NGASSA AAHIDI MAMBO YA HATARI SIMBA SC
 |
| Mrisho Ngassa; Nipeni muda muone mambo ya hatari |
KIUNGO
Mrisho Khalfan Ngassa, amesema kwamba bado anaizoea taratibu staili ya
uchezaji ya timu yake mpya, Simba SC na nafasi mpya anayopangwa kwa sasa
na anaamini hadi Januari mwakani atakuwa ameizoea na kufanya ‘mambo ya
hatari’.
Akizungumza jana,
Ngassa alisema kwamba Simba wanacheza mfumo tofauti na ambao ulikuwa
unatumiwa na timu yake ya zamani, Azam FC hivyo anaendelea kujifunza na
kuizoea.
“Mchezaji
unapoingia timu mpya, kawaida unakutana na mambo mengi mapya, inabidi
sana ujifunze na kuzoea. Unacheza na watu wapya, ambao inabidi ujifunze
namna ya kucheza nao na kuzoeana nao,”alisema Ngassa.
Ngassa
alisema angalau anekutana na wachezaji ambao anacheza nao timu ya
taifa, lakini safu ya ushambuliaji ya Simba inaundwa na wachezaji wengi
wa kigeni kama Emmanuel Okwi, Daniel Akuffo na Felix Sunzu.
“Inabidi
sana nijifunze taratibu, hata hivyo najisifu kwamba naendelea vizuri na
hadi kufika Januari hivi, nitakuwa nimekwishazoea na kufanya mambo ya
hatari,”alisema Ngassa na kusistiza hajashuka kiwango, ni mazingira
mapya tu.
Ngassa
juzi alifunga bao lake la tatu tangu ajiunge na Simba Agosti mwaka huu,
akitokea Azam FC wakati Simba ikilazimishwa sare ya kufungana mabao 2-2
na Kagera kwenye Uwanja wa Taifa, Dar es Salaam, hiyo ikiwa sare ya
pili mfululizo kwa Wekundu hao wa Msimbazi, baada ya Jumamosi pia
kulazimishwa sare ya bila kufungana na Coastal Union mjini Tanga.
Kwa
matokeo hayo, Simba imefikisha pointi 18 na kuendelea kuongoza Ligi
Kuu, kutokana na Azam FC kulazimishwa sare ya bila kufungana na Prisons
kwenye Uwanja wa Sokoine mjini Mbeya.
Hadi
mapumziko, Simba SC walikuwa mbele kwa bao 1-0, lililotiwa kimiani na
mshambuliaji wa kimataifa wa Zambia, Felix Mumba Sunzu Jr. dakika ya
nane, akiunganisha kwa kichwa krosi ya Nassor Masoud ‘Chollo’ kutoka
wingi ya kulia.
Kwa
ujumla kipindi cha kwanza timu zote zilishambuliana kwa zamu, ingawa ni
Simba walioonekana kufanya mashambulizi ‘yenye akili’ zaidi.
Kipindi
cha pili Simba ilirudi na moto tena na katika dakika ya 51, Mrisho
Khalfan Ngassa aliifungia timu hiyo bao la pili kwa shuti kali
lililowababatiza mabeki wa timu hiyo na kutinga nyavuni.
Baada
ya hapo, Kagera walizinduka na kuanza kulishambulia lango la Simba
kupitia pembeni na katika dakika ya 64 Themi Felix aliunganisha kwa
kichwa krosi ya George Kavilla na kuifungia Kagera bao la kwanza.
Bao
liliwazindua Kagera, ambao waliongeza kasi ya kulishambulia lango la
Simba na katika dakika ya 66, Juma Nyosso alimkwatua kwenye eneo la
hatari Paul Ngwai na Salum Kanoni akaenda kumtungua Juma Kaseja,
akiisawazishia Kagera.
Baada ya hapo timu zilianza kushambuliana kwa zamu na mpira ulinoga zaidi kutokana na mashambulizi ya pande zote mbili.
AZAM WAPO CHAMAZI TANGU JANA USIKU TAYARI KWA KIPUTE NA JKT RUVU JUMAPILI
 |
| Kikosi cha Azam |
AZAM FC imerejea Dar es Salaam jana majira ya saa 1:00
ikitokea Mbeya, ambako juzi ililazimishwa sare ya bila kufungana na Prisons
kwenye Uwanja wa Sokoine, katika mfululizo wa Ligi Kuu ya Vodacom Tanzania
Bara.
