 |
Katibu wa Azam, Nassor
Idrisa (kulia) akimkabidhi jezi ya klabu hiyo, kiungo wao mpya, Humphrey Mieno
waliyemsajili kutoka Sofapaka ya Kenya. Mieno ameungana na kikosi cha Azam
mjini hapa Kinshasa, Jamhuri ya Kidemokrasia ya Kongo (DRC) ambako timu hiyo imekuja
kucheza Kombe la Hisani. Mieno alikuwepo kwenye kikosi cha Kenya, Harambee
Stars kilichofika fainali ya Kombe la CECAFA Tusker Challenge wiki iliyopita na
kufungwa 2-1 na wenyeji Uganda, The Cranes. Amepewa jezi namba 30, ambayo iliwahi kuvaliwa
na Ramadhan Chombo ‘Redondo’ aliyehamia SImba SC.
|
ZAMALEK YAFUKUZA WAGENI WOTE AKIWEMO OMOTOYOSSI
 |
Saied alijiunga na Zamalek msimu uliopita akitokea Al Masry ya Misri pia na aling'ara akiwa na White Knights.
"Tumekubali kumruhusu Saied aondoke, na itakuwa nzuri kwake na kwa klabu, ataendelea kulipwa na klabu” Alisema Mjumbe wa Bodi ya Zamalek, Ibrahim Yousef alipozungumza na supersport.com.
"Hajer ya KSA inamtaka beki wetu mwingine Hamada Tolba, lakini tumekataa ofa hiyo” alisema.
Yousef alisema Kocha Mkuu wa timu, Jorvan Vieira anataka kuwatema wachezaji wote wa kigeni kabla ya msimu ujao.
Zamalek ina wageni watatu, ambao ni Abdoulaye Cisse, Razak Omotoyossi na Alexis Enam.
"Tumekubali kumruhusu Saied aondoke, na itakuwa nzuri kwake na kwa klabu, ataendelea kulipwa na klabu” Alisema Mjumbe wa Bodi ya Zamalek, Ibrahim Yousef alipozungumza na supersport.com.
"Hajer ya KSA inamtaka beki wetu mwingine Hamada Tolba, lakini tumekataa ofa hiyo” alisema.
Yousef alisema Kocha Mkuu wa timu, Jorvan Vieira anataka kuwatema wachezaji wote wa kigeni kabla ya msimu ujao.
Zamalek ina wageni watatu, ambao ni Abdoulaye Cisse, Razak Omotoyossi na Alexis Enam.
AZAM CHUPUCHUPU WARUDISHIWE AIRPORT KINSHASA, STEWART, KALI NA KINA KIPRE 'WASHUSHIWA' NAIROBI
 |
Askari wa
Idara ya Uhamiaji DRC, akiwauzia wachezaji wa Azam FC ya Dar es Salaam kuingia
mjini Kinshasa baada ya kuwasili Uwanja wa Ndege wa N’djili, mjini Kinshasa usiku
wa jana
|
WAWAKILISHI
wa Tanzania katika Kombe la Shirikisho la Soka Afrika, (CAF), Azam FC
wamewasili salama mjini Kinshasa, Jamhuri ya Kidemokrasia ya Kongo (DRC) majira
ya saa 5:58 usiku wa jana kwa saa za huku na saa 7:58 kwa saa nyumbani
Tanzania, tayari kucheza mashindano ya Kombe la Hisani mjini hapa.
Hata hivyo,
Azam wamewasili pungufu ya watu watano katika msafara wao wa watu 27, kufuatia
maofisa na wachezaji wa kigeni kuzuiliwa mjini Nairobi, Kenya kwa kutokuwa na
viza za kuingia DRC.
Wenyeji wa
Azam, waandaaji wa mashindano waliwahakikishia wageni wao hakutakuwa na tatizo
la kuingia DRC bila viza, kwa kuwa wamekwishaandaa utaratibu mzima na msafara
mzima utapatiwa viza mara utakapowasili Kinshasa.
Hata hivyo,
kwa ujumla hali ilikuwa tofauti, Kocha Mkuu Stewart Hall, Msaidizi wake, Kali
Ongala, wote raia wa Uingereza, Daktari Paulo Gomez, raia wa Ujerumani na
wachezaji Kipre Tcheche na Kipre Balou raia wa Ivory Coast walizuiwa mjini Nairobi.
Mkuu wa
msafara, Katibu wa Azam, Nassor Idrisa alitumia busara kwa kuwapatia fedha za
malazi na kujikimu watu hao watano ili wabaki Nairobi kushughulikia viza na
wataungana na timu leo baadaye.
Aidha, baada
ya kufika Uwanja wa Ndege wa Njili mjini hapa, msafara wa Azam pia ulipata
misukosuko mingine, kuanzia uwanjani hapo, wakati Maofisa wa Idara ya Uhamiaji
walipokataa kuupokea kwa sababu ya viza.
Ilifikia
hatua Maofisa hao wakaagiza msafara urejeshwe kwenye ndege ili kurejea
Tanzania, kwa kuwa haukuwa na viza, hata hivyo wenyeji wa mabingwa hao wa Kombe
la Mapinduzi, wakafanya jitihada na kufanikiwa kumalizana na Maofisa hao wa
Idara ya Uhamiaji.
Kufika
katika hoteli ya Florida walipopangiwa kufikia, lilikuwa ni tatizo lingine,
kwanza chakula kilikuwa kichache na baadhi ya wachezaji walilala bila kula
kabisa. Lakini kwa ujumla mazingira ya hoteli hayakuwa yenye kuridhisha.
Hata hivyo,
kwa mara nyingine Katibu, Nassor akatumia busara kwa kukubali timu ilale hadi
asubuhi na kupatiwa na hoteli nyingine yenye hadhi, jambo ambalo wenyeji wao
waliafiki na kuomba radhi kwa usumbufu wote uliojitokeza.
Katika
michuano hiyo, Azam inatarajiwa kufungua dimba leo kwa kumenyana na Dragons
kwenye Uwanja wa Martyrs, saa 9:30 za huku, yaani saa 11:30 za nyumbani
Tanzania.
