MAREKEBISHO VIINGILIO SERENGETI BOYS v CONGO
Shirikisho la Mpira wa Miguu Tanzania (TFF) limefanya mabadiliko kwa kiingilio cha juu cha mechi ya raundi ya mwisho ya mchujo kuwania tiketi ya kucheza Fainali za Afrika kwa vijana wenye umri chini ya miaka 17 kati ya Tanzania (Serengeti Boys) na Congo Brazzaville itakayochezwa Jumapili (Novemba 18 mwaka huu). Awali kiingilio cha juu katika mechi hiyo itakayofanyika Uwanja wa Taifa, Dar es Salaam kuanzia saa 10 kamili jioni kilikuwa sh. 5,000. Lakini kwa lengo la kuwafanya wadau wa kiingilio hicho kuchangia gharama za mechi hiyo sasa kutakuwa na viingilio vitatu tofauti katika viti vya VIP. Kwa VIP A ambayo ina viti 748 kiingilio kitakuwa sh. 10,000, VIP B inayochukua watazamaji 4,160 kiingilio ni sh. 5,000 wakati VIP C yenye viti 4,060 kiingilio ni sh. 2,000. Kwa sehemu nyingine (viti vya rangi ya chungwa, kijani na bluu) ambavyo jumla yake ni 48,590 kiingilio kitabaki kuwa sh. 1,000. Timu ya Congo Brazzaville kwa taarifa tulizopata awali kutoka Shirikisho la Mpira wa Miguu la Congo (FCF) ilikuwa iwasili jana (Novemba 13 mwaka huu) usiku. Lakini timu hiyo haikutokea na sasa tunatarajia itawasili leo (Novemba 14 mwaka huu) saa 8 mchana kwa ndege ya Ethiopian Airlines. Congo itafikia Sapphire Court Hotel. Wakati huo huo, Kamati ya Serengeti Boys itakutana na waandishi wa habari kesho (Novemba 15 mwaka huu). Mkutano huo utafanyika kuanzia saa 5 asubuhi hoteli ya JB Belmont, ukumbi wa Ngorongoro.
KATIKA MAMBO YA KUACHA WACHEZAJI NA KUENDA KATIKA TIMU NYINGINE NA KUNG'ARA NI KUTOKANA NA NINI EBU MCHEKI HUYU NDIYE ATUPELE GREEN, KINDA LILILODUNDWA YANGA LINALOIBEBA COASTAL UNION LIGI KUU
 |
Atupele alisajiliwa na Coastal akitokea Yanga B na amepata bahati ya kuaminika kikosini na kuwa chaguo la kwanza la kocha Ahmed Morocco.
Nyota huyo mweusi, mrefu na ana umbo kubwa linalomfanya ajiamini na kuwa 'sumu' kwa mabeki wasumbufu.
Wataalamu wa soka nchini wanadai atakapopata uzoefu atakuja kuwa tishio na kulisaidia Taifa la Tanzania.
Kutokana na umbo lake watu humfananisha na Mtanzania, Thomas Ulimwengu anayekipiga Klabu ya TP Mazembe ya Jamhuri Kidemokrasi ya Congo na wako wote katika timu ya taifa ya vijana wenye umri chini ya miaka 20, 'Ngorongoro Heroes'.
Ametua Coastal kwa mkataba wa miaka mitatu na kwa kipindi kifupi ameonyesha uwezo wa juu katika mechi alizocheza, lakini amekumbwa na tatizo la ukame wa mabao kwani hadi sasa bado hajaziona nyavu lakini yeye anasema ni hali ya kawaida na anaamini utafika wakati wake atafunga.
Mwanaspoti lilifanya mahojiano naye kwa kirefu na anafafanua kwa undani, siri ya mafanikio, historia na malengo ya maisha yake kwa ujumla.
Sababu ya kuaminiwa
"Nafikiri ni kujituma na ushirikiano wangu mzuri na wachezaji wenzangu lakini pia kufuata maelekezo ya mwalimu," anasema Atupele anayevutiwa na nyota Didier Drogba wa Ivory Coast, Mghana Asamoah Gyan na Mbrazil Ronaldo de Lima wakati Tanzania anamhusudu Haruna Moshi 'Boban'.
Kuhusu kukosa mabao, Atupele anasema: "Sina wasiwasi kwa sababu utafika wakati wangu nami nitafunga.
"Usipofunga unaumia kujiuliza maswali mengo lakini ni hali ya mchezo tu lengo ni kuisaidia timu ifanye vizuri."
Kocha wake, Ahmed Morocco anamzungumzia mchezaji huyo kuwa ni mzuri ndiyo maana anamtumia: "Mchezaji mzuri na muhimu kikosini, kuhusu kufunga tumpe muda."
Nje ya soka
Atupele anasema anapokuwa hana majukumu na soka anapenda kuutumia muda wake mwingi kuendesha gari.
"Napenda sana kuendesha gari na ndiyo furaha yangu ninapokuwa nje ya kazi za mpira," anaeleza.
Pamoja na kupenda kuendesha gari, Atupele anaongeza kuwa bado hajanunua la kwake binafsi na mara nyingi hutumia la rafiki yake, Kiggi Makassy anayekipiga Simba.
Hata hivyo, mpango wake kama mambo yake yataenda vizuri, malengo yake ni kununua gari.
Alifanyiwa usaili na Kondic
Kinda huyo anasema kipaji chake ni cha tangu utotoni na alipata umaarufu akiwa Shule ya Msingi ya Lugalo.