Azam sasa wanaingia kambini kujiandaa na mchezo wao ujao,
Jumapili dhidi ya JKT Ruvu kwenye Uwanja wa Chamazi, maarufu kama Azam Complex,
Dar es Salaam.
Pamoja na sare hiyo, Azam wamelalamikia uchezeshaji mbaya wa
marefa wa mechi hiyo, kwamba uliwapokonya ushindi.
Azam FC wanadai refa alikataa mabao yao mawili yaliyofungwa na
Abdi Kassim ‘Babbi’ na penalti ya wazi, baada ya kiungo Salum Abubakar ‘Sure
Boy Jr.’ kuangushwa kwenye eneo la hatari
Wanadai bao la kwanza, refa alilolikataa ulikuwa ni mkwaju wa
mbali wa Abdi Kassim ambao ulitinga nyavuni, kabla ya kurudi uwanjani na refa
licha ya kuona kuwa lilikuwa ni bao halali, bado akaamua kukataa
Wanadai baadaye, Sure Boy alifanyiwa madhambi kwenye eneo la hatari
na kwa mshangao wa wengi, wakiwemo viongozi na wachezaji wa Prisons ambao
walishashika vichwa, refa akapeta na mpira kuendelea
Zikiwa zimesalia dakika chache kabla ya mpira kumalizika,
Azam FC wanadai walipata adhabu ndogo na Abdi Kassim aliupiga mpira ule na
kutinga nyavuni, lakini kwa mara nyingine tena refa akakataa bao kwa madai kuwa
kabla ya kufunga, Babbi alikuwa ameotea.
Baada ya ‘kufanyiwa dhuluma’ hiyo, Azam wanaendelea kushika
nafasi ya pili kwenye msimamo wa Ligi Kuu, wakiwa wana pointi 17, baada ya
kucheza mechi sana, wakati mabingwa watetezi, Simba SC wapo kileleni kwa pointi
zao 18 na wamecheza mechi nane.
BAHANUZI, YONDAN HAWAPO KESHO YANGA NA RUVU
 |
| Bahanuzi |
BEKI Kevin
Yondan na mshambuliaji Said Bahanuzi wataendelea kuwa nje ya Uwanja mwishoni
mwa wiki, wakati timu yao, Yanga SC itakapokuwa ikiwania pointi tatu katika
mfululizo wa Ligi Kuu ya Vodacom Tanzania Bara, kutokana na hali zao
kutoimarika.
Wawili hao
ambao ni majeruhi, wapo kwenye programu ya mazoezi mepesi na hadi jana hakuna
mmoja kati yao aliyekuwa tayari kuanza programu kamili ya mazoezi ya kocha
Mholanzi, Ernie Brandts.
Maana yake,
Mbuyu Twite ataendelea kucheza pamoja na Nadir Haroub ‘Cannavaro’ katika beki
ya kati, wakati Jerry Tegete ataendelea kucheza na Didier Kavumbangu katika
safu ya ushambuliaji.
‘Dogo’ Simon
Msuva amemaliza adhabu ya kadi nyekundu aliyopewa Oktoba 3, mwaka huu katika
mechi dhidi ya Simba na Hamisi Kiiza amerejea kutoka Uganda, alipokwenda
kuichezea timu yake ya taifa, The Cranes katika mchezo wa marudiano wa kuwania
tiketi ya kucheza Fainali za Kombe la Mataifa ya Afrika mwakani nchini Afrika
Kusini.
Uganda ilitolewa na Zambia kwa mikwaju ya penalti baada ya
sare ya jumla ya 1-1, Zambia wakianza kushinda nyumbani 1-0 na Uganda
wakashinda kwao 1-0 pia mwishoni mwa wiki, hivyo mchezo kuhamia kwenye mikwaju
ya penalti, ambako timu ya Kiiza ilitolewa.
Yanga imeweka kambi katika hoteli ya Uplands, Changanyikeni, Dar
es Salaam huku ikiendelea kufanya mazoezi kwenye Uwanja wa shule ya sekondari
ya Loyola, Mabibo, Dar es Salaam.
Beki Kevin Yondan aliyeumizwa na kiungo wa Simba, Haruna
Moshi ‘Boban’ katika mechi baina ya wapinzani hao wa jadi, Oktoba 3, mwaka huu,
wakati Bahanuzi ‘Spider
Man’ alichanika nyama za paja la mguu wa kulia katika mechi ya Ligi Kuu ya
Vodacom Tanzania Bara dhidi ya Kagera Sugar kwenye Uwanja wa Kaitaba, Bukoba Oktoba
8, mwaka huu.
