom Tanzania Bara, baada ya kutimiza pointi 20 katika
mechi 10, kesho inatarajiwa kuendeleza mawindo yake.
Yanga sasa iko nyuma kabisa ya wapinzani wao wa jadi, Simba
SC wanaoongoza Ligi Kuu kwa pointi zao 22, baada ya kucheza mechi 10 pia.
Mabingwa hao wa Afrika Mashariki na Kati, Kombe la Kagame,
wanaweza kupanda kileleni kesho, iwapo Simba itatoa sare au kufungwa na Polisi
mjini Morogoro katika mchezo mwingine wa Ligi Kuu.
Mgambo JKT pamoja na kwamba imepanda Ligi Kuu msimu huu,
lakini imeonyesha ni timu ya ushindani baada ya kutoa sare ya bila kufungana na
Simba SC, Uwanja wa Mkwakwani, Tanga.
Kwa sababu hiyo, Yanga wamechukua tahadhari ya kutosha
kuelekea mchezo huo na tangu juzi Mwenyekiti wa Kamati ya Mashindano ya Yanga,
Abdallah Ahmad Bin Kleb amekuwa ‘akienda mbio’ kuhakikisha timu inashinda
keshokutwa.
Kurejea kwa Yondan na Bahanuzi kunaongeza matumaini ya
ushindi kwa Yanga katika mchezo huo, ingawa upande mwingine ni mtihani kwa
Brandts, kwani katika kipindi ambacho wachezaji hao wako ‘wadini’, walioshika
nafasi zao wamekuwa wakifanya vizuri.
Mbuyu Twitwe aliyehamishwa kutoka beki ya kulia hadi beki ya
kati tangu Yondan aumie Oktoba 3, amekuwa akifanya vizuri sawa na Jerry Tegete
aliyempokea Bahanuzi Oktoba 8, alipoumia naye amekuwa akifanya vizuri pia.
Kwa kuzingatia Twite alikuwa ‘uchochoro’ alipokuwa akicheza
pembeni, watu wanasubiri kuona kama Brandts atamrudisha huko huko baada ya
Yondan kurejea, au ataamua mmoja kati yao na Nadir Haroub ‘Cannavaro’ ataanzia
benchi.
Upande wa Tegete na Bahanuzi, kuna uwezekano mmoja wao
atakuwa anaanzia benchi kwa sasa na mwingine kumpokea mwenzake baadaye.
SIMBA WAWAFUATA KIBABE MAAFANDE WANYONGE MOROGORO
SIMBA SC tangu inaondoka leo Dar es Salaam kwenda Morogoro
tayari kwa mchezo wao dhidi ya Polisi mjini Morogoro katika mfululizo wa Ligi
Kuu ya Vodacom Tanzania Bara kesho, wakitoka kushinda mabao 3-1 dhidi ya Azam
FC Jumamosi na kujiimarisha kileleni.
Mabingwa hao watetezi juzi na jana walifanya mazoezi kwenye
Uwanja wa Kinesi, Urafiki, Manzese, Dar es Salaam na kwa ujumla timu vizuri
kuelekea mchezo huo wa tatu kucheza nje ya Uwanja wa Taifa, msimu huu baada ya
awali kucheza mechi mbili Tanga dhidi ya Coastal Union na Mgambo JKT ambazo
zote walilazimishwa sare ya bila kufungana.
Simba imeshinda mechi zake zote Uwanja wa Taifa, Dar es
Salaam na kutoa sare mbili tu, dhidi ya mahasimu wao wa jadi, Yanga 1-1 na 2-2
dhidi ya Kagera Sugar ya Bukoba.
Wekundu hao wa Msimbazi, wapo kileleni mwa Ligi Kuu kwa
pointi zao 22 baada ya kucheza mechi 10, wakifuatiwa na wapinzani wao wa tangu
enzi za bibi na babu, Yanga SC wenye pointi 20 katika nafasi ya pili.
Beki Juma Said Nyosso na kiungo Haruna Moshi Shaaban ‘Boban’
wanaendelea kutumikia adhabu zao za kusimamishwa, lakini wachezaji wote wengine
wapo fiti kabisa, ukiondoa Obadia Mungusa aliyefukuzwa mapema tu kabla ya
kuanza kwa Ligi Kuu.
Simba itamenyana na Polisi iliyorejea Ligi Kuu msimu huu, ambayo
inashika mkia katika ligi hiyo, ikiwa haijashinda hata mechi moja tangu kuanza
kwa ligi hiyo zaidi ya kutoa sare mbili.
Lakini hiyo haiifanyia Simba idharau mechi hiyo na kocha
Mserbia, Milovan Cirkovick ameanza maandalizi ya mapema kwa ajili ya mechi
hiyo.
Hofu kubwa kwa Simba ni hali ya Uwanja wa Jamhuri, Morogoro-
ni mbaya na kulingana na uzoefu walioupata wa kucheza kwenye Uwanja mwingine
mbovu wa Mkwakwani, Tanga wanajua watakuwa na shughuli pevu keshokutwa.
Hadi sasa Simba ndio timu pekee katika Ligi Kuu, ambayo
haijapoteza mechi, ikiwa imeshinda mechi sita na kutoa sare nne, wakati Yanga
imefungwa mechi mbili na Azam FC na Coastal Union zinazoifukuzia timu hiyo, zimefungwa
mechi moja moja.
MIGAMBO WAIFUATA YANGA NA VIRUNGU VILIVYOITULIZA SIMBA MKWAKWANI
TIMU ya soka ya Mgambo JKT ya mjini Handeni mkoani Tanga,
imeondoka leo mjini Tanga, ilikokuwa imeweka kambi kwenda Dar es salaam ambako
kesho itashuka dimbani kwenye Uwanja wa Taifa kucheza na wenyeji Yanga katika
mfululizo wa Ligi Kuu ya Vodacom Tanzania Bara.
Mgambo inayoshika nafasi ya 10 kwenye msimamo wa Ligi Kuu
hadi sasa kwa kuwa na pointi 10 ikiwa imecheza michezo tisa, imeondoka na wachezaji
wake 22 na viongozi watatu kwa ajili ya pambano hilo ambalo timu hiyo ilisema
kuwa inalichukulia kwa umakini mkubwa ili waweze kuibuka na ushindi kutokana na
kujiandaa vilivyo.