Ni zao la shule ya vipaji ya Global Soccer Academy ambayo ilianzishwa na Wazungu na walikuwa wanadhaminiwa na Kampuni ya simu za mikononi ya Vodacom.
Alijiunga na kituo hicho akiwa mwanafunzi wa Shule ya Kambangwa kabla ya kutua Yanga.
Alichaguliwa na Yanga baada ya kufanyiwa usaili na kocha wa zamani wa Yanga, Mserbia Dusan Kondic.
"Nilijiunga Yanga baada ya kufanyiwa usaili na kocha Kondic. Tulichukuliwa vijana wote tukaunganishwa na Yanga B tukacheza mechi na timu ya wakubwa nikafanya vizuri na ndipo nikachaguliwa," anaongeza.
Atupele anasema alishawishika kujiunga na Yanga baada ya ushauri kutoka kwa rafiki yake aliyemtaja kwa jina la Hamad Kibopile, ambaye pia alikuwa anaichezea Yanga B.
"Yeye alikuwa anachezea Yanga B na aliponiona Globo akanishawishi nijiunge na Yanga."
Sababu ya kuondoka Yanga
Atupele alihamia Coastal Union baada ya kutofautiana na Yanga kwa masuala ya mkataba.
"Nilihama Yanga baada ya kutofautina kwenye masuala ya mkataba nami ni mchezaji nikaamua kuja kutafuta maisha,"anasema Atupele na kugoma kuongelea kwa undani.
Hata hivyo, licha ya Atupele kutoingia kwa undani kuhusu suala hilo, Mwanaspoti linafahamu kuwa mtafaruku wao ulisababishwa na fedha za usajili kutokwenda sawa na makubaliano waliyopatana.
Atupele aliona pesa hiyo haitoki kama walivyopatana licha ya kuwa tayari alishasaini mkataba kwa ajili ya msimu huu wa 2012-2013 wa Ligi Kuu Bara na alipodai Yanga wakaona isiwe tabu wakamalizana kwa kuuchana.
Atupele ameenda mbali na kusema, endapo Yanga itamhitaji kwa mara nyingine hana tatizo wakikubaliana na uongozi wake kwani anachoangalia ni maslahi.
Anavyoizungumzia Coastal na Taifa Stars
"Coastal ni bora na ina malengo kwenye ligi hii na mambo yakienda sawa tunaamini tutamaliza tukiwa katika nafasi tatu za juu."
Safu ya ushambuliaji ya Coastal ina matatizo baada ya kuwakosa Nsa Job, ambaye ni majeruhi wa mguu pamoja na Pius Kisambale aliyefanyiwa upasuaji.
"Ni pengo kuwakosa wachezaji mliozoeana kucheza kitimu lakini wapo wengine wataziba mapengo."
Historia
Atupele amezaliwa katika familia yenye watoto watano na yeye ni wa nne. Mama yake, Doto Ludete alimzaa yeye pamoja na ndugu zake Kassim, Asha, Abdallah na Tatu.
Atupele amefafanua sababu ya kutofautiana majina na ndugu zake hao kuwa imechangiwa na kuwa na mama na baba tofauti.
Alisoma shule ya Msingi Lugalo na kumalizia Sekondari ya Kambangwa. Hajaoa na hana mtoto.ATUPELE GREEN JACKSON
Amezaliwa: Agosti 30,1994
Mahali: Lugalo, Dar es Salaam
Klabu: Yanga 'B' 2009-2012,
Coastal Union 2012-
Taifa: Tanzania
NASSIBU RAMADHANI NA FRANSIC MIYAYUSHO KUGOMBANIA UBINGWA WA WBF DESEMBA 9
 |
| Mabondia
Nassibu Ramadhani na Fransic Miyayusho wakitunishiana misuri wakati wa
kutambulisha mpambano wao wa ubingwa wa WBF utakaofanyika Desemba 9
katika ukumbi wa PTA Sabasaba Dar es salaam Picha na www.superdboxingcoach. |
 |
| Mabondia Nassibu Ramadhani na Fransic Miyayusho
wakitunishiana misuri wakati wa kutambulisha mpambano wao wa ubingwa wa
WBF utakaofanyika Desemba 9 katika ukumbi wa PTA Sabasaba Dar es salaam
Picha na www.superdboxingcoach. |
Mabondia
Nassibu Ramadhani na Fransic Miyayusho wakitunishiana misuri wakati wa
kutambulisha mpambano wao wa ubingwa wa WBF utakaofanyika Desemba 9
katika ukumbi wa PTA Sabasaba Dar es salaam Picha na www.superdboxingcoach.KAMPUNI YA Darworld Links imeandaa mpambano mwingine wa ubingwa wa masumbwi utakaowakutanisha bondia Nassibu Ramadhani na Fransic Miyayusho mpambano utakaofanyika katika Ukumbi wa PTA Sabasaba akizungumza na waandishi wa habari Mkurugenzi wa Kampuni hiyo Mohamed Bawazir
Amesema amewakutanisha mabondia hawo kutaka kujua nani zaidi ya mwenzake kwa kuwa viwango vyao vina fanana na vinatambulika kimataifa hivyo amewataka watanzania kujitokeza kuwapa sapoti hususani kudhamini mchezo huo wa masumbwi ata kwa bondia mmoja mmoja kuwagea changamoto mbalimbali mabondia hawa vijana wana uwezo mkubwa wa kutangaza biashara mbalimbali kupitia mchezo wao wa masumbwi kwani makampuni mengi yamekuwa yakiupiga danadana mchezo huu ni mchezo kama michezo mingine nashangaa sana kuona tunakosa
Udhamini tunapoomba sehemu ya makampuni mbalimbali ukienda wanasema hatuhusiki na mchezo huo.