Bahanuzi
aliumia dakika ya 23, baada ya kugongana na beki Benjamin Effe wa Kagera Sugar
na kushindwa kuendelea na mchezo, nafasi yake ikichukuliwa na Jerry Tegete
katika mechi ambayo Yanga ililala 1-0, beo pekee la Themi Felix.
Bahanuzi
ndiye tegemeo la mabao la Yanga kwa sasa, kwani tangu ajiunge na timu hiyo
akitokea Mtibwa Sugar msimu huu, ameifungia mabao 12 katika mechi 13, ikiwemo
ile dhidi ya Kagera aliyocheza kwa dakika 23 kabla ya kuumia na kutoka.
Yanga kwa
sasa inashika nafasi ya tatu kwenye msimamo wa Ligi Kuu kwa pointi zake 11,
baada ya kucheza saba, kushinda tatu, sare mbili na kufungwa mbili.
Simba
iliyocheza mechi nane, inaongoza ligi hiyo kwa pointi zake 18, ikifuatiwa na
Azam FC yenye pointi 17, iliyocheza mechi saba.VPL: Wikiendi Taifa ni Yanga v Ruvu Shooting, Simba v Mgambo Tanga!
LIGI
KUU VODACOM itanguruma tena Wikiendi hii na Jumamosi Vigogo Yanga,
ambao sasa wameafikiana na Wadhamini VODACOM kuhusu Nembo kwenye Jezi
zao, wapo nyumbani Uwanja wa Taifa, Dar es Saalam kucheza na Ruvu
Shooting na Mahasimu wao Simba watacheza ugenini Jumapili huko Mkwakwani
na Timu ‘íliyofufuka’ kwa kushinda Mechi 3 mfululizo, Mgambo JKT.
>>BONGO, KENYA-Sisi Sote ni Ndugu wapyaaa!
>>SIMBA v KAGERA: Watazamaji 9,842 watengeneza Milioni 58!!
RATIBA:
Jumamosi Oktoba 20
Yanga v Ruvu Shootings
Coastal Union v Mtibwa Sugar [Mkwakwani, Tanga]
Jumapili Oktoba 21
JKT Ruvu v JKT Oljoro [Azam Complex, Dar es Salaam]
Mgambo JKT v Simba [Mkwakwani, Tanga]
Tanzania Prisons v Toto Africans [Sokoine, Mbeya]
++++++++++++++++++++++++++
Wakati huo huo, Shirikisho la Soka
Tanzania, TFF, na Shirikisho la Soka Kenya,FKF, wamefikia makubaliano ya
kushirikiana katika maeneo mbalimbali kwa lengo la kuinua kiwango cha
mpira wa miguu katika nchi hizo.
TAARIFA YA TFF:
Release No. 171
TAARIFA KWA VYOMBO VYA HABARI
Oktoba 18, 2012
TFF, FKF ZAANZISHA USHIRIKIANO MPYA
Shirikisho la Mpira wa Miguu Tanzania
(TFF) na Shirikisho la Mpira wa Miguu Kenya (FKF) wamefikia makubaliano
ya kushirikiana katika maeneo mbalimbali kwa lengo la kuinua kiwango cha
mpira wa miguu katika nchi hizo.
Akizungumza baada ya mkutano
uliowakutanisha vinara wa mashirikisho hayo Dar es Salaam jana, Rais wa
TFF, Leodegar Tenga amesema wameamua kurejesha uhusiano huo uliokuwepo
zamani baada ya kuwepo utulivu katika uendeshaji mpira wa miguu nchini
Kenya.
Amesema maeneo ya ushirikiano ambayo
wameagiza yafanyiwe kazi na sekretarieti za pande zote (TFF na KFF) ili
baadaye yaingizwe katika Hati ya Makubaliano (MoU) ni mafunzo, waamuzi,
mechi za timu za Taifa za wakubwa, vijana na wanawake, na Ligi Kuu.
Rais Tenga pia amesema wameamua kuwepo
ziara za mafunzo (study tours) katika maeneo mbalimbali ambapo kwa Kenya
wao Ligi Kuu yao iliingia katika mfumo wa kampuni mapema, hivyo itakuwa
fursa nzuri kwa Bodi ya Ligi Kuu ambayo iko kwenye mchakato wa
kuanzishwa kupata uzoefu kwa wenzao wa Kenya.