Kocha Mkuu wa timu hiyo Mohamed Kampira, alisema jana mjini
hapa kwamba, Yanga waailichukulie kuwa watawafunga kirahisi katika mchezo huo
badala yake wategemee kupata upinzani hasa kutokana na kwamba timu hiyo ya
Mgambo imejiandaa kuibuka na ushindi ili waweze kukaa katika nafasi nzuri
katika mzunguko huu wa kwanza.
"Tunaondoka kesho asubuhi (leo) kwenda Dar es salaam,
kama timu tumejiandaa vizuri na tunatarajia kuwapa wakati mgumu Yanga na
kuishinda, wasitarajie mteremko, sisi ni timu na tunaamini kwamba tutaibuka na
pointi zote tatu," alisema kwa kujiamini Kampira aliyevaa viatu vya
aliyekuwa kocha mkuu wa timu hiyo Stephen Matata aliyetimuliwa baada ya timu
hiyo kuanza vibaya kwa kufungwa michezo mitano mfululizo tangu kuanza kwa ligi
hiyo.
Kampira alisema hadi sasa wachezaji wake wamekuwa na ari
kubwa ya kuibuka na ushindi na hakuna majeruhi wote wapo katika hali nzuri ya
kupambana na timu hiyo inayousaka ubingwa mwaka huu kwa udi na uvumba na kwamba
amewata mashabiki wa timu hiyo kuiamini kwa wachezaji watafanya kazi
iliyokusudiwa.
Mgambo JKT ambayo baada ya kumtimua kocha ilikuwa imeshikwa
na kocha msaidizi Josepj Lazaro ambaye aliipa ushindi wa bao 1-0 dhidi ya
Polisi Morogoro, akaifunga Mtibwa Sugar bao 2-1 kwenye uwanja wa Manungu,
ikaifunga Toto African bao 2-0 na ikatoka sare ya 0-0 na Simba mchezo ambao
Kampira ilikuwa ni mchezo wake wa kwanza kukaa kwenye benchi la timu hiyo.
Wakati huo huo, mashabiki wa klabu ya Coastal Union ya Jijini
hapa, wameipongeza timu yao kwa ushindi walioupata juzi walipoifunga JKT Ruvu
bao 3-0 katika mchezo uliofanyika kwenye uwanja wa Azam Complex, Chamazi Jijini
Dar es salaam hatau ambayo walisema inatia faraja na wamewataka wacheji wazidi
kuongeza bidii ili lengo la kumaliza ikiwa nafasi za juu litimie.
Mmoja wa mashabiki hao Fred Tayasar alisema wamejisikia
furaha ushindi huo lakini pia umewapa majonzi makubwa kwa mchezaji wao Nsa Job
kuvunjika mguu katika pambano hilo hatua ambayo alisema wapenzi wa timu hiyo
wanaangalia uwezekano wa kumchangia fedha kwa ajili ya kumpa ili aweze kujikimu
katika kipindi atakachokuwa nje ya uwanja.
BUNJAK ATUPIWA VIRAGO AZAM, KOCHA USHINDI AREJESHWA KAZINI
 |
KOCHA Mserbia
wa Azam FC, Boris Bunjak amefukuzwa rasmi leo na sasa aliyekuwa kocha wa timu
hiyo, Muingereza Stewart Hall anarudishwa kazini.
Habari kutoka
ndani ya Azam FC zimesema kwamba, sababu za kufukuzwa kwa Mserbia huyo ni
kushuka kwa kiwango cha timu, hali iliyosababisha sasa ianguke hadi nafasi ya
nne kwenye msimamo wa Ligi Kuu.
Tayari Bunjak
amekwishapewa haki zake zote na ataondoka Alhamisi, siku ambayo Stewart
atawasili kuanza tena kazi Azam FC.
Bunjak anaondoka
Azam baada ya kuiongoza timu katika mechi 16, akifungwa nne tu, zote dhidi ya
Simba ikiwemo ya juzi ya Ligi Kuu, waliyofungwa 3-1 na kutoa sare tatu.
Bunjak mwenye
leseni ya Shirikisho la Soka Ulaya (UEFA), alitua Azam, Agosti 7, mwaka huu akitokea
FC Damac ya Saudia Arabia aliyoanza kuifundisha mwaka jana na kabla ya hapo
alifundisha klabu kibao za kwao, zikiwemo FK Sloga Kraljevo, FK Javor Ivanjica,
Crvena Zvezda Gnjilane, FK Radnicki Nis, FC Uralan Elista, FK Mladi Radnik, FK
Crvena Zvezda Beograd, Al-Shaab, FK Hajduk Kula na Al-Nasr.
Awali,
Bunjak aliyezaliwa Novemba 17, mwaka 1954 ( miaka 57), alicheza soka katika
klabu za FK Sloga (Kraljevo), FK Vozdovac (Beograd), FK Radnicki (Kragujevac),
FK Olimpia (Ljubljana), FK Sumadija (Arandjelovac), FK Sloga (Kraljevo), FK
Borac (Cacak) na FK Sloga (Kraljevo).
Stewart
alifukuzwa kwa kosa la kukaidi maagizo ya Bodi ya Ukurugenzi ya klabu hiyo,
kumpanga Mrisho Khalfan Ngassa katika mechi ya fainali ya Klabu Bingwa Afrika
Mashariki na Kati, Kombe la Kagame dhidi ya Yanga.
Mserbia huyo
anakuwa kocha wa tano kufukuzwa Azam, ndani ya miaka minne tangu ianze kucheza
Ligi Kuu, 2008 baada ya Stewart, Mbrazil Neider dos Santos, Sylvester Marsh na
Itamar Amorin, Mbrazil mwingine.