Azam ambao
ni washindi wa pili wa Klabu Bingwa Afrika Mashariki na Kati, Kombe la Kagame
na Ligi Kuu, wamepangwa katika Kundi B pamoja na Dragons na Shark FC, ambayo
watacheza nayo Desemba 17.
Ikifuzu
kwenye kundi lake, Azam itaingia Nusu Fainali moja kwa moja, ambazo zitachezwa
Desemba 25 na Desemba 26 itakuwa Fainali na mechi ya kusaka mshindi wa tatu. Kundi B, lina timu za DC Motema Pembe,
Diables Noirs, FC MK na Real De Kinshasa.
Katibu wa Azam FC, Nassor Idrisa amesema wamekuja kushiriki mashindano
haya kwa lengo la kuwapa mazoezi na uzoefu wachezaji wake kabla ya kuingia
kwenye Kombe la Shirikisho mwakani.
Alisema Azam
pia, itatumia mashindano hayo kama fursa ya kuwapima wachezaji wake kabla ya
kuanza kwa Kombe la Shirikisho mwakani, ambako wamepangwa kuanza na Al Nasr
Juba ya Sudan Kusini.
Kikosi cha
Azam kilichowasili jana hapa, ukiondoa waliozuiwa Nairobi ni; Mwadini Ally,
Jackson Wandwi, Gaudence Mwaikimba, Himidi Mao, Ibrahim Mwaipopo, Jabir Aziz,
Luckson Kakolaki, Samir Hajji Nuhu, Zahoro Pazi, Seif Abdallah, Malika Ndeule,
Omar Mtaki, Abdi Kassim, Uhuru Suleiman, Brian Umony na David Mwantika.
Wachezaji
wengine ambao hawahusiki katika safari hiyo, ni wale waliopo kwenye kikosi cha
timu ya taifa, Khamis Mcha ‘Vialli’, John Bocco ‘Adebayor’ na Salum Abubakar.
Wachezaji wapya, Joseph Mieno na Joackins Atudo kutoka wanaweza kujiunga na
timu baadaye mjini hapa.
Katika
mchezo wa leo, timu itaongozwa na kocha wa makipa, Iddi Abubakar Mwinchumu
ambaye ni ‘Azam Damu’, aliyeipandisha timu kutoka Daraja la Tatu hadi Ligi Kuu
kwa kulinda lango vema, huku John Bocco ‘Adebayor’ akitupia nyavuni.
Wakati baadhi ya wadau wa soka
wakisikitishwa na kitendo cha winga Mrisho Ngassa kukacha kujiunga na
timu ya El Merreikh ya Sudan, Chama cha Wachezaji Soka, SPUTANZA,
kimelitupia lawama Shirikisho la Soka, TFF, kikidai ndiyo chanzo cha
yote.
Katibu Mkuu wa SPUTANZA, Said George, amesema jana kuwa kutokuwepo kwa elimu ya kutosha kuhusu suala la soka la kulipwa miongoni mwa wachezaji, mawakala na viongozi wa kandanda nchini ndiko kumesababisha sakata la sasa la uhamisho wa Ngassa.
George, nyota wa zamani wa timu za Coastal Union na Taifa Stars, amesema SPUTANZA waliliandikia barua TFF mwaka 2008 kutaka iitishe kikao cha uelimishaji kuhusu soka la kulipwa kwa wadau, lakini walipuuzwa.
Amesema kutokana na ugeni kuhusu soka la kulipwa TFF ilipaswa kutoa elimu ya kutosha ili kuepusha "mambo ya aibu kama yanayotokea sasa", lakini hawakuungwa mkono hivyo inapaswa kulaumiwa.
Ngassa amekataa kwenda kujiunga na El Mirreikh akidai kuwa uongozi wa klabu mama ya Azam haukumshirikisha katika hatua za mwanzo za mauzo hayo, kama ambavyo ulimpeleka Simba kwa nguvu kwa mkopo.
George aliongeza -- kama kungekuwa na elimu ya kutosha kwa wachezaji, viongozi na mawakala kusingekuwa na hali ya ubabaishaji kama ambavyo imekuwa ikitokea kwenye uhamisho na usajili wa wachezaji nchini.
Uongozi huo wa SPUTANZA umetoa kauli hiyo huku kukiwa na maoni tofauti kufuatia Ngassa kuchomoa usajili wa dola za Kimarekani 100,000 na kulipwa mshahara wa dola 4000 (sh. milioni 6) kwa mwezi pamoja na fedha ya ushawishi ya dola 50,000
Kikao
cha Kamati Tendaji cha ZFA Taifa, kilichokutana jana kwa ajili ya
kujadili tukio la utovu wa nidhamu kilichofanywa na Wachezaji wa Timu ya
Taifa ya Zanzibar cha kuamua kugawana pesa za zawadi ya ushindi ya dola
10,000 walizopewa baada ya kumaliza nafasi ya tatu katika michuano ya
Kombe la Chalenji iliyomalizika nchini Uganda, kimeamua kuandika barua
kwa TFF kueleza kusikitishwa na hatua ya TFF ya kutowaondoa katika Timu
ya Taifa ya Tanzania 'Taifa Stars' Wachezaji wa Zanzibar ambao
wamesimamishwa kucheza Soka ndani na nje yanchi.
P.O BOX 1516,
Tel. +255 24 223 5014,
Fax: +255 24 223 5014.
Email: zfafootball@live.com
11th November 2012
DATE 26/08/2012.
Amesema
haruna anacheza soka la akili licha ya kwamba hatumii nguvu na kwamba
kuna nchi ambazo Haruna anaweza kung'ara sana kama vile Ufaransa na
Hispania
Manchester
City
imetangaza hasara ya euro million 120 kwa mwaka wa fedha ulio malizikia
May 2012, licha ya kwamba hasara hiyo ni pungufu ukilinganisha na euro
milioni 243
iliyotajwa miezi 12 ya nyuma.
