RUFAA KUPINGA NYEKUNDU KWA COLE, GIBSON!

 

>>RAFA ANA MATUMAINI UBINGWA CHELSEA!!

Klabu za West Ham na Everton zimewasilisha Rufaa zao kupinga Kadi Nyekundu kwa Wachezaji wao, Carlton Cole na Darron Gibson walizopewa na Refa Anthony Taylor kwenye Mechi ya Ligi Kuu England iliyochezwa Jumamosi iliyopita Uwanjani Upton Park na huko Stamford Bridge, mara baada ya kuitwanga Aston Villa Bao 8-0, Meneja wa Chelsea Rafael Benitez, amedai wao bado wamo kwenye Mbio za Ubingwa licha ya kuwa Pointi 11 nyuma ya vinara Manchester United.

KADI NYEKUNDU-COLE & GIBSON

West Ham na Everton zimekata Rufaa kwa FA, Chama cha Soka England, kupinga Kadi Nyekundu kwa Wachezaji wao, Carlton Cole na Darron Gibson walizopewa na Refa Anthony Taylor kwenye Mechi ya Ligi Kuu England iliyochezwa Jumamosi iliyopita Uwanjani Upton Park na Everton kushinda 2-1.

Cole, ambae aliifungia West Ham Bao lao moja katika Dakika ya 14, alitolewa kwa Kadi Nyekundu kwa kuunasa mpira wa juu kwa mguu na kumgonga Beki wa Everton Leighton Baines  na mguu huo na kutolewa kwake kuliipa mwanya kusawazisha na kushinda Mechi hiyo kwa Bao za Victor Anichebe na Steven Pienaar.

Nae Darron Gibson wa Everton alitolewa katika Dakika za majeruhi kwa Rafu kama

ya Cole.

Kwa vile wamekata Rufaa, Everton wako huru kumtumia Gibson katika Mechi yao ya Ligi Siku ya Jumatano Desemba 26 watakapocheza na Wigan.

Mechi ya West Ham iliyokuwa ichezwe hiyo hiyo Jumatano Desemba 26 Uwanjani Emirates na Arsenal imeahirishwa kwa sababu ya mgomo wa Wafanyakazi wa Treni za chini kwa chini, London Underground, na sasa itachezwa Mwezi ujao katika Tarehe itakayopangwa.

Rufaa za Wachezaji hao wawili zitasikilizwa Alhamisi Desemba 27.

RAFA BADO ANA NDOTO ZA UBINGWA

 

Licha ya kuwa Pointi 11 nyuma ya vinara wa Ligi Kuu England, Rafael Benitez bado ana matumaini Chelsea inaweza kutwaa Ubingwa.

Hivi karibuni, Chelsea imekuwa na wimbi la ushindi wa Mechi 5 kati ya 6 walizocheza mwisho kwenye Mechi zote na juzi walitinga nafasi ya 3 kwenye Ligi baada ya kuitwanga Aston Villa Bao 8-0.

Kabla ya ushindi huo, Wiki iliyopita walitinga Nusu Fainali ya CAPITAL ONE CUP kwa kuicharaza Leeds United Bao 5-1.

Alipoulizwa kama anawaambia Wachezaji wake kama watatwaa Ubingwa, Benitez alisema: “Tutaona baada Gemu 2 au 3. Timu imejenga kujiamini na uchezaji wao unaonyesha hilo Uwanjani.”

Benitez, baada ya kutua Stamford Bridge Novemba 21 kuchukua nafasi ya Roberto Di Matteo aliefukuzwa, amekuwa na wakati mgumu toka kwa Mashabiki ambao wamekuwa hawamtaki lakini anaonekana ‘amemfufua’ upya Straika Fernando Torres, ambae aling’ara sana walipokuwa wote Liverpool, na sasa Straika huyo amekuwa moto katika ufungaji kwa kupiga Bao 7 katika Mechi 6 zilizopita.

Mchezaji mwingine ambae anaonekana kung’ara chini ya Benitez ni Beki David Luiz ambae sasa anacheza kama Kiungo na si Sentahafu.