Lakini Stewart
angalau aliacha kumbukumbu ya taji na Medali Azam, baada ya kuiwezesha kutwaa
Kombe la Mapinduzi Januari, kushika nafasi ya pili katika Ligi Kuu Aprili,
kabla ya kushika nafasi ya pili Kombe la Urafiki na Kagame miezi miwili iliyopita,
mambo ambayo bila shaka yamemfanya afikiriwe tena.
Stewart ana
sifa ya kutokuwa mbinafsi na mwenye kuwaamini watu wa chini yake, kwa mfano
namna ambavyo alikuwa akimpromoti Kali Ongala. Alimkuta Kali kama mchezaji,
lakini kwa sababu ya umri kumtupa mkono, akashauriana naye awe Kocha Msaidizi
na mshambuliaji huyo wa zamani wa Yanga, akakubali.
Chini ya
Stewart, Kali alikuwa akiachiwa timu aiongoze ili kumjengea kujiamini zaidi na
mwezi uliopita aliachiwa timu kwenye Kombe la Urafiki, akaifikisha fainali,
ambako ilifungwa na Simba kwa penalti kufuatia sare ya 2-2 ndani ya dakika
90.
WASIFU WA
BORIS BUNJAK:
JINA KAMILI:
Boris Bunjak
KUZALIWA: Novemba
17, 1954 (Miaka 57)
KLABU
ALIZOCHEZEA:
1967- 1975:
FK Sloga (Kraljevo)
1975-
1978 FK Vozdovac (Beograd)
1978-
1979 FK Radnicki (Kragujevac)
1979-
1980 FK Olimpia (Ljubljana)
1980-
1981 FK
Sumadija (Arandjelovac)
1981-
1985 FK
Sloga (Kraljevo)
1985-
1986 FK
Borac (Cacak)
1986-
1990 FK
Sloga (Kraljevo)
KLABU
ALIZOFUNDISHA:
1990-1993: FK Sloga (Kraljevo)
1995-1996: FK Javor (Ivanjica)
1996-1997: Crvena Zvezda (Gnjilane)
1999: FK
Radnicki (Nis)
2000: FC
Uralan Elista (Urusi)
2000-2002: FK Mladi (Radnik)
2002-2004: FK Crvena Zvezda (Beograd)
2004: Al-Shaab
(UAE)
2005: FK
Hajduk (Kula)
2006-2007: Al-Nasr (Oman)
2009: Al
Oruba Sur (Oman)
2011: FC Damac (Saudi Arabia)
2011: AL NASER (Oman)
REKODI YA BORIS BUNJAK AZAM
Azam 2-1 Polisi (BancABC)
Azam 1-2 Simba
B (BancABC)
Azam 8-0
Trans Camp (Kirafiki)
Azam 1-0
Prisons (Kirafiki)
Azam 2-0
Coastal Union (Kirafiki)
Azam 2-3
Simba SC (Ngao ya Jamii)
Azam 1-0
Kagera Sugar (Ligi Kuu)
Azam 2-2
Toto African (Ligi Kuu)
Azam 3-0 JKT
Ruvu (Ligi
Kuu)
Azam 1-0
Mtibwa Sugar (Ligi Kuu)
Azam 1-0
African Lyon (Ligi Kuu)
Azam 2-3
Simba SC (Kirafiki)
Azam 1-0
Polisi (Ligi Kuu)
Azam 0-0 Prisons (Ligi Kuu)
Azam 1-1
Ruvu Shooting (Ligi Kuu)
Azam 1-3
Simba (Ligi Kuu)
TFF YASAKA MILIONI 225 ZA KUIPELEKA MOROCCO SERENGETI BOYS
 |
RAIS wa Shirikisho la Soka Tanzania (TFF), Leodegar Chillah
Tenga amesema kwamba timu ya taifa ya vijana chini ya umri wa miaka 17,
Serengeti Boys inahitaji zaidi ya Sh Milioni 225 kwa ajili ya kampeni yake iliyobakia
ya kuwania tiketi ya kucheza Fainali za Afrika mwakani nchini Morocco.
Akizungumza na Waandishi wa Habari makao makuu ya TFF, Ilala,
Dar es Salaam, Tenga alisema kwamba shirikisho lake kwa sasa halina fedha hizo,
kwa sababu hiyo haina mdhamini, zaidi ya kutegemea misaada ya wadau.
Tenga alisema tayari Kamati ya Vijana ya TFF imekwishakutana
kuweka mikakati ya kuiwezesha Serengti kushiriki vema kampeni hizo, ikiwemo
kuunda Kamati ya kuisaidia timu hiyo.
Hata hivyo, Tenga hakuitaja Kamati iliyoundwa kwa sababu bado
hawajazungumza na Wajumbe walioteuliwa.
Alisema kocha wa timu hiyo, Mdenmark Jacob Michelsen ameomba
mechi za kujipima nguvu kabla ya kucheza na Kongo Brazaville kuwania tiketi ya
Morocco na Kamati ya Vijana inahangaikia suala hilo kwa sasa.
Alisema tayari kuna mwaliko kutoka Botswana wa Serengeti kwenda
kucheza, lakini kutokana na ukosefu wa fedha wanashindwa hadi sasa kutoa jibu.
Kikosi cha wachezaji 25 cha Serengeti
Boys kipo kambini mjini Dar es Salaam tangu Oktoba 21, mwaka huu kujiandaa na
mechi hiyo, ya kwanza ikichezwa nyumbani Novemba 17, mwaka huu kwenye Uwanja wa
Taifa, wakati mechi ya marudiano itachezwa wiki mbili baadaye.
Tanzania imefuzu bila jasho hadi
kufika hatua hiyo, baada ya wapinzani wake wa awali, Kenya na Misri kujitoa
katika Raundi ya Kwanza na ya Pili.
Kama Tanzania itafuzu kushiriki
Fainali hizo za mwakani, itapoza machungu ya mwaka 2005 walipofuzu kucheza
Fainali za Vijana wa umri huo kwa kuzitoa Rwanda, Zambia na Zimbabwe, lakini
baadaye kwa sababu ya ‘kufoji’ umri wa Nurdin Bakari, ikaondolewa mashindanoni.