NI
FAINALI ya Mashindano ya FIFA kusaka Klabu Bingwa Duniani na
yanazikutanisha Klabu ya Brazil, Sport Club Corinthians Paulista, ambao
ni Mabingwa wa Marekani ya Kusini baada ya kutwaa Copa Libertadores,
dhidi ya Klabu ya England, Chelsea, ambao ni Mabingwa wa Ulaya, baada ya
kutwaa UEFA CHAMPIONZ LIGI.
>>VINARA MAN UNITED, FERGIE ATAKA UMAKINI na SUNDERLAND!
Manchester
City, ambao wapo nafasi ya Pili Pointi 6 nyuma ya Man United, wana
kibarua kikubwa cha kujizoa kufuatia kipigo chao cha kwanza kwenye Ligi
Msimu huu na cha kwanza nyumbani kwao Etihad katika Miaka miwili,
walipocharazwa na Man United 3-2 Jumapili iliyopita.
 |
Wachezaji wa
Azam FC ya Dar es Salaam wakisubiri kugongewa viza ili watoke ndani ya Uwanja
wa Ndege wa N'djili, mjini Kinshasa baada ya kuwasili usiku huu kwa ajili ya
kucheza mashindano ya Kombe la Hisani, yanayoanza kesho kwenye Uwanja wa Stade
des Martyrs mjini hapa.
|
Wachezaji wailaumu TFF sakata la Ngasa
Katibu Mkuu wa SPUTANZA, Said George, amesema jana kuwa kutokuwepo kwa elimu ya kutosha kuhusu suala la soka la kulipwa miongoni mwa wachezaji, mawakala na viongozi wa kandanda nchini ndiko kumesababisha sakata la sasa la uhamisho wa Ngassa.
George, nyota wa zamani wa timu za Coastal Union na Taifa Stars, amesema SPUTANZA waliliandikia barua TFF mwaka 2008 kutaka iitishe kikao cha uelimishaji kuhusu soka la kulipwa kwa wadau, lakini walipuuzwa.
Amesema kutokana na ugeni kuhusu soka la kulipwa TFF ilipaswa kutoa elimu ya kutosha ili kuepusha "mambo ya aibu kama yanayotokea sasa", lakini hawakuungwa mkono hivyo inapaswa kulaumiwa.
Ngassa amekataa kwenda kujiunga na El Mirreikh akidai kuwa uongozi wa klabu mama ya Azam haukumshirikisha katika hatua za mwanzo za mauzo hayo, kama ambavyo ulimpeleka Simba kwa nguvu kwa mkopo.
George aliongeza -- kama kungekuwa na elimu ya kutosha kwa wachezaji, viongozi na mawakala kusingekuwa na hali ya ubabaishaji kama ambavyo imekuwa ikitokea kwenye uhamisho na usajili wa wachezaji nchini.
Uongozi huo wa SPUTANZA umetoa kauli hiyo huku kukiwa na maoni tofauti kufuatia Ngassa kuchomoa usajili wa dola za Kimarekani 100,000 na kulipwa mshahara wa dola 4000 (sh. milioni 6) kwa mwezi pamoja na fedha ya ushawishi ya dola 50,000
SAKATA LA ZENJI DOLA 10,000: SASA ‘BIFU’ ZFA & TFF!!
>>ZFA YADAI TFF KUCHUKUA TAIFA STARS WACHEZAJI WALIOSIMAMISHWA NI DHARAU!!
==RIPOTI na ALLY MOHAMMED, COCONUT 88.9 FM, ZENJI
Kikao
cha Kamati Tendaji cha ZFA Taifa, kilichokutana jana kwa ajili ya
kujadili tukio la utovu wa nidhamu kilichofanywa na Wachezaji wa Timu ya
Taifa ya Zanzibar cha kuamua kugawana pesa za zawadi ya ushindi ya dola
10,000 walizopewa baada ya kumaliza nafasi ya tatu katika michuano ya
Kombe la Chalenji iliyomalizika nchini Uganda, kimeamua kuandika barua
kwa TFF kueleza kusikitishwa na hatua ya TFF ya kutowaondoa katika Timu
ya Taifa ya Tanzania 'Taifa Stars' Wachezaji wa Zanzibar ambao
wamesimamishwa kucheza Soka ndani na nje yanchi.
Akizungumza jana mara baada ya
kumaliza kwa kikao cha kamati tendaji cha ZFA Taifa, mjumbe wa kamati
tendaji ambaye ni mwanasheria wa Zfa, Abdallah Juma, amesema kitendo cha
TFF kuendelea kuwaruhusu wachezaji hao kufanya mazoezi na Timu ya Taifa
ni dharau kwa ZFA ambao katika barua ya iliyoandikwa tarehe 11.12.2012
ikiwa na kumbukumbu namba Ref.ZFA/1/2012 kwenda kwa katibu mkuu wa Shirikisho la Soka Tanzania TFF, ililitaka Shirikisho hilo kuwaondosha mara moja kwenye timu hiyo, mpaka pale Zfa watakapotoa taarifa nyengine.
Hata hivyo Akizungumza juzi, ofisa
habari wa TFF Boniface Wambura, alisema kuwa barua hiyo haikuwataka
kuwaondoa wachezaji hao kwa vile tu wamesimamishwa na sio kufungiwa.
Wachezaji ambao Zfa imetaka waondolewe katika kikosi cha timu ya Taifa ya Tanzania Taifa Stars ni:
1. Mwadini Ali - Azam Sport Club
2. Agrey Moris - Azam Sport Club
3. Samir Haji Nuhu -Azam Sport Club
4. Khamis Mcha - Azam Sport Club
5. Nassor Masoud - Simba Sport Club
6. Nadir Haruob - Young Football Team
7. Twaha Mohamed- Mtibwa Sport Club
8. Suleiman Kassim - Coastal Union
9. Amir Hamad - JKT Oljoro
10. Abdulghan Gulam -African Lyon
Hata hivyo kikao hicho kilichokaa jana
mchana kimeshindwa kuangaza adhabu watakazozitoa kwa wachezaji hao mpaka
watakapopata baraka kutoka Serikalini.
Wakati huo huo orodha ya wachezaji waliorejesha fedha imeongezeka na mpaka jana jumla ya wachezaji 12 wamerejesha fedha hizo.
