BALOTELLI AANZA NA MOTO WAKE WA WHY ALWAYS ME AC MILAN!!

>>APIGA BAO ZOTE, AC MILAN 2 UDINESE 1

Mario Balotelli alicheza Mechi yake ya kwanza kwa Klabu yake mpya AC Milan tangu ahamie hapo Siku chache zilizopita kutoka Manchester City na kufunga Bao zote mbili baada ya AC Milan kuichapa Udinese Bao 2-1 kwenye Mechi ya Ligi Serie A.

++++++++++++++++++

MAGOLI:

Milan 2

-Balotelli Dakika ya 25 & 94 [Penati]

Udinese 1

-Pinzi Dakika ya 55

++++++++++++++++++

Balotelli, ambae alihamia AC Milan toka Man City kwa Dau la Pauni Milioni 20, alipangwa kwenye Kikosi cha jana Dakika za mwisho tu baada ya kuumia kwa Giampaolo Pazzini wakati akipasha moto kabla ya Mechi hiyo.

Bao la kwanza la Balotelli lilitokana na krosi ya Stephan El Shaaraway na nusura aongeze la pili lakini Kipa wa Udinese, Daniele Padelli, alipangua.

Giampiero Pinzi alisawazisha kwa Udinese katika Dakika ya 55 lakini kwenye Dakika za majeruhi Thomas Heurtaux alimchezea Rafu El Shaaraway ndani ya Boksi na Refa kuamua ni Penati.

Balotelli, akiwa mtulivu, alifunga Penati hiyo na kuipa AC Milan ushindi wa Bao 2-1 na kuipaisha hadi nafasi ya 4 kwenye Msimamo wa Serie A wakiwa Pointi sawa na Mahasimu wao wakubwa Inter Milan lakini wakiwapiku kwa Tofauti ya Magoli.

Mara baada ya Refa kumaliza Mechi alizongwa na Wachezaji wa Udinese waliokasirika kuhusu Penati iliyotolewa na kuwaua na ilibidi Polisi waingilie kati kumlinda Refa.