Zaidi ya Fainali za Mataifa ya
Afrika 1980 na CHAN 2009, katika soka ya wanaume, Tanzania haijashiriki fainali
nyingine zozote za Afrika tangu iingie kwenye soka ya kimataifa.
UCHAGUZI DRFA JIRANI KABISA NA UCHAGUZI WA TFF
 |
Mwenyekiti wa Kamati ya Uchaguzi ya Chama cha Soka Dar es Salaam
(DRFA), Juma Simba ‘Gadaffi’ (katikati) akizungumza na Waandishi wa Habari leo,
kwenye ukumbi wa mikutano wa Shirikisho la Soka Tanzania (TFF) juu ya uchaguzi
wa chama hicho. Simba amesema uchaguzi wa DRFA utafanyika Desemba 8, mwaka huu
na fomu za kugombea nafasi mbalimbali zitaanza kutolewa kesho. Novemba 4 hadi
8, Kamati yake itapitia fomu za walioomba uongozi, Novemba 9 hadi 13 utakuwa muda
wa pingamizi kwa wagombea, ambazo zitajadiliwa Novemba 14 hadi 16, wakati
Novemba 17 hadi 19 watatoa fursa ya kukata rufaa, ambazo zitasikilziwa Novemba
20 hadi 24 na baada ya hapo, Novemba 25 yatatangazwa majina ya wagombea
waliopitishwa. Tarehe hii mpya ya uchaguzi wa DRFA inaufanya usogeleane na uchaguzi wa TFF, ambao utafanyika pia Desemba.
|
TENGA ACHEMSHA VITA YA RUSHWA TFF
 |
RAIS wa Shirikisho la Soka Tanzania (TFF), Leodegar Chillah
Tenga amesema kwamba vita dhidi ya rushwa katika Ligi Kuu ya Vodacom Tanzania
Bara ni ngumu na inahitaji sapoti kubwa ya wadau na wapenzi wa mchezo wenyewe
ili kuifanikisha.
Akizungumza na Waandishi wa Habari leo, makao makuu ya TFF,
Ilala mjini Dar es Salaam, Tenga alisema kwamba pamoja awali kuwepo kwa
mazingira ya ushahidi wa rushwa, lakini wanashindwa kwa sababu wao wana mipaka
yao.
“Hili la rushwa kwa kweli ni gumu, ni gumu kwa sababu sisi
tuna mipaka yetu, lazima tupate ushirikiano na vyombo husika. Lazima tupate ushirikiano
wa wapenzi wenyewe wa mpira,”alisema Tenga.
Beki huyo wa zamani wa kimataifa wa Tanzania, alisema wakati
mwingine inakuwa vita hiyo inakuwa ngumu zaidi anaposikia hata Waandishi wa
Habari wanahusika.
“Mimi sijathibitisha, lakini watu wananiambia viongozi
wenyewe wanashiriki mchezo huu. Tena nasikia hadi nyinyi Waandishi wa Habari
wakati mwingine mnatumiwa kupenyeza rushwa, kwa kweli inasikitisha,”alisema
Tenga.
Kuhusu vipimo vya dawa za kulevya katika Ligi Kuu, Tenga
alisema kwamba mchakato wa zoezi hilo unaendelea na walichokifanya kwa sasa ni
kuwataaribu na kuwapa muda wahusika waache taratibu.
Alisema wamewapa nusu msimu watumiaji wa mihadarati katika
soka ya Tanzania kujiondoa taratibu na tayari wamekwishawaambia hadi viongozi wa klabu zote, ili zoezi hilo likianza
liende vizuri.
“Hatutaki kuwaadhiri vijana wetu, ndiyo maana tumewaambia mapema,
ili wale ambao wanavuta bangi kwa mfano, waanze taratibu kula chwingamu waache
bangi, ili wakati utakapofika, hakutokuwa na mzaha,”alisema Tenga.
SIMBA SC HAKUNA KULALA, INAUA MMOJA INAWINDA MWINGINE
 |
| Wachezaji wa Simba SC |
SIMBA SC tangu jana wameendelea na mazoezi kujiandaa na
mchezo wao ujao dhidi ya Polisi mjini Morogoro katika mfululizo wa Ligi Kuu ya
Vodacom Tanzania Bara, wakitoka kushinda mabao 3-1 dhidi ya Azam FC Jumamosi na
kujiimarisha kileleni.
Mabingwa hao watetezi jana walifanya mazoezi kwenye Uwanja wa
Kinesi, Urafiki, Manzese, Dar es Salaam na kwa ujumla timu vizuri kuelekea
mchezo huo wa tatu kucheza nje ya Uwanja wa Taifa, msimu huu baada ya awali
kucheza mechi mbili Tanga dhidi ya Coastal Union na Mgambo JKT ambazo zote
walilazimishwa sare ya bila kufungana.
Simba imeshinda mechi zake zote Uwanja wa Taifa, Dar es
Salaam na kutoa sare mbili tu, dhidi ya mahasimu wao wa jadi, Yanga 1-1 na 2-2
dhidi ya Kagera Sugar ya Bukoba.
Wekundu hao wa Msimbazi, wapo kileleni mwa Ligi Kuu kwa pointi
zao 22 baada ya kucheza mechi 10, wakifuatiwa na wapinzani wao wa tangu enzi za
bibi na babu, Yanga SC wenye pointi 20 katika nafasi ya pili.
Beki Juma Said Nyosso na kiungo Haruna Moshi Shaaban ‘Boban’
wanaendelea kutumikia adhabu zao za kusimamishwa, lakini wachezaji wote wengine
wapo fiti kabisa, ukiondoa Obadia Mungusa aliyefukuzwa mapema tu kabla ya
kuanza kwa Ligi Kuu.
Simba inatarajiwa kuondoka kesho Dar es Salaam kwenda
Morogoro kwa ajili ya mchezo dhidi ya Polisi ambayo inashika mkia katika ligi
hiyo, ikiwa haijashinda hata mechi moja tangu kuanza kwa ligi hiyo zaidi ya
kutoa sare mbili.
Lakini hiyo haiifanyia Simba idharau mechi hiyo na kocha Mserbia,
Milovan Cirkovick ameanza maandalizi ya mapema kwa ajili ya mechi hiyo.