BARUA YA ZFA:
ZANZIBAR FOOTBALL ASSOCIATION
MEMBER OF CECAFA
ASSOCIATE MEMBER OF CAF.
Tel. +255 24 223 5014,
Fax: +255 24 223 5014.
Email: zfafootball@live.com
11th November 2012
DATE 26/08/2012.
KATIBU MKUU
TANZANIA FOOTBALL FEDERATION
TANZANIA.
KUH: KUSIMAMISHWA WACHEZAJI KWA UTOVU WA NIDHAMU.
Tafadhali husika na mada iliopo hapo juu.
Awali ya yote Napenda kukumbusha kwamba
wachezaji niliowaoredhesha hapa chini ni miongoni mwa wachezaji wa Timu
ya Taifa ya Zanzibar (Zanzibar heroes) ambao waliiwakilisha Zanzibar
katika mashindano ya challenge yaliyofanyika mwaka huu nchini Uganda
na kutokea mshindi wa tatu na timu hio kupitia Katibu Mkuu kukabidhiwa
USD 10,000.00
Kwa bahati mbaya sana wachezaji
niliowaorodhesha katika barua hii waliamua isivyo halali kuzipora fedha
hizo kutoka kwa Katibu Mkuu wa ZFA na kugawana kinyume na utaratibu,
jambo hili si kwamba limeifedhehesha ZFA tu bali Zanzibar na watu wake
hasa ukitilia maanani kwamba timu hiyo ni ya Taifa na ilikuwa
ikipeperusha bendera ya Serikali ya Zanzibar.
Kitendo hicho cha kupora fedha hizo
isivyo halali kinaibua shaka ya kutendeka kosa la Jinai dhidi ya
Jamuhuri, bali pia ni kitendo cha utovu wa nidhamu ambacho hakistahiki
kuvumiliwa kufanywa na mchezaji yoyote ambaye amepewa heshima kubwa ya
kuipeperusha Bendera ya Zanzibar kwa niaba ya Wazanzibari wote kwenye
mashindano hayo huku akilipwa kikamilifu posho na mafao mengine
yanayomstahikia kutoka kwa Serikali ya Mapinduzi ya Zanzibar na chama
cha mpira wa miguu Zanzibar (ZFA).
Kamati Tendaji ya ZFA Taifa imefanya
kikao chake cha dharura leo siku ya tarehe 11 November 2012 kulijadili
kwa kina suala hili la utovu wa nidhamu wa hali ya juu uliofanywa na
wachezaji hao na kwa kauli moja tumefikia maamuzi ya awali ya
kuwasimamisha wachezaji hao kushiriki katika mashindano yoyote ya mpira
wa miguu ndani na nje ya Zanzibar.
Kwa barua hii unaombwa kutowa
mashirikiano katika kulifanikisha suala hili la kuwazuia wachezaji hao,
lakini pia unatakiwa uhakikishe kwamba wachezaji wote waliotajwa humu
ambao wameteuliwa kuwemo katika timu ya Taifa ya Tanzania (Taifa Star)
wanaondoshwa mara moja kwenye timu hio, mpaka pale tutakapokupa taarifa
nyengine. Wachezaji wenyewe ni hawa wafuatoa:-
1. Mwadini Ali - Azam Sport Club
2. Agrey Moris - Azam Sport Club
3. Samir Haji Nuhu -Azam Sport Club
4. Khamis Mcha - Azam Sport Club
5. Nassor Masoud - Simba Sport Club
6. Nadir Haruob - Young Football Team
7. Twaha Mohamed- Mtibwa Sport Club
8. Suleiman Kassim - Coastal Union
9. Amir Hamad - JKT Oljoro
10. Abdulghan Gulam -African Lyon
Kwa nakla ya barua hii vilabu husika mnaombwa kusita kuwatumia wachezaji hao mpaka pale tutakapoamua vyenginevyo.
………………………………
KASSIM HAJI SALUM
KATIBU MKUU
ZANZIBAR FOOTBALL ASSOCIATION
NAKLA:-
- Mheshimiwa Waziri
Habari Utamaduni Utalii na Michezo- Zanzibar.
- Mwenyekiti Wa Baraza la Taifa la Michezo-Zanzibar.
- Katibu Mtendaji wa Baraza la Taifa la Michezo.
- Makamo wa Rais wa ZFA- Pemba.
- Katibu Mkuu- Azam Sport Club
- Katibu Mkuu -Simba Sport Club
- Katibu Mkuu-Young African Football Team
- Katibu- JKT Oljoro
- Katibu- African Lyon
10. Katibu – Costal Union
SIMBA KUMSAJILI MRITHI WA SUNZU KUTOKA CAMEROON, AGIZO LA KOCHA MPYA BABU PATRICK LIEWIG
Kocha mpya
wa klabu Simba Patrick Liewig ameutaka uongozi wa klabu ya Simba kumsajili
mshambuliaji kutoka nchini Camerron ambaye jina na wasifu wa mshambuliaji huyo umewasilishwa katika uongozi wa klabu hiyo.
Akiongea na
Rockersports afisa habari wa Simba Ezekiel Kamwaga amesema kocha Liewig katika
kuhakikisha Simba inafanya vizuri katika michuano ya vilabu barani Afrika
amewataka kumsajili mshambuliaji huyo ambaye anaamini ataisaidia Simba.
Hata hivyo
Kamwaga hakuwa tayari kumtaja mshambuliaji huyo na klabu anayotoka lakini
ameihakikishia Rockersports kuwa uongozi wa Simba kupitia kamati yake ya
usajili chini ya Zakaria Hans Pope uko katika hatua nzuri kumleta mshambuliaji
huyo nchi ambaye pia anatarajiwa kuziba pengo la mshambuliaji raia wa Zambia
aliyeondoka Felix Sunzu.