Wengine wanasema kabisa wadhamini wa michezo wakati wanabagua michezo mingine kama ngumi awapewi kipaumbele kabisaa amewaomba wapenzi na mashabiki kujitokeza siku tarehe 9 Desemba kuja kuangalia ngumi ili zisonge mbele watakaosindikiza mpambano huo wa masumbwi ni
Fadhili Majia VS Juma Fundi
Moh'd Rashid Matumla VS Doi Miyayusho
Ibrahimu Class 'King Class Mawe' VS Said Mundi wa Tanga
Fred Sayuni VS Deo Samweli
Hassani Kidebe VS Baina Mazola
Mapambano yote ya utangulizi ni mazuri na vijana wanaotakiwa kuendelezwa katika elimu ya masumbwi Duniani ili wawe mabondia wazuri
Mpambano huo umedhaminiwa na JB BELMONT HOTEL gazeti la Jmbo Leo, Times FM
Na wengine wameobwa kujitokeza katika udhamini huo kwa mawasiliano zaidi
0716 332933
0784 426542
DESEMBA ni HEKAHEKA kwa Chelsea, kusakamwa na Mechi mfululizo!
>>Desemba wapo Japan Klabu Bingwa Duniani!!!
>> LAKINI ROBERTO DI MATTEO asifia ukubwa wa Kikosi chake!!
Roberto Di Matteo ana imani na Kikosi
chake cha Chelsea kukabili lundo la Mechi, hasa Mwezi Desemba, ambapo
watacheza jumla ya Mechi 8 hadi 9, zikiwemo za Mashindano ya FIFA ya
Klabu Bingwa Duniani huko Japan.
Pamoja Mashindano hayo ya Japan, wana
Mechi za Ligi Kuu England, UEFA CHAMPIONZ LIGI na CAPITAL ONE CUP lakini
kati ya hizo ni mbili tu watacheza Stamford Bridge.
Ingawa Di Matteo amekiri kuwa Mechi hizo
zitawabana sana lakini amesema: “Zitatubana sana na hizi za Japan ni
safari ndefu, upande wa pili wa Dunia na tutabadili majira lakini
inabidi kuikabili hali. Tuna Kikosi kikubwa na nadhani tutaidhibiti hali
yeyote.”
RATIBA MECHI za CHELSEA:
Novemba 2012
Novemba 17 WBA v Chelsea [BPL]
Novemba 20 Juventus v Chelsea [UEFA CHAMPIONZ LIGI]
Novemba 25 Chelsea v Man City [BPL]
Novemba 28 Chelsea v Fulham
Desemba 2012
Desemba 1 West Ham v Chelsea [BPL]
Desemba 5 Chelsea v Nordsjaelland [UEFA CHAMPIONZ LIGI]
Desemba 8 Sunderland v Chelsea [BPL]
Desemba 13 Bingwa Asia v Chelsea [Japan, FIFA Klabu Bingwa Duniani]
Desemba 16 Mechi Mshindi wa 3 AU FAINALI [Japan, FIFA Klabu Bingwa Duniani]
Desemba 19 Leeds United v Chelsea [CAPITAL ONE CUP]
Desemba 23 Chelsea v Aston Villa [BPL]
Desemba 26 Norwich v Chelsea [BPL]
Desemba 30 Everton v Chelsea [BPL]
Januari 2013
Chelsea v QPR [BPL]
BARUA YA WAZI KUTOKA KWA WADAU WA SOKA KWENDA TENGA KWA UKIUKWAJI WA KATIBA YA TFF
-->
Bwana Leodger Chilla
Tenga
Rais wa TFF
Ndugu Tenga,
YAH: UKIUKWAJI WA KATIBA YA TFF
Sisi
wadau wa mpira wa miguu Tanzania tunakuandikia barua hii tukiwa na uchungu
mkubwa kuhusu mwenendo wa uongozi wako.
Ulipoingia madarakani kwa mara ya kwanza Golden Tulip tarehe 27 Desemba
2004 ulitoa matumaini makubwa kuhusu kuleta mabadiliko makubwa katika
uendeshaji wa mpira wetu. Pamoja na
mapungufu mengi yaliyojitokeza ndani ya miaka minane ya uongozi wako haya mawili
tutakayoyaeleza hapa chini hayawezi kufumbiwa macho na wanaoutakia mema mpira
wa Tanzania.
1. Kupitisha muda wa uongozi wako bila
kibali cha mkutano mkuu.
Mkutano
mkuu uliokuingiza madarakani ulifanyika siku ya Jumapili tarehe 14 Desemba
2008. Kifungu 33(1) cha Katiba ya TFF
kinatamka kuwa kipindi cha uongozi ni miaka minne tu. Hivyo ukomo wa uongozi wako na kamati yako ya
utendaji ni saa sita za usiku tarehe 13 Desemba 2012. Aidha kifungu cha 10(1) cha kanuni za
uchaguzi wa TFF kinatamka kuwa tangazo la uchaguzi litatolewa siku 40 kabla ya
uchaguzi. Kwa mantiki hii kamati yako ya
uchaguzi ilitakiwa itangaze tarehe ya uchaguzi siku ya Jumatatu tarehe 05
Novemba 2012 au kabla ya hapo. Leo ni
tarehe 13 Novemba 2012 na ofisi yako iko kimya!