Hofu kubwa kwa Simba ni hali ya Uwanja wa Jamhuri, Morogoro-
ni mbaya na kulingana na uzoefu walioupata wa kucheza kwenye Uwanja mwingine mbovu
wa Mkwakwani, Tanga wanajua watakuwa na shughuli pevu keshokutwa.
Hadi sasa Simba ndio timu pekee katika Ligi Kuu, ambayo
haijapoteza mechi, ikiwa imeshinda mechi sita na kutoa sare nne.
YONDAN, BAHANUZI WARUDI RASMI KAZINI YANGA
 |
| Bahanuzi |
BEKI Kevin Yondan na mshambuliaji Said Bahanuzi waliokuwa nje
ya Uwanja kwa zaidi ya wiki mbili kutokana na kusumbuliwa na majeruhi, leo
wanatarajiwa kuanza programu rasmi ya mazoezi na wenzao baada ya kupata ahueni
ya kutosha.
Wachezaji hao wamekuwa wakifanya mazoezi mepesi kwa zaidi ya
wiki moja baada ya kupata ahueni kidogo na sasa wamepona kabisa na leo kocha
Mholanzi, Ernie Brandts anatarajiwa kuwajumuisha kwenye programu yake kamili,
Uwanja wa sekondari ya Loyola, Mabibo, Dar es Salaam.
Yanga imerejea kutoka Arusha, ambako Jumamosi ilivuna pointi
tatu kwa ushindi wa bao 1-0 dhidi ya wenyeji JKT Oljoro, Uwanja wa Sheikh Amri
Abeid na kupanda nafasi ya pili kwenye msimamo wa Ligi Kuu ya Vodacom Tanzania
Bara, wakitimiza pointi 20 baada ya kucheza mechi 10.
Yanga sasa iko nyuma kabisa ya wapinzani wao wa jadi, Simba
SC wanaoongoza Ligi Kuu kwa pointi zao 22, baada ya kucheza mechi 10 pia.
Mabingwa hao wa Afrika Mashariki na Kati, Kombe la Kagame
sasa wanajiandaa na mchezo wao ujao wa ligi hiyo, dhidi ya Mgambo JKT Jumatano
Uwanja wa Taifa, Dar es Salaam.
Mgambo JKT pamoja na kwamba imepanda Ligi Kuu msimu huu,
lakini imeonyesha ni timu ya ushindani baada ya kutoa sare ya bila kufungana na
Simba SC, Uwanja wa Mkwakwani, Tanga.
Kwa sababu hiyo, Yanga wamechukua tahadhari ya kutosha kuelekea
mchezo huo na tangu jana Mwenyekiti wa Kamati ya Mashindano ya Yanga, Abdallah Ahmad
Bin Kleb amekuwa ‘akienda mbio’ kuhakikisha timu inashinda keshokutwa.
Kurejea kwa Yondan na Bahanuzi kunaongeza matumaini ya
ushindi kwa Yanga katika mchezo huo, ingawa upande mwingine ni mtihani kwa
Brandts, kwani katika kipindi ambacho wachezaji hao wako ‘wadini’, walioshika
nafasi zao wamekuwa wakifanya vizuri.
Mbuyu Twitwe aliyehamishwa kutoka beki ya kulia hadi beki ya
kati tangu Yondan aumie Oktoba 3, amekuwa akifanya vizuri sawa na Jerry Tegete
aliyempokea Bahanuzi Oktoba 8, alipoumia naye amekuwa akifanya vizuri pia.
Kwa kuzingatia Twite alikuwa ‘uchochoro’ alipokuwa akicheza
pembeni, watu wanasubiri kuona kama Brandts atamrudisha huko huko baada ya Yondan
kurejea, au ataamua mmoja kati yao na Nadir Haroub ‘Cannavaro’ ataanzia benchi.
Upande wa Tegete na Bahanuzi, kuna uwezekano mmoja wao
atakuwa anaanzia benchi kwa sasa na mwingine kumpokea mwenzake baadaye.
COASTAL WAISHUSHA TENA AZAM FC MBIO ZA UBINGWA LIGI KUU
 |
| Azam FC |
Mapinduzi katika Ligi Kuu yalianza Jumamosi, baada ya Yanga kupanda
hadi nafasi ya pili kutokana na ushindi wao wa bao 1-0 dhidi ya JKT Oljoro,
Uwanja wa Sheikh Amri Abeid mjini Arusha huku Azam FC ikifungwa na Simba SC
mabao 3-1 Uwanja wa Taifa, Dar es Salaam na kushuka nafasi ya tatu.
Lakini Coastal jana imeishusha Azam kwa nafasi moja zaidi, na
sasa mbio za ubingwa wa Ligi Kuu zinaonekana kuwa za farasi watatu, lakini Azam
si miongoni mwao, bali Simba, Yanga na Coastal.
Mwishoni mwa wiki ijayo, Yanga itacheza na Azam FC, mechi
ambayo itatengeneza taswira ya namna mzunguko wa kwanza utakavyomalizika.
Azam ikishinda inaweza kurudi nyuma ya Simba SC, lakini
tofauti na hapo watu watasubiri kuona kati ya watani hao wa jadi, nani
atamaliza mzunguko wa kwanza akiwa kileleni.
Kabla ya kucheza na Azam, Yanga itacheza Mgambo Shooting
Jumatano, wakati Azam itacheza na Coastal Union Chamazi.
Ligi Kuu sasa inazidi kunoga baada ya juzi Simba kuzinduka
kutoka kwenye wimbi la sare, baada ya kufanikiwa kuichapa Azam FC mabao 3-1
kwenye Uwanja wa Taifa, Dar es Salaam.
Ushindi huo, unaifanya Simba izidi kujitanua kileleni mwa
ligi hiyo kwa kufikisha pointi 22, baada ya kucheza mechi 10, wakati Azam FC
inapromoka hadi nafasi ya nne kwa pointi zake 18, baada ya kucheza mechi tisa,
ikiipisha Coastal yenye pointi 19 katika nafasi ya tatu na Yanga sasa ni ya
pili kwa pointi zake 20.