“Yah ni
kweli Patrick Liewig aliwataka washambuliaji wawili majina tunayo, na sasa
uongozi wa Simba kupitia kamati ya usajili chini ya Hans Pope wanaendelea na
mchakato, tatizo hapa ni kwamba dirisha dogo linafungwa kesho(leo) hivyo bado
tunaangalia sheria za dirisha dogo zikoje? Lakini kamati yetu ya usajili
imeshawasiliana na mmoja wa washambuliaji hao”
“Tunaamini watakuwa ni wachezaji wazuri kwa mujibu wa
taarifa ambazo kocha ametupatia, na namna ambavyo kamati inavyo shughulikia”
Kocha mpya
Patrick Liewig anatarajiwa kuwasili nchini baada ya sikukuu ya Chrismass,
ambapo atasaini mkataba rasmi, tayari kuanza kuifundisha klabu hiyo
yenye maskani yake mtaa wa Msimbazi.
VICTOR KOSTA NAMPOKA 'NYUMBA' AWASHANGAA MAKOCHA KWA KUMSUGULISHA BENCHI
Mlinzi wa
zamani wa kimataifa wa Tanzania ambaye kwasasa ana makataba na klabu ya Simba
Victor Nampoka Kosta amelishangaa benchi la ufundi la klabu yake kwa kuendelea
kumsugulisha benchi la timu hiyo.
Kosta pia
ameshangazwa na usajili usiokwisha wa wachezaji wengine walinzi wa kati ambapo
klabu hiyo imekuwa haishi kuchukua na kuwaancha wachezaji kibao katika eneo la
ulinzi wa kati na yeye akiendelea kuonekana kama si lolote si chochote.
Kosta ambaye kabla ya kurejea kwa mabingwa hao
wa soka wa Tanzania Bara ambao sasa ni wawakilishi wa Tanzania katika michuano ya
vilabu bingwa barani Afrika akitokea nchini Mozambique katika klabu ya
Hidroelectrica de Cahora de Songo(HCB Songo), amesema yeye anajiamini kuwa bado
anawezea kutoa mchango wake kwa kiwango cha juu ispokuwa ni suala la kuaminiwa
na benchi la ufundi la timu yake.
Amesema
anajuta kurejea nyumbani kucheza soka katika klabu hiyo ambayo wakati akiwa HCB
Songo ya Mozambique uongozi wa Simba ulikuwa unamsumbua kwa kumpigia simu
arejee kuichezea klabu hiyo jambo ambalo sasa linamgharimu kwa kuwa HCB Songo
mpaka sasa bado inamhitaji.
Kosta
amesema amechoshwa na benchi la Simba ambalo linazidi kumfanya aonekane kama
mchezaji mstaafu wakati umri wake unamruhusu na uwezo wake bado ni mkubwa
kuliko walinzi wa kati wengi wakiwemo walinzi wa kati wanaochezea timu ya
taifa.
Ametolea
mfano mchezaji kama Nadir Haroub ‘Kanavaro’, Aggrey Moris na Shomari Kapombe
bila kutafuna maneno Victor Kosta ‘nyumba’ amesema wana uwezo wa kawaida sana
lakini kwakuwa wana aminiwa na makocha na kupewa nafasi ndio maana wanaonekana
wazuri ukilinganisha na wengine.
Amesema
ameondoka Mozambique huku viongozi wa klabu yake ya HCB Songo wakisikitika na
walikubali kwa shingo upande kwakuwa walimuamini sana katika ulinzi wa kati wa
timu yao ilikuwa ikifanya vizuri katika ligi nchini humo, lakini mapenzi yake
kwa Simba yalimfanya arejee nchini.
Ameishangaa
kamati ya usajili ya Simba kwa kuendelea kufanya makosa ya kufanya usajili wa
gharama kubwa kwa wachezaji wa kigeni wakati uwezo wao unafanana na wachezaji
wa nyumbani ambao wana mapenzi na uchungu na vilabu vyao wanavyochezea.
Amesema
mpira wa Mozambique uko juu ukilinganisha na Tanzania na kwenye ubora wa
viwango wametuzidi hivyo haoni sababu ya kuhangaika wakati wao waliotoka nje
walikuwa wanawaburuza wazawa wa nchi hizo ambazo ziko juu kisoka kuliko hapa.
Kosta
amemtaja Obadia Mungusa kuwa ni mlinzi wa kati mzuri ambaye alikuwa akiichezea
timu ngumu ya Mtibwa kabla ya kuhamia Simba ambako mpaka sasa anasugua benchi
na uwezo wake kuiendelea kushuka.
Hata hivyo
Victor Kosta alipoulizwa kama yuko tayari kupelekwa katika klabu nyingine kwa
mkopo amesema hayukoa tayari kwa hilo na kwamba anasubiri mkataba wake na Simba
umalizike ili akatafute maisha mengine ya soka sehemu nyingine.
“kaka siko
tayari kwenda kokote kwa mkopo, nasubiri mkataba wangu na Simba umalizike
nitafute mwelekeo, nashukuru nafanya mazoezi na wananilipa mshahara wangu”
“naipenda
sana Simba, Kinacho nisikitisha hakuna mtu mwenye uamuzi wa mwisho, mara kocha,
mara viongozi na mara mashabiki, kwa hiyo timu inayumba na wachezaji wanakufa
moyo, lakini napenda sana kuitumikia Simba ndio maana nilikubali kurudi
nchini”.
KEITA AFURAHIA UJIO WA KOCHA MPYA WA SIMBA PATRICK LIEWIG AKIAMINI SASA ATANG'ARA SIMBA. ANA MUHESHIMU SANA KAPOMBE. ANSEMA WACHEZAJI WA KIBONGO WAVIVU.
 |
| Koman Billi Keita. |
Mlinzi wa
kati wa klabu ya Simba mwenye mapafu mithili ya mbwa Koman Billi Keita amesema
ana imani kocha mpya wa klabu hiyo Patrick Liewig ambaye anatarajiwa kuingia
mkataba na klabu hiyi mara baada ya sikukuu ya Chrismass, atampa nafasi ya
kucheza katika kikosi cha kwanza cha Simba kwa kuwa ni falsafa ya makocha wa
Ufaransa ni mpira wa nguvu na kasi ya kurosha uwanjani.