Hii haikubaliki, haiwezekani ujiongezee muda wa uongozi bila kibali cha
Mkutano Mkuu. Tutawaomba wajumbe wa
Mkutano Mkuu wakuadhibu kwa kosa hili la ukiukwaji wa Katiba. Pamoja na mapungufu haya ni vyema
ukatufahamisha uchaguzi umepanga ufanyike lini au unasubiri wajumbe wa mkutano
mkuu wakulazimishe kwa maandishi?
2. Kufuta nafasi ya Makamu wa Pili wa
Rais wa TFF
Yapo
maneno yanasemwa eti uongozi wako unataka kufuta nafasi ya pili ya Makamu wa
Rais wa TFF kinyemela. Kama tuhuma hizi
ni za kweli tunaoma tukukumbushe yafuatayo:
2.1.1
Nafasi
ya makamu wa pili wa Rais wa TFF iko ndani ya Katiba ya TFF kifungu 31(1)
2.1.2
Kifungu
cha katiba 30(1) kinatamka wazi kuwa ni mkutano mkuu pekee wenye mamlaka ya
kubadili Katiba ya TFF. Hivyo hakuna
njia mbadala ya kubadili Katiba ya TFF.
2.1.3
Kifungu
cha Katiba 30(2) kinatamka kuwa tangazo lolote la nia ya kubadili Katiba ya TFF
litatolewa siku 45 kabla ya mkutano mkuu.
Uongozi wako utawezaje kutoa tangazo hili ndani ya kipindi cha uongozi
wako kilichobakia?
2.1.4
Kifungu
cha Katiba 30(6) kinatamka kuwa ombi la kubadili katiba litapigiwa kura NDANI
YA MKUTANO MKUU na ili lipite theluthi mbili ya wajumbe sharti iridhie. Zingatia utashi huu wa Katiba.
Bwana Tenga kama kweli wazo hili lipo
basi achana nalo, usijidhalilishe kwa kukiuka Katiba iliyokuweka madarakani. Nafasi za uongozi katika uchaguzi ujao
zitangazwe kwa mujibu wa Katiba iliyokuweka madarakani. Kama kuna umuhimu wa kubadili Katia hakuna
uharaka wowote, subiri awamu ijayo ifanyie kazi wazo hilo, awamu ambayo huenda
wewe mwenyewe ukaingoza pia kama ukigombea tena.
Tunasubiri majibu ya hoja zetu za
majibu haya tunaomba uwajulishe watanzania wote.
Nakala ya barua hii tunawapelekea
wajumbe wote wa Mkutano Mkuu kwa taarifa.
Ni sisi kwa niaba ya wadau wa mpira
wa Tanzania.
TAIFA STARS YAIVAA HARAMBEE KIRUMBA KATIKA MZANI WA FIFA LEO
 |
| Taifa Stars |
TIMU ya soka
ya taifa ya Tanzania, Taifa Stars leo inashuka dimbani kwenye Uwanja wa CCM
Kirumba, Mwanza kumenyana na Kenya, Harambee Stars katika mchezo wa kirafiki,
ulio kwenye kalenda ya Shirikisho la Soka la Kimataifa (FIFA).
Tanzania
inakutana na Kenya, zikiwa hazitofautiani sana kwa sasa, japokuwa Harambee inajivunia
wachezaji kadhaa wanaocheza soka ya ushindani Ulaya.
Taifa Stars,
inayofundishwa na Mdenmark Kim Poulsen, aliyeanza kazi Mei mwaka huu, akirithi
mikoba ya Jan Borge Poulsen kutoka Denmark pia, haijashinda mechi yeyote tangu
iifunge Gambia 2-1 Juni 10, mwaka huu Uwanja wa Taifa, Dar es Salaam katika
mchezo wa kuwania tiketi ya kucheza fainali za Kombe la Dunia mwaka 2014
Brazil.
Chini ya Kim,
aliyepandishwa kutoka timu za vijana za Tanzania, kazi aliyoanza Aprili mwaka
jana, ilitoka sare ya 1-1 Juni 17, ilitolewa na Msumbji kwa mikwaju ya penalti katika
mchezo wa kuwania kucheza Fainali za Kombe la Mataifa ya Afrika mwakani Afrika
Kusini, kufuatia sare ya jumla ya 2-2.
Ilijitupa
uwanjani mara ya mwisho, katika mchezo wa kirafiki, Agosti 15, mwaka huu mjini
Gaborone na kulazimishwa sare ya kufungana mabao 3-3, tena ikitoka nyuma na
kusawazisha.
Kenya
inayofundishwa na Mfaransa Henri Michel, mara ya mwisho kushinda mechi ilikuwa
ni Julai 12, mwaka huu ilipoichapa Botswana nyumbani kwake, Gaborone, mabao
3-1, lakini Harambee Stars katika mechi yao ya mwisho waliyocheza, walifungwa
2-1 nyumbani na Afrika Kusini Oktoba 16, mwaka huu, huo ukiwa mchezo wa
kirafiki.
Mchezo huo,
unatarajiwa kuinufaisha zaidi timu ya Bara, Kilimanjaro Stars, yenye wachezaji
wengi kwenye kikosi hicho, kwani baada ya hapo itaingia kambini kujiandaa na
michuano ya Tusker Challenge 2012, itakayofanyika mjini Kampala, Uganda
mwishoni mwa mwezi huu. Kenya pia itashiriki michuano hiyo ya Challenge.
Wakati Kenya
iliwasili Mwanza jana, Tanzania walianza kujikusanya kambini Jumapili na hadi
kufikia juzi kikosi kilikuwa kimekwishakamilika.
