YANGA KUONJESHA LADHA ZA UTURUKI JUMAPILI DHIDI YA TIMU LA BONDENI

Kikosi cha Yanga SC

MABINGWA wa soka Afrika Mashariki na Kati, Yanga SC ya Dar es Salaam Jumapili hii watashuka kwenye Uwanja wa Taifa mjini Dar es Salaam kumenyana na Black Leopard ya Polokwane, Limpopo nchini Afrika Kusini.

Katibu wa Yanga, Lawrence Mwalusako amesema leo kwamba kikosi cha Yanga kilichokuwa Uturuki baada ya kurejea leo Alfajiri wachezaji watapumzika kwa siku mbili kabla ya Jumatano kuanza mazoezi.

Mwalusako alisema kuhusu lini timu hiyo itawasili, bado hawajajulishwa na Waratibu wa mechi hiyo, kampuni ya Prime Time Promotions.

Yanga ilikuwa Uturuki kwa wiki mbili kwa kambi ya mazoezi na imerejea leo Alfajiri nchini. Katika ziara yake hiyo, ilicheza mechi tatu za kujipima nguvu na kufungwa mbili na kutoka sare moja.

Katika mchezo wake wa kwanza, ilitoka sare ya 1-1 Ariminia Bielefeld ya Daraja la Tatu (sawa na la nne) Ujerumani kabla ya kufungwa 2-1 na Denizlispor FC ya Daraja la Kwanza Uturuki na baadaye 2-0 na Emmen FC ya Ligi Daraja la Kwanza Uholanzi.

Yanga iliweka kambi katika hoteli ya Fame Residence Lara & Spa kilomita chahce kutoka katika Uwanja wa Ndege wa Jiji la Antalya, iliyopo ufukweni mwa bahari ya Mediteranian.

Kikosi cha wachezaji 27 kilikuwa kambini nchini Uturuki, ambacho ni makipa; Ally Mustafa 'Barthez', Said Mohamed na Yussuf Abdul, mabeki Juma Abdul, Shadrack Nsajigwa, Godfrey Taita, Stefano Mwasyika, Oscar Joshua, Mbuyu Twite, Nadir Haroub ‘Cannavaro’, Ladisalus Mbogo na Kelvin Yondani.

Viungo ni Athumani Iddi ‘Chuji’, Frank Domayo, Haruna Niyonzima, Kabange Twite, Nurdin Bakari, Omega Seme, Simon Msuva, Rehani Kibingu, Nizar Khalfani na David Luhende wakati washambuliaji ni Didier Kavumbagu, Said Bahanunzi, Jerry Tegete, George Banda na Hamisi Kiiza na Kocha Mkuu Mholanzi, Ernie Brandts, Kocha Msaidizi, Freddy Felix Minziro na Kocha wa makipa na Razak Ssiwa.

Hiyo inakuwa mara ya tatu kihistoria Yanga kufanya ziara nje ya Afrika baada ya Brazil mwaka 1975 na Romania mwaka 1978. Yanga pia imewahi kuweka kambi Afrika Kusini mwaka 2008.

Leopards ilirejea Ligi Kuu ya Afrika Kusini mwaka juzi tangu ishuke 2008 na msimu uliopita iliponea chupuchupu kushuka tena, baada ya kushika nafasi ya 14 katika Ligi ya timu 16, na kwa msimu huu hadi sasa ipo nafasi ya 12.

MSIMAMO WA LIGI KUU AFRIKA KUSINI:

Pos	Team	P	W	D	L	GF	GA	GD	Pts
1	Kaizer Chiefs	16	10	5	1	31	11	20	35
2	Orlando Pirates	16	10	4	2	23	9	14	34
3	Platinum Stars	16	10	1	5	26	18	8	31
4	Free State Stars	16	6	7	3	14	13	1	25
5	Maritzburg Utd	16	6	6	4	18	14	4	24
6	University of Pretoria	16	5	8	3	18	14	4	23
7	Bloem Celtic	16	6	3	7	16	18	-2	21
8	SuperSport United	16	3	11	2	19	15	4	20
9	Bidvest Wits	16	4	7	5	14	17	-3	19
10	Mamelodi Sundowns	16	4	6	6	12	15	-3	18
11	Moroka Swallows	16	5	2	9	23	27	-4	17
12	Black Leopards	16	3	8	5	19	24	-5	17
13	Golden Arrows	16	4	4	8	15	20	-5	16
14	Ajax Cape Town	16	4	3	9	15	26	-11	15
15	Chippa United	16	2	7	7	13	20	-7	13
16	AmaZulu	16	2	6	8	8	23	-15	12