KINNAH PHIRI ATIMULIWA TIMU YA TAIFA YA MALAWI THE FLAMES.

SHIRIKISHO la Soka nchini Malawi-FAM limemtimua kocha wa timu ya taifa ya nchi hiyo, Kinnah Phiri kufuatia kipigo cha mabao 3-1 ilichokipata timu hiyo kutoka kwa Afrika Kusini mwezi uliopita. FAM ilitangaza kumtimua kocha huyo na msaidizi wake Young Chimodzi pamoja na Mkurugenzi wa Ufundi Jack Chamangwana baada ya kutumikia miezi sita katika mkataba wa miaka miwili walioongezewa. Katika taarifa yake FAM imesema ilifikia uamuzi huo kufuatia mwenendo mbovu wa timu ya taifa katika kikao cha dharura cha kamati ya utendaji walichokaa Januari 12 mwaka huu. Kinnah alikiongoza kikosi cha nchi hiyo kufuzu fainali za Mataifa ya Afrika mwaka 2010 kwa mara ya kwanza baada ya miaka 26 kupita lakini timu hiyo imekuwa ikiporomoka kiwango toka kipindi hicho.