Tano Juma in Sports

VPL: Yanga yatoka nyuma 2-0, yashinda 3-2!

MATOKEO:

Jumamosi Oktoba 20

Yanga 3 Ruvu Shootings 2

Coastal Union 3 Mtibwa Sugar 1

++++++++++++++++++++++

Katika mfululizo wa Mechi za Ligi Kuu Vodacom zilizochezwa leo, Yanga, ikicheza Uwanja wa Taifa, Dar es Salaam ilijikuta iko nyuma kwa bao 2-0 ndani ya Dakika 9 za kwanza walipocheza na Ruvu Shooting lakini wakazinduka na kushinda bao 3-2.

Ruvu Shooting walipiga bao zao 2 kupitia Seif Abdallah katika Dakika ya 2 na ya 9.

Bao za Yanga zilifungwa na Mbuyu Twite, Dakika ya 20, Jerry Tegete, Dakika ya 35 na Didier Kavumbagu katika Dakika ya 65.

Katika Mechi nyingine ya VPL iliyochezwa huko Mkwakwani, Jijini Tanga, wenyeji Coastal Union waliifunga Mtibwa Sugar bao 3-1.

Ligi hiyo itaendelea tena Jumapili.

++++++++++++++++++++++++++

RATIBA:

Jumapili Oktoba 21

JKT Ruvu v JKT Oljoro [Azam Complex, Dar es Salaam]

Mgambo JKT v Simba [Mkwakwani, Tanga]

Tanzania Prisons v Toto Africans [Sokoine, Mbeya]

++++++++++++++++++++++++++

MSIMAMO VPL:

1 Simba Mechi 8 Pointi 18

2 Azam FC Mechi 7 Pointi 17

3 Yanga SC Mechi 8 Pointi 14

4 Coastal Mechi 8 Pointi 13

5 JKT Oljoro Mechi 8 Pointi 13

6 Kagera Mechi 8 Pointi 12

7 JKT Ruvu Mechi 8 Pointi 10

8 Prisons Mechi 7 Pointi 9

9 Ruvu Shooting Mechi 8 Pointi 9

10 JKT Mgambo Mechi 8 Pointi 9

11 Mtibwa Sugar Mechi 7 Pointi 8

12 Toto African Mechi 8 Pointi 7

13 African Lyon Mechi 8 Pointi 7

14 Polisi Moro Mechi 8 Pointi 2

Man United safi, Mtu 10 Man City poa, Liverpool yashinda!

>>’KINDA’ Rahim Sterling aipa ushindi Liverpool!

RATIBA/MATOKEO:

Jumamosi Oktoba 20

Fulham 1 Aston Villa 0

Liverpool 1Reading 0

Man United 4 Stoke 2

Swansea 2 Wigan 1

West Brom 1 Man City 2

West Ham 4 Southampton 1

[SAA 1 na Nusu Usiku]

Norwich v Arsenal

=============================

Man United 4 Stoke 2

Manchester United, wakicheza kwao Old Trafford, walitoka nyuma kwa bao 1-0 alilojifunga mwenyewe Wayne Rooney na kuichapa Stoke City kwa bao 4-2.

++++++++++++++++++++

MAGOLI:

Man United= 4 Rooney 27′, 65′ Van Persie 44′ Welbeck 46′ .

Stoke= 2 Rooney 11′ (Kajifunga mwenyewe) Kightly 58′ .

++++++++++++++++++++

Ushindi huu umeifanya Man United iendelee kukamata nafasi ya pili wakiwa na Pointi 18 na wapo nyuma ya vinara Chelsea kwa Pointi 4 huku Mechi inayofuata ni safari ya kwenda huko Stamford Bridge kupambana na Chelsea Wiki ijayo.

VIKOSI:

Man United: De Gea, Da Silva, Ferdinand, Evans, Evra, Valencia, Scholes, Carrick, Welbeck, van Persie, Rooney

Akiba: Lindegaard, Anderson, Giggs, Hernandez, Nani, Powell, Wootton.

Stoke: Begovic, Cameron, Huth, Shawcross, Wilson, Nzonzi, Whitehead, Walters, Adam, Kightly, Crouch

Akiba: Sorensen, Palacios, Jones, Owen, Upson, Etherington, Wilkinson.

Refa: Anthony Taylor

+++++++++++++++++++++++++++++++

Fulham 1 Aston Villa 0

Bao la Dakika ya 84 la Chris Baird limewapa Fulham ushindi wa bao 1-0 wakiwa nyumbani kwao Craven Cottage walipocheza na Aston Villa.