Wachezaji
walioitwa kwa ajili ya mechi hiyo ni makipa Juma Kaseja (Simba SC) na
Deogratius Mushi ‘Dida’ wa Azam FC.
Mabeki;
Kevin Yondan (Yanga), Aggrey Morris, Erasto Nyoni (Azam FC), Issa Rashid
(Mtibwa Sugar), Nassoro Masoud ‘Cholo’, Shomari Kapombe na Amir Maftah (Simba).
Viungo;
Salum Abubakar ‘Sure Boy’ (Azam FC), Amri Kiemba, Mwinyi Kazimoto, Ramadhan
Singano ‘Messi’ na Mrisho Ngassa (Simba), Athuman Iddi ‘Chuji’, Frank Domayo
(Yanga) na Shaaban Nditi (Mtibwa Sugar).
Washambuliaji;
John Bocco ‘Adebayor’ (Azam FC), Simon Msuva (Yanga), Christopher Edward
(Simba), Mbwana Samatta na Thomas Ulimwengu wa (TPM, DRC).
REKODI YA STARS MWAKA HUU NA RATIBA
YA MECHI ZIJAZO:
Februari 23, 2012
Tanzania 0 – 0 DRC (Kirafiki)
Februari 29, 2012
Tanzania 1 – 1 Msumbiji (Kufuzu Mataifa ya Afrika)
Mei 26, 2012
Tanzania 0 – 0 Malawi
Juni 2, 2012
Ivory Coast
2 – 0 Tanzania (Kufuzu Kombe la Dunia)
Juni 10, 2012
Tanzania 2 – 1 Gambia (Kufuzu Kombe la Dunia)
Juni 17, 2012
Msumbiji 1 –
1 Tanzania (Tanzania ilitolewa kwa
penalti kufuzu Mataifa ya Afrika)
Agosti 15, 2012
Botswana 3 –
3 Tanzania (Kirafiki)
Novemba 14, 2012
Tanzania Vs Kenya
(Kirafiki)
Machi 22, 2013
Tanzania Vs Morocco (Kufuzu Kombe la Dunia)
Juni 7, 2013
Morocco Vs Tanzania (Kufuzu Kombe la Dunia)
Juni 14, 2013
Tanzania Vs Ivory Coast (Kufuzu
Kombe la Dunia)
Septemba 6, 2013
Gambia Vs Tanzania (Kufuzu Kombe la Dunia)STARS YAHAMASISHWA KUSHINDA LEO DHIDI YA HARAMBEE STARS
 |
| Kim Poulsen akiongoza mazoezi ya Stars Uwanja wa Kirumba Mwanza leo |
MDHAMINI wa
timu ya soka ya taifa ya Tanzania, Taifa
Stars, Kilimanjaro Premium Lager amewataka wachezaji wa timu hiyo kuonyesha
nidhamu ya hali ya juu wakiwa kambini Mwanza na pia kuhakikisha wanapata
ushindi katika mechi zijazo hususani katika mechi ya Jumatano ya kirafiki dhidi
ya Harambee Stars.
Katika
taarifa iliyotolewa kwa vyombo vya habari, Meneja wa Bia ya Kilimanjaro Premium
Lager, George Kavishe, amesema wao kama wadhamini wana imani na timu ya taifa
na Kocha wake Kim Poulsen.
“Mechi
zilizochezwa mpaka sasa hivi tangu tumechukua udhamini zinaridhisha kwa kuwa
tumeona kiwango cha timu kikikua siku hadi siku..tuna imani mechi ya Jumatano
dhidi ya Harambee Stars tutashinda,” slisema Bwana Kavishe.
Alisema moja
ya vitu ambavyo wachezaji wanatakiwa kuzingatia sana ni nidhamu nje na ndani ya
uwanja kwani mpira ndio ajira yao kwa hivyo lazima waitetee na kuilinda vizuri.
“Kocha wa
sasa hivi anazingatia sana nidhamu na hili lina umuhimu sana katika soka hata
uwende wapi duniani..unaweza kuwa mchezaji mzuri sana lakini bila nidhamu kocha
anaweza kukuacha katika kikosi chake na kuwachezesha wachezaji wenye nidhamu,”
alisema.
Bwana
Kavishe aliendelea kusema kuwa wamefurahishwa na kitendo cha TFF kuipeleka timu
Mwanza kucheza mechi ya kirafikii dhidi ya Kenya na pia kujiandaa na mashindano
ya CECAFA Challenge yanayotarajia kuanza Jijini kampala tarehe 24 mwezi huu.
“Hali ya
hewa ya Mwanza na ya Kampala hazipishani sana kwa hivyo tunaamini huu ulikuwa
uamuzi sahihi kabisa ili wachezaji wazoee hali ya hewa, alisema.
Stars
inashuka dimbani Jumatano saa kumi alasiri dhidi ya Harambee Stars ya Kenya
katika Uwanja wa Kirumba. Tangu Stars ipate mdhamini mpya, Kilimanjaro Premium
Lager, imeshacheza dhidi ya Ivory Coast, Msumbiji, Botswana na Namibia .
Kilimanjaro
Premium Lager imewekeza zaidi ya Shilingi bilioni mbili kuidhamini Taifa Stars
kwa miaka mitano ijayo.