Keita ambaye
hakuwa na nafasi ya kucheza mara kwa mara katika kikosi cha kocha
aliyefungashiwa virago Milovan Circovich wakati wa uongozi wake wa benchi la
ufundi amesema kwake yeye ni faraja kuona Simba inamleta kocha mfaransa ambaye
ana imani wataelewana vizuri kwakuwa wanaongea lugha moja ya kifaransa.
Amesema
hakuwa kwenye nafasi ya kucheza wakati wa Milovan kwa kuwa alikuwa mgeni mno katika
kikosi cha Simba na pia hakuwa anaujua vizuri mpira wa Tanzania jambo ambalo
amesema kwa sio tatizo tena.
Keita
amesema anajiamini kuwa yeye ni mchezaji mkubwa sana kwani amecheza soka na wachezaji
wakubwa katika timu ya taifa ya Mali kama Mamadou Diara, Seidou Keita, Drissa
Diakite, Cedric Kante na Bakaye Traore jambo ambalo anasema limemkuza sana
kiwango chake na kujenga kujiamini.
Keita
amesema anaheshimu sana uwezo wa mlinzi Shomari Kapombe ambaye anaamini mlinzi
huyo kiraka mwenye uwezo wa kucheza eneo lolote katika sehemu ya ulinzi kwamba
ana uwezo mkubwa sana na anaweza kucheza soka popote duniani kwani.
“Kapombe ni
mchezaji mzuri sana, ana fanana na wachezaji wa Afrika magharibi wenye uwezo na
kasi naheshimu sana uwezo wake, anaisaidia sana sehemu ya ulinzi ya Simba”
 |
| Somari Kapombe. |
Mbali ya Kapombe, Keita anawasifia pia wachezaji wengine kama Mwinyi Kazimoto, Jonas
Mkude na Amri Kiemba ambao amesema wanacheza kwa kujituma na si wavivu wa
mazoezi.
Kabla ya
kujiunga na Simba, Koman Billi Keita amewahi kuvichezea vilabu vya Stade Malienne ya
Mali, Shooting Stars ya Nigeria, Jeanne D’arc ya Mali na Iran-Cave ya Iran.
Keita
anasema ligi kuu ya soka Tanzania bara ligi ambayo ina wachezaji wengi
wenye vipaji lakini soka linachezwa kwa uvivu kwa kuwa wachezaji wengi
hawana malengo ya kucheza soka nje ya Tanzania.
"Unajua
mchezaji wa Tanzania akienda Mali, Nigeria, Camerron, Nigeria, Ivory
Coast, Benin na Ghana hawezi kupata timu ya daraja la kwanza kuchezea
kwa kuwa kule ligi ni ngumu. mimi mwenyewe niliposema nakuja Tanzania
walinicheka wenzangu kwakuwa Tanzania haijulikani"
"halafu
kule watu wanafanya sana mazoezi na ndio maana wanaonekana wana nguvu
na miili mikubwa iliyojengeka, sasa hapa ligi ikisimama kidogo wachezaji
nao wanasimama, hii inanishangaza sana".
"Wachezaji
wa kule wanataka kucheza Ulaya na ndio maana wanasafiri sana kwenda
ulaya kujaribu bahati zao, lakini hapa hawafanyi mazoezi na hawataki
kwenda nje, ni vigumu kupata maendeleo"
Keita
amemtaka Haruna Moshi ambaye ni swahiba wake mkubwa akacheze soka
ulaya, kwakuwa anakipaji sana na anacheza soka kwa kutumia akili.
BIASHARA: MANCHESTER CITY YATANGAZA HASARA KWA MWAKA WA PILI MFULULIZO.
Manchester
City
imetangaza hasara ya euro million 120 kwa mwaka wa fedha ulio malizikia
May 2012, licha ya kwamba hasara hiyo ni pungufu ukilinganisha na euro
milioni 243
iliyotajwa miezi 12 ya nyuma.
Manchester
City imetangaz hasara hiyo ambayo ni mwaka wa pili mfululizo ambapo klabu hiyo
tajiri ilipoteza euro milioni 120 katika kipindi cha mwaka mwaka wa fedha
wa nyuma ya hapo kwa maana ya 2010/2011.
Licha ya
kukusanya euro milioni 283 katika kipindi cha mwaka huo wa 2011/2012 ambacho kimsingi ni
kikubwa katika historia ya klabu hiyo, kiasi ambacho kimepanda kutoka euro
milioni 184 mwaka uliopita, lakini bado ukilingana na matumizi ya msingi ya
uendeshaji ya klabu ndani ya kipindi hicho klabu hiyo imejikuta ikipata hasara.
Inaarifiwa kuwa
kushindwa kusonga mbele kwa klabu hiyo katika hatua ya mtoano ya michuano
mikubwa ya vilabu barani Ulaya, kunaelezewa kuwa ni sababu kubwa ya kuitia hasara
klabu hiyo.
Hata hivyo
kiasi hicho kina ashiria maendeleo makubwa kulinganisha na msimu uliopita
ambapo City ilipoteza jumla ya euro milioni 243.
Wakati huo
huo klabu hiyo imechapisha ongezeko la mapato ya getini na mapato ya malipo ya
TV, ambayo kimsingi yameongezeka mara mbili kutoka euro milioni 80 mpaka euro
milioni 148.
Kiasi hicho
cha fedha sasa kinairuhusu klabu hiyo bingwa nchini England kujiamini kiuwezo
kukabiliana na sheria ya shirikisho la soka barani Ulaya( UEFA) ambayo
inasimamia udhibiti wa matumizi yasiyopelekea hasara ya kiwango kisichozidi euro milioni 18.4.
KLABU BINGWA DUNIANI: FAINALI-CORINTHIANS v CHELSEA
>>JUMAPILI Desemba 16, Saa 7 na Nusu Mchana
>>UWANJA: NISSAN, YOKOHAMA, JAPAN
NI
FAINALI ya Mashindano ya FIFA kusaka Klabu Bingwa Duniani na
yanazikutanisha Klabu ya Brazil, Sport Club Corinthians Paulista, ambao
ni Mabingwa wa Marekani ya Kusini baada ya kutwaa Copa Libertadores,
dhidi ya Klabu ya England, Chelsea, ambao ni Mabingwa wa Ulaya, baada ya
kutwaa UEFA CHAMPIONZ LIGI.