VIKOSI:

Fulham: Schwarzer, Riether, Hughes, Hangeland, Riise, Sidwell, Baird, Richardson, Rodallega, Berbatov, Petric

Akiba: Stockdale, Senderos, Kasami, Karagounis, Diarra, Dejagah, Kacaniklic.

Aston Villa: Guzan, Lowton, Vlaar, Baker, Bennett, Ireland, El Ahmadi, Delph, Holman, Bent, Agbonlahor

Akiba: Given, N'Zogbia, Albrighton, Benteke, Bannan, Weimann, Lichaj.

Refa: Chris Foy

+++++++++++++++++++++++++++++++

West Ham 4 Southampton 1

West ham leo wameichapa Southampton bao 4-1 kwa bao za Mark Noble, bao mbili,  Kevin Nolan na Modibo Maiga.

Bao pekee la Southampton lilifungwa na Adam Lallana.

VIKOSI:

West Ham: Jaaskelainen, Tomkins, Collins, Reid, McCartney, Noble, Diame, Benayoun, Nolan, Jarvis, Carroll

Akiba: Spiegel, Cole, Maiga, Spence, O'Neil, Chambers, Hall.

Southampton: Boruc, Clyne, Hooiveld, Fonte, Yoshida, Puncheon, Schneiderlin, Steven Davis, Lallana, Rodriguez, Do Prado

Akiba: Kelvin Davis, Lambert, Ward-Prowse, Mayuka, Seaborne, Chaplow, Reeves.

Refa: Neil Swarbrick

+++++++++++++++++++++++++++++++

Liverpool 1 Reading 0

Bao pekee la Kinda Raheem Sterling limewapa Liverpool ushindi wao wa kwanza Uwanjani kwao Anfield chini ya Meneja Brendan Rodgers.

VIKOSI:

Liverpool: Jones, Wisdom, Skrtel, Agger, Johnson, Gerrard, Allen, Sahin, Fernandez Saez, Suarez, Sterling

Akiba: Gulacsi, Jose Enrique, Assaidi, Henderson, Downing, Carragher, Shelvey.

Reading: McCarthy, Cummings, Gorkss, Mariappa, Shorey, Kebe, Guthrie, Leigertwood, Karacan, McAnuff, Pogrebnyak

Akiba: Stuart Taylor, Gunter, Pearce, Le Fondre, McCleary, Robson-Kanu, Roberts.

Refa: Roger East

+++++++++++++++++++++++++++++++

Swansea 2 Wigan 1

Wachezaji kutoka Spain, Pablo Hernandez na Miguel Michu, leo wamepiga bao na kuipa Swansea ushindi wa bao 2-     1 dhidi ya Wigan.

Bao la Wigan lilifungwa na Emmerson Boyce.

VIKOSI:

Swansea: Vorm, Rangel, Chico, Williams, Davies, Routledge, de Guzman, Ki, Britton, Hernandez, Michu

Akiba: Tremmel, Graham, Dyer, Monk, Shechter, Moore, Tiendalli.

Wigan: Al Habsi, Caldwell, Figueroa, Ramis, McCarthy, McArthur, Boyce, Beausejour, Kone, Maloney, Di Santo

Akiba: Pollitt, Jones, Watson, Gomez, McManaman, Boselli, Miyaichi.

Refa: Mike Jones

+++++++++++++++++++++++++++++++

West Brom 1 Man City 2

Dakika moja toka aingingizwe kutoka benchi Edin Dzeko aliwaokoa Mabingwa Manchester City, waliokuwa wakicheza Mtu 10 baada ya James Milner kupewa Kadi Nyekundu, kutoka kwenye kipigo kwa kusawazisha bao katika Dakika ya 80 na kufunga bao la pili na la ushindi katika Dakika ya 90.

++++++++++++++++++++

MAGOLI:

WBA= 1 Shane Long, 67

Man City= 2 Edin Dzeko 80 na 90

++++++++++++++++++++

Ushindi huu umewafanya Man City wabakie nafasi ya 3 kwenye Msimamo wa Ligi wakiwa na Pointi 18 sawa na Timu ya pili Man United ambayo imewazidi kwa ubora wa mabao na vinara bado ni Chelsea wenye Pointi 22.

VIKOSI:

West Brom: Foster, Ridgewell, Olsson, McAuley, Tamas, Yacob, Mulumbu, Dorrans, Morrison, Fortune, Long

Akiba: Luke Daniels, Popov, Rosenberg, Jara Reyes, Lukaku, Gera, Odemwingie.

Man City: Hart, Clichy, Lescott, Kompany, Richards, Milner, Barry, Nasri, Toure, Balotelli, Tevez

Akiba: Pantilimon, Zabaleta, Dzeko, Sinclair, Kolarov, Aguero, Toure.