HARAMBEE WAWASILI MWANZA, STARS WAFANYA MAZOEZI YA MWISHO KIRUMBA KABLA YA MECHI KESHO
 |
| Baadhi ya wachezaji wa Harambee Stars wakiwasili katika uwanja wa ndege wa Mwanza kwa ajili ya pambano lao la kirafiki dhidi ya Taifa Stars.mchezo utakao chezwa jimatano katia uwanja wa ccm kirumba mwanza |
 |
| Baadhi ya wachezaji wa Harambee Stars wakiwasili katika uwanja wa ndege wa Mwanza kwa ajili ya pambano lao la kirafiki dhidi ya Taifa Stars.mchezo utakao chezwa jimatano katia uwanja wa ccm kirumba mwanza |
 |
| Baadhi ya wachezaji wa Harambee Stars wakiwasili katika hotel ya G&G Jijini Mwanza walikopangiwa ambapo timu hiyo itajipima nguvu na Taifa Stars kwenye uwanja wa CCM Kirumba katika mchezo wa kupimana nguvu . |
 |
| Baadhi ya wachezaji wa Harambee Stars wakichangamkia juisi baada ya kuwasili katika hotel ya G&G Jijini Mwanza jana. (Picha zote na George Ramadhan |
 |
| Golikipa
na Nahodha wa Taifa Stars Juma Kaseja akijifua na kipa mwenzake wa
Taifa Stars, Deogratius Munisi (Dida) kwenye uwanja wa CCM Kirumba
katika matayarisho ya mchezo wao na Harambee ya kenya |
 |
| Kocha Mkuu wa Taifa Stars Kim Poulsen akimpa maelekezo Mbwana Samatta wakati wa mazoezi ya timu hiyo juzi kwenye uwanja wa CCM Kirumba Mwanza.katika mazoezi |
 |
| Kocha Mkuu wa Taifa Stars Kim Poulsen akitoa maelekezo kwa wachezaji John Boko (kulia) na Amri Kiemba wakati wa mazoezi ya timu hiyo kwenye uwanja wa CCM Kirumba Jijini Mwanza |
Kikosi cha Harambee Stars kikifanyishwa mazoezi na kocha wake Henri Michel
Harambee Stars itawatumia Dennis Oliech(nahodha), Ayub
Timbe Masika, Brian Mandela Onyango (Santos), Patrick Oboya, Mzee Patrick Ooko
Osiako, Jerry Santo, Fredrick Jerim Onyango Oduor, Edwin Simiyu Wafula (AFC
Leopards) na Eugene Ambuchi Asike (Sofapaka).
Wengine ni Geofrey Kokoyo
Odhiambo, Mulinge Ndeto, Christopher Wekesa Nyangweso, James Wakhungu Situma
(Sofapaka), Peter Odhiambo Opiyo, Charles Elphas Okwemba, Francis Kahata Wambura (Thika United), Andrew
Kiriro Tololwa, Osborne Monday (Sofapaka), Wesley Kemboi na Moses Arita.
AFCON 2013: Marefa kupigwa ‘KARANTINI!!’
Marefa
watakaochezesha Fainali za Kombe la Mataifa ya Afrika, AFCON 2013, huko
Afrika Kusini zitakazoanza Januari 19 na kumalizika Februari 10, Mwaka
2013, watatengwa na kadamnasi ili kuepusha upangaji matokeo Mechi.
Kamati Maalum ya Nchi ya Afrika Kusini
inayoshughulikia maandalizi ya Fainali hizo, ambayo iko chini ya Bwana
Mvuso Mbebe, imesema watatumia taratibu za ulinzi wa aina ile ile
uliotumika kwenye Fainali za Kombe la Dunia za Mwaka 2010 zilizochezwa
Nchini Afrika Kusini.
Mvuso Mbebe, akiongea na Kamati ya Bunge
la Afrika Kusini, ametamka: “Tutatumia njia ile ile iliyotumika kwenye
Fainali za Kombe la Dunia. Marefa watakaa karantini kwenye Hoteli ambayo
Watu wengine hawatarhusiwa kuingia. Watasindikizwa na Walinzi kwenda
popote na kwenye Mechi.”
Taratibu hizi za kuwapiga ‘Karantini’ Marefa zimeafikiwa na CAF.