Mechi nyingine za ligi hiyo juzi, African Lyon ilitoka sare
ya 1-1 Kagera Sugar Uwanja wa Chamazi, Dar es Salaam na Ruvu Shooting ikaifunga
2-1 Polisi Morogoro Uwanja wa Mabatini, Mlandizi.
Mechi kati ya Mgambo JKT na Prisons iliyokuwa ichezawe juzi
Uwanja wa Mkwakwani, Tanga imeahirshwa kutokana na wachezaji wa Prisons kupata
ajali wakiwa njiani kuelekea Tanga.
JKT Ruvu jana ilifungwa 3-0 na Coastal Union Uwanja wa Chamazi,
Dar es Salaam na Toto Africans ilitoka sare ya 1-1 na Mtibwa Sugar Uwanja wa
CCM Kirumba, Mwanza.
Wenger alitolea mimacho CAPITAL ONE CUP!
Wakiwa
bado wanasaka Kombe lao la kwanza tangu Mwaka 2005 na leo wako ugenini
kucheza Raundi ya 4 ya Mtoano ya CAPITAL ONE CUP, zamani CARLING CUP,
dhidi ya Reading, Meneja wa Arsenal Arsene Wenger amesema wao
watapigania kila Kombe ambalo wanashiriki Msimu huu.
+++++++++++++++++++++++++
CAPITAL ONE CUP
RATIBA RAUNDI ya 4:
Mechi kuanza Saa 4 Dak 45 Usiku, Bongo Taimu
Jumanne Oktoba 30
Sunderland v Middlesbrough
Swindon v Aston Villa
Wigan v Bradford
Leeds v Southampton
Reading v Arsenal
Jumatano Oktoba 31
Norwich v Tottenham
Liverpool v Swansea [SAA 5 Usiku]
Chelsea v Manchester United
+++++++++++++++++++++++++
Leo Usiku, Arsenal wanawania kutinga
Robo Fainali ya 10 mfululizo kwenye Kombe la Ligi ambalo sasa linaitwa
CAPITAL ONE CUP watakaposafiri kwenda Madejski Stadium kucheza na
Reading.
Wenger amekiri kuwa vipo Vikombe
wanavyoviwekea umuhimu mkubwa lakini hawadharau Mashindano yeyote na
amesema: “Tutapigana katika kila Kikombe ingawa huwa unapanga namna ya
kucheza kwa sababu tupo pia kwenye Mashindano muhimu kama Ligi, UEFA.”
Kwenye Kombe kama hili CAPITAL ONE CUP
mara nyingi Timu kubwa huchezesha Wachezaji wao wasiocheza mara kwa mara
Kikosi cha Kwanza na wale Chipukizi toka Kikosi cha Akiba.
Wakati huo huo, Wenger amemsifia Andrey
Arshavin kwa mchango wake hasa alipoingizwa wakati walipoifunga QPR bao
1-0 Jumamosi iliyopita na ameahidi kumchezesha Mechi ya leo.
Msimu uliopita Arshavin alipondwa sana
kwa uchezaji wake lakini Wenger amesema: “Ni Mchezaji mzuri! Atacheza
Mechi na Reading. Kila Siku anakuja mazoezini na ana mkazo! Utaona
Jumamosi alipocheza alicheza vizuri lakini Watu wanamponda na hilo
halikubaliki.”
Messi atunzwa BUTI ya DHAHABU Ulaya!
Staa
wa Barcelona na Argentina, Lionel Messi, ametunzwa Kiatu cha Dhahabu,
hii ikiwa ni mara yake ya pili, kwa kufunga Bao nyingi katika Ligi Msimu
uliopita.
Messi, Miaka 25, aliweka rekodi huko
Spain kwa kuifungia Bao 50 Barcelona na kumpiku Staa wa Real Madrid
Cristiano Ronaldo kwa Bao 4.
Akipokea Tuzo hiyo, Messi alisema: “Hii
ni zawadi kwa kufunga Mabao lakini bila Wachezaji wenzangu nisingefunga.
Kwa hiyo hii ni zawadi yetu wote!”
Messi alitwaa Buti ya Dhahabu kwa mara ya kwanza Mwaka 2010 kwa kufunga Bao 34 na kuisaidia Barcelona kutwaa Ubingwa.
Messi, ambae ndie Mchezaji Bora Duniani,
pia yumo kwenye Listi ya Wagombea Tuzo ya FIFA ya 2012 ya Ballon d'Or
ambayo hutunukiwa Mchezaji Bora na yeye ni miongoni mwa Wachezaji 23
watakaoiwania.
Kocha wa Barcelona, Tito Vilanova
alisema: “Hatutaona Mchezaji mwingine kama yeye! Si kwa magoli
anayofunga bali kwa jinsi anavyouelewa mchezo ndilo linamfanya awe bora!
Jumamosi, alikimbia Mita 50 kurudi nyuma kusaidia ulinzi wakati wa kona
wakati tunaongoza bao 5-0! Si Wachezaji wengi wangefanya hivyo!”
Messi alikabidhiwa Tuzo hiyo ya Buti ya
Dhahabu na Luis Suarez Miramontes ambae ni Mchezaji wa zamani wa
Kimataifa wa Spain alieshinda Ballon d'Or Mwaka 1960.
BORA kwa DUNIA: Rooney ni Mchezaji pekee England 2012 Ballon d'Or
>>KOCHA BORA: FERGIE, MANCINI & MATTEO wamo!!
>>WENGER HAYUMO!!
>>NDANI: Messi, Ronaldo, Xavi, Iniesta, Drogba, Balotelli!!
Wayne
Rooney ndie Mchezaji pekee mwenye asili ya Uingereza ambae yumo kwenye
Listi ya Wachezaji 23 ambao wamo kwenye kinyang’anyiro cha kuwania
Mchezaji Bora Duniani, FIFA BALLON D'OR, na kwenye Listi ya kuwania
MENEJA BORA wamo Mameneja watatu toka LIGI KUU ENGLAND ambao ni Roberto
Mancini, Sir Alex Ferguson na Roberto Di Matteo.