Kwenye Mashindano haya, Timu zote hizi
mbili zilianzia hatua ya Nusu Fainali na Corinthians waliwatoa Al Ahly
kwa Bao 1-0 na Chelsea kuifunga Monterrey Bao 3-1.
Kabla ya Mechi ya Fainali kuanza, hapo
Saa na Nusu Asubuhi, Mabingwa wa Afrika, Al Ahly, watachuana na
Monterrey ya Mexico katika Mechi ya kusaka Mshindi wa Tatu wa Mashindano
haya.
+++++++++++++++++++++++
VIKOSI VINATARAJIWA:
Sport Club Corinthians Paulista [Mfumo: 4-2-2-2]:
Cassio
Alessandro, Chicao, P Andre, F Santos
Paulinho, Ralf
Danilo, Douglas,
Guerrero, Emerson
Chelsea [Mfumo:4-2-3-1]:
Cech
Azpilicueta, Ivanovic, Cahill, Cole
Mikel, Luiz
Mata, Oscar, Hazard
Torres
+++++++++++++++++++++++
Kila Timu itaingia kwenye Mechi hii bila
majeruhi ingawa Chelsea inao majeruhi wa muda mrefu, Daniel Sturridge
(Musuli ya Pajani), John Terry (Goti) na Oriol Romeu (Goti), na ambao
hawapo huko Japan.
Kama ilivyokuwa kwenye Nusu Fainali,
huenda Beki David Luiz akachezeshwa kwenye Kiungo ambako alicheza vizuri
dhidi ya Monterrey.
Kocha
Corinthians Tite anategemewa kuendeleza Mfumo wake wa 4-2-2-2 ambao
ulimpa mafanikio makubwa kwenye Mashindano ya Copa Libertadores ili umpe
Taji lao la Pili la Klabu Bingwa Duniani baada ya kutwaa Taji la kwanza
katika Mashindano ya kwanza kabisa Mwaka 2000.
+++++++++++++++++++++
MABINGWA WALIOPITA:
-2000 - Corinthians
-2005 - Sao Paulo
-2006 - Internacional
-2007 - AC Milan
-2008 - Manchester United
-2009 - Barcelona
-2010 - Inter Milan
-2011 – Barcelona
++++++++++++++++++
KLABU BINGWA DUNIANI 2012
TIMU ZITAKAZOSHIRIKI:
Chelsea-BINGWA ULAYA
Corinthians-BINGWA MAREKANI ya KUSINI
Monterrey-BINGWA MAREKANI ya KATI NA KASKAZINI
Auckland City-BINGWA KANDA ya OCEANIA
Usain Hyundai-BINGWA-Barani Asia
Al Ahly-BINGWA-Barani Afrika
Sanfrecce Hiroshima-BINGWA-Japan J-LIGI
RATIBA/MATOKEO:
Raundi ya Mchujo - Desemba 6, Yokohama
Sanfrecce Hiroshima 1 Auckland City 0
ROBO FAINALI - Desembar 9, Toyota
Usain Hyundai 1 Monterrey 3
Sanfrecce Hiroshima 1 Al Ahly 2
MSHINDI wa 5- Desemba 12, Toyota
[Saa 4 na Nusu Asubuhi]
Usain Hyundai 2 Sanfrecce Hiroshima 3
NUSU FAINALI
Desemba 12, Toyota
[Saa 7 na Nusu Mchana]
Al Ahly 0 Corinthians 1
Desemba 13, Yokohama
[Saa 7 na Nusu Mchana]
Monterrey 1 Chelsea 3
MSHINDI wa 3
Desemba 16
[Uwanja wa Yokohama]
[Saa 4 na Nusu Asubuhi]
Al Ahly v Monterrey
FAINALI
[Saa 7 na Nusu Mchana]
Corinthians v Chelsea
BPL: Wikiendi Vigogo Dimbani kasoro Chelsea!!
>>VINARA MAN UNITED, FERGIE ATAKA UMAKINI na SUNDERLAND!
>>MANCINI AWEWESEKA, ADAI WAO BORA KULIKO MAN UNITED!!
>>WENGER PRESHA, AKUMBUSHA MAFANIKIO YAKE MIAKA 16!!
+++++++++++++++++++++++
RATIBA MECHI ZIJAZO:
Jumamosi 15 Desemba 2012
[SAA 9 Dak 45 Mchana]
Newcastle v Man City
[SAA 12 Jioni]
Liverpool v Aston Villa
Man United v Sunderland
Norwich v Wigan
QPR v Fulham
Stoke v Everton
Jumapili 16 Desemba 2012
[SAA 10 na Nusu Jioni]
Tottenham v Swansea
[SAA 1 Usiku]
West Brom v West Ham
Jumatatu 17 Desemba 2012
[SAA 5 Usiku]
Reading v Arsenal
+++++++++++++++++++++++
LIGI KUU ENGLAND inaingia kwenye Raundi
ya 17 bila ya Chelsea kuwepo kilingeni kwa vile wako Japan kuwania
Ubingwa wa Klabu Duniani lakini Vigogo wenzao wanaingia dimbani wakiwa
na matarajio na malengo kibao huku vinara Manchester United wakijizatiti
kuzidi kuyoyoma kileleni kwa Meneja wao, Sir Alex Ferguson, kuitaka
Timu yake kuwa makini ikicheza na Sunderland Uwanjani Old Trafford,
mwenzake wa Man City, Roberto Mancini, akijaribu kuinua morali ya Timu
yake iliyopata kipigo cha kwanza kwenye Ligi msimu huu na cha kwanza
nyumbani kwao Etihad katika Miaka miwili, walipocharazwa na Man United
3-2 Jumapili iliyopita.Wenger & Arsenal
Ingawa Wadau wengi watakuwa
wakizikodolea macho Mechi za Man United v Sunderland na Newcastle v Man
City kwa vile tu Man United ndio vinara na Man City wapo nafasi ya Pili
wakiwa Pointi 6 nyuma, lakini mvuto mkubwa upo kwa Arsenal na Meneja wao
Arsene Wenger ambae amesakamwa sana hasa baada ya juzi kutolewa nje ya
CAPITAL ONE CUP na Timu ya Daraja la chini, Bradford City, na
kuwakumbusha Wadau wao kuwa huu ni Mwaka wao wa 8 wakiwa hawana Taji
lolote kubwa.
