CAF SUPER CUP: AL AHLY YATWAA KOMBE!

AL AHLY ya Misri jana ilitwaa CAF SUPER CUP kwa kuifunga AC Leopards ya Congo Brazzaville Bao 2-1 katika Mechi ilitochezwa Uwanja wa Borg El Arab uliopo Ukanda wa Kitalii kando kando mwa Bahari ya Mediterranean.

Mechi hiyo ilichezwa kwenye Uwanja wa Jeshi na kushuhudiwa na Washabiki, kitu ambacho hivi sasa huko Misri ni cha nadra, kwa vile Watazamaji hawaruhusiwi kwa sababu ya kiusalama tangu yatokee mauuaji Uwanjani Port Said Februari Mwaka jana.

Hii ni mara ya 5 katika Miaka 11 kwa Al Ahly kutwaa CAF SUPER CUP ambalo hushindaniwa na Washindi wa CAF CHAMPIONS LIGI, safari hii Al Ahly, na Mshindi wa Kombe la Shirikisho, safari hi AC Leopards.

Bao za Al Ahly zilifungwa na Chipukizi Rami Rabiea, Dakika ya 55, na Mkongwe Mohamed Barakat, Dakika ya 72.

Bao pekee la AC Leopards lilifungwa Dakika ya 77 na Nahodha wao Rudi Ndey ambae pia nusura asawazishe Dakika za mwishoni lakini shuti lake likaokolewa kwenye mstari wa goli.

Al Ahly, licha ya kutwaa Kombe, pia walipewa kitita cha Dola 75,000 na AC Leopards kupewa Dola 50,000.

WASHINDI WALIOPITA:

1993 Africa Sports National

1994 Zamalek SC

1995 ES Tunis

1996 Orlando Pirates FC

1997 Zamalek SC

1998 ES Sahel

1999 ASEC Mimosas

2000 Raja CA Casablanca

2001 Hearts of Oak SC

2002 Al Ahly SC

2003  Zamalek SC

2004 Enyimba International FC

2005 Enyimba International FC

2006 Al Ahly SC

2007 Al Ahly SC

2008 ES Sahel

2009 Al Ahly SC

2010 TP Mazembe

2011 TP Mazembe

2012 Maghreb AS Fez