Pamoja na Rooney, Wachezaji wengine
wanaochezea LIGI KUU ENGLAND ambao wamo kwenye Listi ni mwenzake wa
Manchester United, Robin van Persie, na Wachezaji watatu wa Manchester
City Sergio Aguero, Yaya Toure na Mario Balotelli.
++++++++++++++++++++++++++
WASHINDI waliopita wa Kiingereza wa BALLON D'OR:
=1956: Stanley Matthews
=1964: Denis Law
=1966: Bobby Charlton
=1968: George Best
=1978/79: Kevin Keegan
=2001: Michael Owen
++++++++++++++++++++++++++
Lakini, hapo Novemba 29, Listi hizo za
Wachezaji na Mameneja zitapunguzwa na kubakishwa Wagombea watatu tu
ambapo Mshindi atapatikana huko Zurich, Uswisi hapo Januari 7 Mwaka
2013.
Uteuzi huo utafanywa na Makepteni na
Makocha Wakuu pamoja na Wawakilishi wa Wanahabari wa Kimataifa
watakaoteuliwa na Gazeti la France Football ambalo ndio Washirika wa
FIFA kwenye Tuzo hii.
LISTI ya WACHEZAJI BORA:
-Sergio Aguero (Manchester City/Argentina),
-Xabi Alonso (Real Madrid/Spain),
-Mario Balotelli (Manchester City/Italy),
-Karim Benzema (Real Madrid/France),
-Gianluigi Buffon (Juventus/Italy),
-Sergio Busquets (Barcelona/Spain),
-Iker Casillas (Real Madrid/Spain),
-Cristiano Ronaldo (Real Madrid/Portugal),
-Didier Drogba (Shanghai Shenhua/Ivory Coast),
-Radamel Falcao (Atletico Madrid/Colombia),
-Zlatan Ibrahimovic (Paris St Germain/Sweden),
-Andres Iniesta (Barcelona/Spain),
-Lionel Messi (Barcelona/Argentina),
-Manuel Neuer (Bayern Munich/Germany),
-Neymar (Santos/Brazil),
-Mesut Ozil (Real Madrid/Germany),
-Gerard Pique (Barcelona/Spain),
-Andrea Pirlo (Juventus/Italy),
-Sergio Ramos (Real Madrid/Spain),
-Wayne Rooney (Manchester United/England),
-Yaya Toure (Manchester City/Ivory Coast),
-Robin van Persie (Manchester United/Netherlands),
-Xavi (Barcelona/Spain)
LISTI ya MAKOCHA BORA:
-Vicente del Bosque (Spain/Spain Timu ya Taifa),
-Roberto Di Matteo (Italy/Chelsea),
-Alex Ferguson (Scotland/Manchester United),
-Pep Guardiola (Spain/Barcelona),
-Jupp Heynckes (Germany/Bayern Munich),
-Juergen Klopp (Germany/Borussia Dortmund),
-Joachim Loew (Germany/Germany Timu ya Taifa),
-Roberto Mancini (Italy/Manchester City),
-Jose Mourinho (Portugal/Real Madrid),
-Cesare Prandelli (Italy/Italy Timu yaTaifa)
 |
| Mtukutu Balotelli naye yumo |
Lionel
Messi amerodheshwa kwenye wachezaji wanaowania Ballon D'Or, wakati
tayari amekwishashinda tuzo Kiatu cha Dhahabu kwa kuwa mfungaji bora
Ulaya msimu uliopita
Messi alifunga mabao 50 katika ligi akiwa na Barcelona msimu uliopita ambayo ni rekodi Ulaya
Wayne Rooney wa Manchester United ni Muingereza pekee katika orodha ya wanaowania Ballon D'Or shortlist
 |
| Ronaldo naye yumo |
CAPITAL ONE CUP: Jumatano ni Chelsea v Man United!
+++++++++++++++++++++++++
Mechi za Raundi ya 4 ya Mtoano ya
CAPITAL ONE CUP ambalo zamani lilikuwa likiitwa Carling Cup au Kombe la
Ligi zitachezwa Jumanne na Jumatano Usiku huku Mechi ya mvuto ni ile
Jumatano huko Stamford Bridge kati ya Chelsea na Manchester United
ingawa mara nyingi kwenye Kikombe hiki Timu nyingi huchezesha Wachezaji
wasiokuwa na namba za kudumu kwenye Vikosi vya Kwanza na wale Chipukizi
toka Timu zao za Akiba.
Na hii itakuwa ni mara ya pili ndani ya
Siku 3 kwa Chelsea na Man United kukutana Uwanjani Stamford Bridge
ambapo Jumapili Man United waliitwanga Chelsea Bao 3-2 katika Mechi ya
Ligi Kuu England iliyoshuhudia Wachezaji wawili wa Chelsea, Ivanovic na
Torres, kutolewa kwa Kadi Nyekundu.
Mabingwa watetezi, Liverpool, wao watakuwa nyumbani kucheza na Swansea City Siku ya Jumatano.
+++++++++++++++++++++++++
CAPITAL ONE CUP
RATIBA RAUNDI ya 4:
Mechi kuanza Saa 4 Dak 45 Usiku, Bongo Taimu
Jumanne Oktoba 30
Sunderland v Middlesbrough
Swindon v Aston Villa
Wigan v Bradford
Leeds v Southampton
Reading v Arsenal
Jumatano Oktoba 31
Norwich v Tottenham
Liverpool v Swansea [SAA 5 Usiku]
Chelsea v Manchester United
+++++++++++++++++++++++++
DONDOO MUHIMU za CAPITAL ONE CUP:
-KABLA LILIKUWA ni Carling Cup na Bingwa Mtetezi ni Liverpool.
-Linaitwa CAPITAL ONE CUP kwa sababu Mdhamini wake ni Kampuni ya masuala ya Fedha, Capital One.
-Linashirikisha Timu za Ligi za
juu England 92 kwa mtindo wa Mtoano [Timu 20 toka Ligi Kuu na 24 kila
moja kutoka Madaraja ya Npower, Ligi 1 na 2.