++++++++++++++++++++++++++++
PATASHIKA ARSENAL LIGI KUU ENGLAND:
DESEMBA 2012:
Desemba 17: Reading v Arsenal
Desemba 22: Wigan v Arsenal
Desemba 26: Arsenal v West Ham
Desemba 29: Arsenal v Newcastle
JANUARI 2013:
Januari 1: Southamton v Arsenal
Januari 6: Swansea v Arsenal
Januari 13: Arsenal v Man City
Januari 20: Chelsea v Arsenal
Januari 30: Arsenal v Liverpool
++++++++++++++++++++++++++++
Jumatatu Usiku, Arsenal watakuwa ugenini
kucheza Mechi ya Ligi na Reading na tayari wako Pointi 15 nyuma ya
Vinara Man United, lakini bado pia wamo kwenye vinyang’anyiro vya UEFA
CHAMPIONZ LIGI, wameshatinga Raundi ya Mtoano ya Timu 16, na wataanza
hatua ya Raundi ya 3 kwenye FA CUP Mwezi Januari dhidi ya Swansea City.
Wenger, ambae katika himaya yake Arsenal
ametwaa Ubingwa wa Ligi mara 3 na FA CUP 4 Kombe la mwisho likiwa Mwaka
2005, ameongelea kuhusu kusakamwa: “Naelewa Watu wakiponda matokeo
yakiwa si mazuri. Hiyo ndio hulka ya Dunia ya sasa. Unasema Miaka 16 ni
mzigo kuleta mafanikio lakini hilo huleta uzoefu na ni kitu kizuri
hukupa uwezo kuibadili Timu, Miaka hiyo inaonyesha unaipenda Timu. Nipo
hapa muda wote huo kwa sababu naipenda Klabu. Huko nyuma tulipita wakati
mgumu na tulijua nini tubadili! ”
Man City na Mancini
Manchester
City, ambao wapo nafasi ya Pili Pointi 6 nyuma ya Man United, wana
kibarua kikubwa cha kujizoa kufuatia kipigo chao cha kwanza kwenye Ligi
Msimu huu na cha kwanza nyumbani kwao Etihad katika Miaka miwili,
walipocharazwa na Man United 3-2 Jumapili iliyopita.
++++++++++++++++++++++++++++
MECHI za MAN CITY Ligi Kuu England:
Des 15 Newcastle v City
Des 22 Man City v Reading
Des 26 Sunderland v City
Des 29 Norwich v Man City
Jan 1 Man City v Stoke
++++++++++++++++++++++++++++
Leo, katika Mechi ya kwanza kabisa ya
Ligi Wikiendi hii, Man City watakuwa St James Park kuwavaa Newcastle,
Timu ambayo imefungwa Mechi 5 kati ya 6 za Ligi walizocheza mwishoni
lakini tatizo lao kubwa si ubovu wa Timu ni kukabiliwa na majeruhi
kibao.
Akionyesha waziwazi kujaribu kuinua
morali ya Timu yake, Meneja wa Man City Roberto Mancini, ametamka:
“Tulionyesha tuko bora kupita Man United. Lakini wao wana uzoefu mkubwa
kupita sisi na wanaweza kuibuka upya wakipata pigo. Inabidi tujibadili
na pengine Februari mambo yatabadilika.”
Man United na Ferguson
Nae Bosi wa Vinara Manchester United,
Sir Alex Ferguson, amekiri kuwa ni lazima wawe waangalifu na kuwa makini
wakicheza na Sunderland na alikumbushia Msimu uliopita wakati
walipotoka sare 4-4 na Everton katika Mechi ambayo waliongoza 4-2 hadi
Dakika za mwisho.
Ferguson alisema: “Suala sasa ni
kuendeleza fomu yetu na kuhakikisha hatufanyi upuuzi. Ile Mechi na
Everton ni mfano bora. Man United si Timu ya kubwaga uongozi wa Goli
mbili ndani ya Dakika 7. Ile ndio ilitupotezea Ubingwa. Kwa sasa
hatutakiwa kutazama wapi tulipo bali kushinda Mechi inayotukabili.”
++++++++++++++++++++++++++++
MECHI za MAN UNITED hadi Januari Mosi:
15 Desemba: Man United v Sunderland
23 Desemba: Swansea v Man United
26 Desemba: Man United v Newcastle
29 Desemba: Man United v West Brom
1 January: Wigan v Man United
++++++++++++++++++++++++++++
Hata hivyo, Wadau wa Man United Siku
zote hulia na ile tabia ya asilia ya Sir Alex Ferguson ya kubadili
Kikosi chake katika kila Mechi hata kama hamna sababu maalum.
Kati ya Mei 2008 na Machi 2011, Ferguson hakuwahi hata mara moja kupanga Kikosi kilekile na kila Mechi alibadili Timu.
Swali kwa Wadau hao ni Je leo Ferguson
anastahili kubadili kile Kikosi. Ambacho wengi wanaamini ndicho Nambari
Wani, kilichoizamisha Man City Jumapili iliyopita wakati Wiki nzima
ijayo hawana Mechi nyingine yeyote?
+++++++++++++++++++++++++++
MSIMAMO:
[Kila Timu Mechi 16]
1 Man United Pointi 39
2 Man City 33
3 Chelsea 29
4 Everton 26
===============
5 Tottenham 26
6 WBA 26
7 Arsenal 24
8 Swansea 23
9 Stoke 23
10 Liverpool 22
11 West Ham 22
12 Norwich 22
13 Fulham 20
14 Newcastle 17
15 Sunderland 16
16 Southampton 15
17 Aston Villa 15
===============
18 Wigan 15
19 Readind 9
20 QPR 7