Refa: Mark Clattenburg

+++++++++++++++++++++++++++++++

RATIBA

Jumapili Oktoba 21

[SAA 9 na Nusu Mchana]

Sunderland v Newcastle

[SAA 12 Jioni]

QPR v Everton

 

BPL: Chelsea yaidunda Spurs wazidi kupaa kileleni!

Chelsea leo wamepata ushindi wao wa kwanza Uwanja wa White Hart Lane tangu Mwaka 2005 walipoibonda Tottenham mabao 4-2 katika Mechi ya Ligi Kuu England iliyoanza mapema na ushindi huo umewafanya Chelsea waendelee kuongoza Ligi wakiwa na Pointi 22 kwa Mechi 8.

Chelsea ndio walitangulia kufunga bao katika Dakika ya 17 mfungaji akiwa Gary Cahill na bao hilo kudumu hadi mapumziko.

+++++++++++++++++++++++++++++++

MAGOLI:

Tottenham 2= Gallas 47′ Defoe 54′ .

Chelsea 4= Cahill 17′ Mata 66′, 69′ Sturridge 90′

+++++++++++++++++++++++++++++++

Kipindi cha Pili, Spurs walizinduka na kufunga bao mbili kupitia William Gallas na Jermain Defoe.

Hata hivyo, Chelsea waliendelea kutawala na Juan Mata akasawazisha na kupiga bao jingine na kuwafanya waongoze kwa bao 3-2 kabla Mchezaji alietoka benchi Daniel Sturridge kupiga bao la 4.

Haya ni matokeo ya kumvunja nguvu Meneja wa Tottenham manager Andre Villas-Boas ambae alikuwa kisimamia Mechi yake ya kwanza dhidi ya Chelsea ambayo ilimfukuza mwanzoni mwa Mwaka huu.

=============================

VIKOSI:

Tottenham: Friedel, Walker, Gallas, Caulker, Vertonghen, Huddlestone, Sandro, Lennon, Sigurdsson, Dempsey, Defoe

Akiba: Lloris, Adebayor, Naughton, Dawson, Falque, Livermore, Townsend.

Chelsea: Cech, Ivanovic, Luiz, Cahill, Cole, Ramires, Mikel, Oscar, Hazard, Mata, Torres

Akiba: Turnbull, Romeu, Lampard, Moses, Sturridge, Azpilicueta, Bertrand.

Refa: Mike Dean (Wirral)

=============================

>>LEO ni ‘ALMASI’ au ‘MAWINGA’??

Ingawa Sir Alex Ferguson ametoboa kuwa atakuwa akibadilisha Mifumo ya Uchezaji ya Timu yake ya Manchester United kutoka Fomesheni ya ‘Almasi’  na wakati mwingine kutumia Mfumo wenye Mawinga kama ilivyozoeleka kwa Kikosi chake lakini kwa ajili ya Mechi yao ya leo ya Ligi Kuu England itakayochezwa Uwanjani Old Trafford dhidi ya Stoke City, Meneja huyo amekataa kuthibitisha nini kitatumika.

Akichezesha Kikosi cha bila ya Mawinga, kwa kutumia Mfumo wa ‘Almasi’,  Wayne Rooney hurudishwa kwenye Kiungo na kucheza nyuma ya Mastraika Robin van Persie na Danny Welbeck mtindo ambao waliutumia walipoifumua Newcastle bao 3-0 kwenye Mechi yao ya mwisho ya Ligi.

Lakini kwa Mechi ya leo, na hasa baada kupona kwa Ashley Young, na pia kuwepo kwa Nani na Valencia, huenda Sir Alex akawatumia Wachezaji hao kucheza kwenye Wingi.

Sir Alex Ferguson amesema: “Ni ngumu kupanga Timu. Nadhani wakati mwingine Fomesheni ya Almasi inafanya kazi vizuri, wakati mwingine tunahitaji Mawinga. Tunaweza kucheza yeyote. Tony Pulis [Meneja wa Stoke City] atakuwa akijiuliza tutacheza Fomesheni ipi lakini pia naweza kutumia vyote, Almasi na Mawinga, na kuwa na Walinzi wawili tu!”

Hata hivyo Stoke City ni Timu ya kipekee kwenye Ligi Kuu inayotumia nguvu na mipira mirefu, hasa ya kurusha, wakimlenga ‘Ngongoti’ Peter Crouch lakini Sir Alex Ferguson amesema hilo watalidhibiti na haliwasumbii.