+++++++++++++++++++++++++++++++++++++++++
MAKUNDI:
KUNDI A: South Africa, Cape Verde, Morocco, Angola
KUNDI B: Ghana, DR Congo, Niger, Mali
KUNDI C: Zambia, Ethiopia, Nigeria, Burkina Faso
KUNDI D: Ivory Coast, Togo, Tunisia, Algeria
+++++++++++++++++++++++++++++++++++++++++
VIWANJA:
-Soccer City, Johannesburg [Mashabiki 94,700]
-Moses Mabhida Stadium, Durban [Mashabiki 54,000]
-Nelson Mandela Bay Stadium, Port Elizabeth [Mashabiki 48,000]
-Mbombela Stadium, Nelspruit [Mashabiki 41,000]
-Royal Bafokeng Stadium, Rustenburg [Mashabiki 42,000]
+++++++++++++++++++++++++++++++++++++++++
RATIBA:
Jumamosi Januari 19
South Africa v Cape Verde Islands [Soccer City Saa 1 Usiku]
Angola v Morocco [Soccer City Saa 4 Usiku]
Jumapili Januari 20
Ghana v Congo DR [Nelson Mandela Bay Stadium Saa 12 Jioni]
Mali v Niger Nelson Mandela Bay Stadium 20:00
Jumatatu Januari 21
Zambia v Ethiopia [Mbombela Stadium Saa 12 Jioni]
Nigeria v Burkina Faso [Mbombela Stadium Saa 3 Usiku]
Jumanne Januari 22
Ivory Coast v Togo [Royal Bafokeng Stadium Saa 12 Jioni]
Tunisia v Algeria [Royal Bafokeng Stadium Saa 3 Usiku]
Jumatano Januari 23
South Africa v Angola [Moses Mabhida Stadium Saa 12 Jioni]
Morocco v Cape Verde Islands [Moses Mabhida Stadium Saa 3 Usiku]
Alhamisi Januari 24
Ghana v Mali [Nelson Mandela Bay Stadium Saa 12 Jioni]
Niger v Congo DR [Nelson Mandela Bay Stadium Saa 3 Usiku]
Ijumaa Januari 25
Zambia v Nigeria [Mbombela Stadium Saa 12 Jioni]
Burkina Faso v Ethiopia [Mbombela Stadium Saa 3 Usiku]
Jumamosi Januari 26
Ivory Coast v Tunisia [Royal Bafokeng Stadium Saa 12 Jioni]
Algeria v Togo [Royal Bafokeng Stadium Saa 3 Usiku]
Jumapili Januari 27
Morocco v South Africa [Moses Mabhida Stadium Saa 2 Usiku]
Cape Verde Islands v Angola [Nelson Mandela Bay Stadium Saa 2 Usiku]
Jumatatu Januari 28
Congo DR v Mali [Moses Mabhida Stadium Saa 2 Usiku]
Niger v Ghana [Nelson Mandela Bay Stadium Saa 2 Usiku]
Jumanne Januari 29
Ethiopia v Nigeria [Royal Bafokeng Stadium Saa 2 Usiku]
Burkina Faso v Zambia [Mbombela Stadium Saa 2 Usiku]
Jumatano Januari 30
Algeria v Ivory Coast [Royal Bafokeng Stadium Saa 2 Usiku]
Togo v Tunisia [Mbombela Stadium Saa 2 Usiku]
ROBO FAINALI
Jumamosi Februari 2
Mshindi Kundi B v Mshindi wa Pili Kundi A [Nelson Mandela Bay Stadium Saa 12 Jioni]
Mshindi Kundi A v Mshindi wa Pili Kundi B [Moses Mabhida Stadium Saa 3 na Nusu Usiku]
Jumapili Februari 3
Mshindi Kundi D v Mshindi wa Pili Kundi C [Royal Bafokeng Stadium Saa 12 Jioni]
Mshindi Kundi C v Mshindi wa Pili Kundi D [Mbombela Stadium Saa 3 na Nusu Usiku]
NUSU FAINALI
Jumatano Februari 6
Mshindi RF 3 v Mshindi RF 2 [Mbombela Stadium Saa 12 Jioni]
Mshindi RF 1 v Mshindi RF 4 [Moses Mabhida Stadium Saa 3 na Nusu Usiku]
MSHINDI wa TATU
Jumamosi Februari 9
[Nelson Mandela Bay Stadium Saa 3 Usiku]
FAINALI
Jumapili Februari 10
[Soccer City Saa 3 Usiku]
WAAMUZI KULINDWA ILI WASIPOKEE MLUNGULA AFCON 2013.
 |
| Mvuso Mbebe |
PELE ALAZWA.
MTAZAME CRISTIANO RONALDO ANAVYOONEKANA BAADA YA KUPASULIWA JUU YA JICHO...MWENYEWE AONDOA HOFU MASHABIKI WAKE NA KUSEMA ATARUDI UWANJANI HARAKA HUKU AKIWA 'FITI' 100%...!
 |
| Sasa niko poa...! Ronaldo anavyoonekana katika picha yake aliyoiweka katika ukurasa wake wa mtandao wa kijamii wa facebook. |
Cristiano ameandika: "Najihisi vizuri na natumai kuwa nitarejea uwanjani haraka."
Nyota huyo Mreno ameweka pia picha yake kwenye ukurasa wake wa Facebook, akimbatanisha na maelezo ya picha ambayo yanawashukuru mashabiki kwa kumuunga mkono wakati wote: "Ahsante kwa salamu za kunitakia kheri mlizonitumia tangu siku nilipoumia. Najihisi vizuri na, natumai kurudi uwanjani mara moja nikiwa fiti kwa 100%".
CHELSEA na Tuhuma za Ubaguzi kwa Refa Clattenburg: Wadai wako sahihi!!
>>REFA CLATTENBURG AANZA MAZOEZI!!
KLABU
ya Chelsea imedai wao si ‘wanafiki’ kufuatia kumtuhumu Refa Mark
Clattenburg ni ‘Mabaguzi’ wakati wao walimtetea na kumuunga mkono
Nahodha wao, John Terry, wakati akishitakiwa kwa tuhuma za Ubaguzi na
hatimae kupatikana na hatia na FA, Chama cha Soka England, na kufungiwa
Mechi 4 na kutwangwa Faini ya Pauni Laki 220,000.
Mwenyekiti wa Chelsea, Bruce Buck,
amesema sakata hizo mbili za Ubaguzi zisiunganishwe kwa vile Klabu yao
ilikuwa haina namna nyingine bali kumshitaki Refa Mark Clattenburg kwa
kutamka neno la Kibaguzi dhidi ya Mchezaji wao John Mikel Obi wakati wa
Mechi ya Ligi Kuu England kati ya Chelsea na Manchester United
iliyochezwa Stamford Bridge Wiki mbili zilizopita.
Mwenyekiti huyo amewatuhumu Wanahabari
kwa kuziunganisha Kesi za Terry na Clattenburg na kudai wao imebidi
wazitenganishe ili waonekana wakweli.
