SHOLA AMEOBI: ALETA VUTA NIKUVUTE NEWCASTLE na NIGERIA!!

Mara baada ya Straika wa WBA, Peter Odemwingie, kuibuka na kuiponda Nigeria kwa kumtema kwenye Kikosi chao cha AFCON 2013, Fainali za Kombe la Mataifa ya Afrika, zitakazochezwa huko Afrika Kusini kuanzia Januari 19, Nigeria tena imekumbwa na mzozo mwingine baada ya Meneja wa Newcastle, Alan Pardew, kutamka Shola Ameobi hawezi kujiunga na Kikosi hicho.

Alan Pardew ametangaza kuwa Kocha wa Nigeria, Stephen Keshi, anazijua sababu ambazo zinamfanya Ameobi asiweze kujiunga na Nigeria.

Straika huyo mwenye Miaka 31 ambae ameichezea Nigeria Mechi moja tu amekuwa kwenye fomu nzuri sana na Wikiendi iliyopita ndie aliefunga Bao la ushindi kwenye Mechi ya Ligi Kuu England Newcastle ilipoichapa QPR 1-0.

Lakini kauli ya Pardew imepokelewa kwa ukali na Shirikisho la Soka Nigeria, NFF [Nigeria Football Federation] ambao wamesema: “Keshi hakutujulisha sisi kama Ameobi hatapatikana kwa ajili ya AFCON 2013 wakati alipotajwa katika Kikosi cha Awali cha Wachezaji 32. AFCON 2013 ni Mashindano yanayotambuliwa na FIFA na tuna hakika Newcastle wanatambua hilo. Tutafanya kila kitu tupate Wachezaji wetu wote.”

KIKOSI CHA AWALI CHA WACHEZAJI 32:

MAKIPA : Vincent Enyeama (Maccabi Tel Aviv, Israel); Austin Ejide (Hapoel Be’er Sheba, Israel); Chigozie Agbim (Enugu Rangers); Daniel Akpeyi (Heartland)

MABEKI : Elderson Echiejile (FC Braga, Portugal); Juwon Oshaniwa (Ashdod FC, Israel); Benjamin Francis (Heartland); Joseph Yobo (Fenerbahce, Turkey); Efe Ambrose (Celtic, Scotland); Solomon Kwambe (Sunshine Stars); Azubuike Egwuekwe (Warri Wolves); Danny Shittu (Milwall, England); Kenneth Omeruo (ADO Den Haag, Netherlands); Godfrey Oboabona (Sunshine Stars)

VIUNGO : John Mikel Obi (Chelsea, England); Nosa Igiebor (Real Betis, Spain); Ogenyi Onazi (Lazio, Italy); Raheem Lawal (Adana Demirspor, Turkey); Obiora Nwankwo (Calcio Padova, Italy); Fegor Ogude (Valerenga FC, Norway); Reuben Gabriel (Kano Pillars); Rabiu Ibrahim (Celtic FC, Scotland)

MASTRAIKA : Ahmed Musa (CSKA Moscow, Russia); Emmanuel Emenike (Spartak Moscow, Russia); Brown Ideye (Dynamo Kyiv, Ukraine); Victor Moses (Chelsea, England); Uche Kalu (Rizespor, Turkey); Bright Dike (Portland Timbers, USA); Shola Ameobi (Newcastle United, England); Ikechukwu Uche (Villarreal FC, Spain); Ejike Uzoenyi (Enugu Rangers); Sunday Mba (Enugu Rangers).