Amesisitiza: "Cheza mchezo wako huna haja ya kuogopa au kufikiria sana wao watacheza vipi. Tunajua watapata frikiki, tunajua watatumia mipira mirefu kuingiza ndani ya boksi letu na watatumia mipira mirefu kwa Peter Crouch."

Amemalizia: “Matayarisho ni rahisi tu. Tunajua kile watakachokifanya. Mara nyingine unacheza na Timu hujui watafanya nini. Dhidi ya Stoke tunajua kila kitu watakachofanya. Wacha tu tucheze gemu yetu wenyewe. Pengine hilo litafanya kazi vyema kwetu.”

 

Kiongozi FIFA ataka ‘Wabaguzi’ Serbia wafungiwe, Terry bado Kepteni Chelsea, Shabiki amtwanga Kipa Uwanjani!

Kufuatia vitendo vya Mashabiki wa Serbia vilivyokithiri vya Ubaguzi, Kiongozi wa juu wa FIFA ameitaka Nchi hiyo ifungiwe na huko Stamford Bridge, Chelsea imetamka John Terry atabaki kuwa Kepteni licha ya kusulubiwa kwa Ubaguzi wakati huko Uwanja wa Hillsborough Shabiki mmoja alivamia Uwanjani na kumpiga Kipa hadi akamwangusha chini.

UBAGUZI Serbia v England:  Makamu Rais FIFA, Jim Boyce, aitaka Serbia ifungiwe!

Makamu wa Rais wa FIFA, Jim Boyce, ameitaka UEFA ifikirie kuifungia Serbia katika Mashindano yajayo kufuatia tuhuma za Ubaguzi wa Washabiki wao zilizotokea kwenye Mechi ya kuwania kuingia Fainali za EURO 2013 kwa Vijana wa Chini ya Miaka 21 iliyochezwa huko Nchini Serbia Jumanne iliyopita na England kufuzu kwenda Fainali baada ya kushinda Mechi zote mbili kwa bao 1-0 kila moja.

Tayari UEFA imeshaifungulia Serbia Mashitaka ya Ubaguzi na pia kushindwa kudhibiti Wachezaji wake kosa ambalo pia FA ya England imeshitakiwa.

Kuhusu shutuma za Ubaguzi, Jim Boyce, ametamka: “Lazima hatua kali zichukuliwe dhidi ya FA ya Serbia! Wafungiwe Viwanja vyao na pia uangaliwe uwezekano wa kutowashirikisha Mashindano yajayo.”

Boyce pia alidai vitendo vya Ubaguzi vya Serbia si mara ya kwanza na inabidi hatua kali zichukuliwe kuvikomesha.

Terry abakishwa Kepteni Chelsea

Licha ya kusulubiwa kwa Ubaguzi na FA pamoja na Klabu yake mwenyewe, Nahodha wa Chelsea, John Terry, ataendelea kubaki kama Kepteni wa Timu hiyo kufuatia uamuzi huo kuthibitishwa na Mwenyekiti wa Klabu hiyo, Bruce Buck.

Terry amefungiwa na FA Mechi 4 na pia kupigwa Faini Pauni 220,000 na pia Chelsea imethibitisha kumpiga ‘Faini kubwa.’ kwa kosa la kumkashifu Kibaguzi Beki wa QPR Anton Ferdinand kwenye Mechi iliyochezwa Loftus Road hapo Oktoba 23, 2011.

Kipa Chris Kirkland apigwa Uwanjani na Shabiki wa Leeds!

Kipa wa Sheffield Wednesday Chris Kirkland hapo jana alivamiwa Uwanjani wakati wa Mechi ya Timu yake na Leeds United na kushambuliwa na Shabiki wa Leeds kwa nguvu kubwa na kumfanya aanguke chini na kuhitaji matibabu.

Hata hivyo, Kipa huyo wa zamani wa Liverpool mwenye Miaka 31, na ambae pia aliwahi kuichezea England Mechi moja, aliweza kuendelea na kumaliza Mechi hiyo iliyokwisha matokeo yakiwa 1-1.

Akiongelea tukio hilo, Meneja wa Sheffield Wednesday, Dave Jones, alisema: “Hawa ni kama Wanyama. Wapigwe marufuku kwenye Viwanja vyote vya ugenini ikiwa tabia yao ni hii!”

Kwenye Mechi hiyo waliyocheza ugenini, Leeds ilikuwa na Mashabiki 5,300 kati 28,582 waliokuwepo Uwanjani.

Mara baada ya Mechi hiyo Klabu ya Leeds iliomba radhi kwa tukio hilo na kusema itashirikiana na Polisi ili kumtambua Shabiki huyo.