-Bingwa wa michuano hii hucheza EUROPA LIGI Msimu unaofuata kuanzia Raundi ya Tatu ya Mtoano.
+++++++++++++++++++++++++
NINA NDOTO ZA KUSTAAFU SOKA NIKIWA BARCELONA - MESSI.
Kauli
ya nyota huyo imekuja wakati akipokea tuzo ya kiatu cha dhahabu
aliyopewa kufuatia kuongeza orodha ya wafungaji barani Ulaya msimu
uliopita akiwa na mabao 50.
Messi
aliishukuru Barcelona kwa kumoa nafasi ya kutambua kipaji chake wakati
walipomchukua katika shule yao ya michezo akiwa na umri wa miaka 13
mwaka 2000.
Messi
mwenye umri wa miaka 25 sasa ana mkataba wa miaka minne ambao una
thamani ya paundi milioni 250 na maofisa wa klabu hiyo wamesema kuwa
wako tayari kuuboresha zaidi mkataba huo.
Mpaka sasa nyota huyo ameshafunga mabao 270 kwa klabu yake hiyo na 31 kwa timu ya taifa ya Argentina.
2011-lionel messi
2010-Lionel M essi
2009 - Lionel Messi
2008 - C. Ronaldo
2007 - Kaka
2006 - F.Cannavaro
2005 - Ronaldinho
2004 - A. Shevchenko
2003 - P. Nedved
2002 - Ronaldo
2001 - M.Owen
2000 - L. Figo
1999 - Rivaldo
1998 - Z. Zidane
1997 - Ronaldo
1996 - M. Sammer
1995 - G. Weah
1994 - H. Stoitchkov
1993 - R. Baggio
1992 - M. Van Basten
1991 - J-P. Papin
1990 - L. Matthaeus
1989 - M. Van Basten
1988 - M. Van Basten
1987 - R. Gullit
1986 - I. Belanov
1985 - M. Platini
1984 - M. Platini
1983 - M. Platini
1982 - P. Rossi
1981 - K-H. Rummenigge
1980 - K-H. Rummenigge
1979 - K. Keegan
1978 - K. Keegan
1977 - A. Simonsen
1976 - F. Beckenbauer
1975 - O. Blokhin
1974 - J. Cruyff
1973 - J. Cruyff
1972 - F. Beckenbauer
1971 - J. Cruyff
1970 - G. Müller
1969 - G. Rivera
1968 - G. Best
1967 - F. Albert
1966 - B.Charlton
1965 - Eusebio
1964 - D. Law
1963 - L. Yashin
1962 - J. Masopust
1961 - O. Sivori
1960 - L. Suarez
1959 - A. Di Stefano
1958 - R. Kopa
1957 - A. Di Stefano
1956 - S. Matthews
2011-lionel messi
2010-Lionel M essi
2009 - Lionel Messi
2008 - C. Ronaldo
2007 - Kaka
2006 - F.Cannavaro
2005 - Ronaldinho
2004 - A. Shevchenko
2003 - P. Nedved
2002 - Ronaldo
2001 - M.Owen
2000 - L. Figo
1999 - Rivaldo
1998 - Z. Zidane
1997 - Ronaldo
1996 - M. Sammer
1995 - G. Weah
1994 - H. Stoitchkov
1993 - R. Baggio
1992 - M. Van Basten
1991 - J-P. Papin
1990 - L. Matthaeus
1989 - M. Van Basten
1988 - M. Van Basten
1987 - R. Gullit
1986 - I. Belanov
1985 - M. Platini
1984 - M. Platini
1983 - M. Platini
1982 - P. Rossi
1981 - K-H. Rummenigge
1980 - K-H. Rummenigge
1979 - K. Keegan
1978 - K. Keegan
1977 - A. Simonsen
1976 - F. Beckenbauer
1975 - O. Blokhin
1974 - J. Cruyff
1973 - J. Cruyff
1972 - F. Beckenbauer
1971 - J. Cruyff
1970 - G. Müller
1969 - G. Rivera
1968 - G. Best
1967 - F. Albert
1966 - B.Charlton
1965 - Eusebio
1964 - D. Law
1963 - L. Yashin
1962 - J. Masopust
1961 - O. Sivori
1960 - L. Suarez
1959 - A. Di Stefano
1958 - R. Kopa
1957 - A. Di Stefano
1956 - S. Matthews
WAZIRI MKUU SENEGAL AMTAKA RAIS WA FSF KUJIUZULU.
Waamuzi wa soka ,Italia
na washika vibendera watakuwa na wakati mgumu sana katika ratiba ya
wiki ijayo ambapo watakuwa katika ulinzi mkali kuliko wakati mwingine
wowote baada ya kufanya vibaya mwishoni mwa juma Serie A Ndio ligi
peke barani ulaya ambayo inatumia washika vibendera zaidi ya wawili
utaratibu unaopendwa zaidi na Rais wa shirikisho la soka barani ulaya
UEFA Michel Platini, ambapo walishindwa kufanya maamuzi sahihi katika
mechi kati ya Catania na Lazio vile vile AS Roma Juventus Aidha
viongozi wa Juventus na wameingia matatani katika utetezi baada ya
kuonekana wakimshawishi mwamuzi kutoa maamuzi ambayo sio sahihi .
Rais wa Catania Antonio Pulvirenti
alikuwa na hasira pale timu yake ilipokataliwa goli sahihi dhidi ya
Juventus, ambao walishinda goli kwa sifuri 1-0 dhidi Arturo Vidal kabla ya mapunziko
ambapo rais wa
Juventus Andrea
Agnelli, ambaye ijumaa hii alisema shirikisho la soka la italia
lilitakiwa kuipora Catania alama tatu muhimu kama mfano wa kuchezesha
soka kwa mchezo wa haki ilikotoa funzo kwa timu nyingine
juma hili kumetokea na tabia ya
kuwatiahoma waamuzi kufanya maamuzi yasiyo sahihi katika ligi ya italia
ambapo tuhuma hizi zimeperekwa zaidi katika benchi la timu ya soka ya
juventus kwa kuwashinikiza waamuzi kufanya maamuzi yasiyo sahihi.