Alidai: “Ni jukumu letu kuliacha suala la Terry na kuripoti makosa ya Refa. Tumefanya hivyo kwa nia njema tu!”
Madai ya Chelsea kuhusu Refa Clattenburg
yamezishangaza Klabu za England na hata Mameneja wa Man United, Sir
Alex Ferguson, na Arsenal, Arsene Wenger, wamezungumza kutoamini kwao
tuhuma hizo na kutaka suala hilo kushughulikiwa vinginevyo.
Lakini Mwenyekiti Bruce Buck ameonyesha kukerwa na msimamo wa Klabu nyingine na kudai haikuwa haki wao kulaumiwa.
WAKATI HUO HUO, huku
kukiwa na minong’ono hatima ya Refa Mark Clattenburg itajulikana Wiki
hii, Refa huyu, ambae alisimama kufanya mazoezi na wenzake tangu
atuhumiwe kwenye Mechi hiyo Chelsea na Man United iliyochezwa Oktoba 28,
ameanza tena mazoezi ingawa Wiki hii pia hakupangiwa Mechi kama
ilivyofanyika kwa Wiki mbili sasa tangu atuhumiwe.
Messi ni MCHEZAJI BORA La Liga Msimu wa 2011/12!!
>>KWA WIKI hii: MESSI ndie Bora, Bayern Klabu Bora kufuatana na AP!!
>>CHICHARITO amfuatia Messi kwa Ubora wa Wiki!!
Fowadi
wa Barcelona Lionel Messi amechaguliwa kuwa ndie Mchezaji Bora wa LFP,
Liga de Fútbol Profesional, maarufu kama La Liga au Primera Division,
huko Spain na vile vile kujikita kileleni mwa Listi ya Ubora ya kila
Wiki Duniani inayotolewa na AP, Associated Press, ambalo ni Shirika la
Habari maarufu Duniani, ambalo pia limeichagua Bayern Munich kuwa Klabu
Bora ya Wiki Duniani huku Javier Hernandez ‘Chicharito’ akikamata nafasi
ya Pili.
Tuzo hiyo ya Messi toka kwa LFP
imetokana na kura za Wachezaji wenzake pamoja na Makocha wa Timu za
Madaraja mawili ya juu ya huko Spain.
+++++++++++++++++++++++++++
LISTI KAMILI ya TUZO za LFP:
-MCHEZAJI BORA: Lionel Messi [Barcelona]
-KIPA BORA: Iker Casillas [real Madrid]
-BEKI BORA: Sergio Ramos [Real Madrid]
-KIUNGO MKABAJI BORA: Xabi Alonso [Real Madrid]
-KIUNGO MSHAMBULIAJI BORA: Iniesta [Barcelona]
-KOCHA BORA: Pep Guardiola [Barcelona]
-KIPAJI cha MWAKA: Isco [Malaga]
-MCHEZAJI KIHAKI [Fair Play]: CARLES PUYOL [Barcelona]
+++++++++++++++++++++++++++
UTEUZI wa AP [Associated Press]
Associated Press, ambalo ni Shirika la
Habari maarufu Duniani, limetangaza uteuzi wa Wiki wa Mchezaji Bora
Duniani na Klabu Bora Duniani ambao wamepata Kura toka kwa Jopo la
Wanahabari Magwiji Duniani na kwa Mchezaji Bora Lionel Messi ndie
alietwaa na kwa Klabu ni Bayern Munich.
Messi amezoa Tuzo hii ya AP baada ya
juzi kuivunja Rekodi ya Pele ya kufunga Mabao 75 katika Mwaka mmoja yeye
alipopachika Bao 2 walipoifunga Real Mallorca Bao 4-2 kwenye La Liga.
Kwenye Kura hizo, nyuma ya Messi alikuwa
ni Javier Hernandez, ‘Chicharito’ wa Manchester United ambae
ametambuliwa kwa kuifungia Man United mabao muhimu Wiki iliyopita dhidi
ya Braga na Aston Villa.
Mchezaji alieshika nafasi ya 3 ni yule wa Juventus Fabio Quagliarella.
Katika upigaji Kura huo wa Jopo la Wanahabari, Messi alipata Pointi 139, Hernandez 98 na Quagliarella 67.
Nafasi ya 4 imeshikwa na Kipa wa Celtic,
Fraser Forster, baada ya kuonyesha Ushujaa mkubwa walipoifunga
Barcelona kwenye Mechi ya UEFA CHAMPIONZ LIGI.
Nafasi ya 5 ni Edinson Cavani (5th),
Franck Ribery, wa 6, Cristiano Ronaldo, nafasi ya 7 na Marouanne
Fellaini amepewa nafasi ya 8.
Kwa upande wa Klabu, Bayern Munich ndio
imeshinda uteuzi wa Klabu Bora ya Wiki kufuatia kuitwanga Lille 6-1
kwenye UEFA CHAMPIONZ LIGI na kuifunga Eintracht Frankfurt 2-0 kwenye
Bundesliga.
Juventus, ambao walichapwa 3-1 na Inter
Milan, waliibuka na kuwasha Bao 10 katika Mechi mbili kwa kuzifunga
Kllabu ya Denmark, Nordsjaelland, 4-0 kwenye UEFA CHAMPIONZ LIGI na
kuitwanga Pescara Bao 6 kwenye Serie A.
Manchester United wao wametwaa nafasi ya 3 na Celtic' nafasi ya 4.
UNITED NAYO YAINGIA KATIKA MBIO ZA KUMUWANIA ZAHA.
No comments:
Post a Comment