Naye Rais wa FKF, Sam Nyamweya
aliyefuatana na Makamu wake wa Rais, Robert Asembo amesema ushirikiano
kati ya Tanzania na Kenya ni wa kihistoria, hivyo wameamua kuuanzisha
upya kwa faida ya nchi hizo.
Amesema hivi karibuni FKF ilichukua
waamuzi kutoka Tanzania waliochezesha mechi ya kirafiki kati ya Kenya
(Harambee Stars) na Afrika Kusini (Bafana Bafana), hivyo wameamua
kubadilishana waamuzi kwa lengo la kuwaongezea uzoefu.
“Waamuzi wa Tanzania walichezesha vizuri
mechi ile. Unajua kwetu kuna upinzani mkubwa katika klabu kama AFC
Leopards na Gor Mahia, ukipanga refa utasikia wengine wanalalamika, mara
huyo ni Mjaluo. Hata akichezesha vizuri bado watalalamika tu kutokana
na upinzani uliopo katika klabu hizo,” amesema.
Rais Nyamweya ameongeza kuwa ili kuondoa
malalamiko katika mechi za aina hiyo wanaweza kuchukua waamuzi kutoka
Tanzania, na vilevile waamuzi kutoka Kenya wakachezesha mechi za aina
hiyo nchini Tanzania.
Amesema vilevile wamepanga kuangalia
uwezekano wa kuwa na mechi za kuandaa timu kabla ya kuanza Ligi Kuu za
nchi hizo ambapo washindi watatu au wanne wa kwanza katika ligi hizo
kushindana.
Kwa upande wa mafunzo, wamekubaliana
kuwa kwa vile kila nchi ina wakufunzi wanaotambuliwa na Shirikisho la
Kimataifa la Mpira wa Miguu (FIFA) na la Afrika (CAF) watawatumia
kuandaa mafunzo ya mara kwa mara kwa waamuzi, makocha, madaktari wa tiba
ya michezo na viongozi badala ya kusubiri mafunzo ya aina hiyo kutoka
kwa mashirikisho hayo ya kimataifa.
PAMBANO LA SIMBA, KAGERA SUGAR LAINGIZA MIL 58/-
Pambano la Ligi Kuu ya Vodacom kati ya
Simba na Kagera Sugar lililochezwa jana (Oktoba 17 mwaka huu) Uwanja wa
Taifa, Dar es Salaam na kumalizika kwa sare ya mabao 2-2 limeingiza sh.
58,505,000.
Watazamaji 9,842 walikata tiketi
kushuhudia mechi hiyo iliyochezwa kwa viingilio vya sh. 5,000, sh.
8,000, sh. 15,000, na sh. 20,000 huku kila klabu ikipata mgawo wa sh.
11,013,785.54 wakati Kodi ya Ongezeko la Thamani (VAT) iliyolipwa ni sh.
8,924,491.53.
Mgawo mwingine wa mapato hayo ni posho
ya msimamizi wa kituo sh. 120,000, kamishna wa mechi sh. 250,000,
waamuzi sh. 440,000, mtathimini wa waamuzi sh. 254,000, mwamuzi wa akiba
sh. 70,000, usafi na ulinzi wa uwanja sh. 2,350,000 na Wachina (stadium
technical support) sh. 2,000,000.
Umeme sh. 300,000, maandalizi ya uwanja
(pitch preparation) sh. 400,000, ulinzi wa mechi sh. 3,500,000 wakati
tiketi ni sh. 3,183,890. Gharama za mchezo sh. 3,671,261.85, uwanja sh.
3,671,261.85, Kamati ya Ligi sh. 3,671,261.85, Mfuko wa Maendeleo ya
Mpira wa Miguu (FDF) sh. 2,202,757.11 na Chama cha Mpira wa Miguu Mkoa
wa Dar es Salaam (DRFA) sh. 1,468,504.74.
Boniface Wambura
Ofisa Habari
Shirikisho la Mpira wa Miguu Tanzania (TFF)
++++++++++++++++++++++++++
MSIMAMO VPL:
1 Simba Mechi 8 Pointi 18
2 Azam FC Mechi 7 Pointi 17
3 JKT Oljoro Mechi 8 Pointi 13
4 Kagera Mechi 8 Pointi 12
5 Yanga SC Mechi 7 Pointi 11
6 Coastal Mechi 7 Pointi 10
7 JKT Ruvu Mechi 8 Pointi 10
8 Prisons Mechi 7 Pointi 9
9 Ruvu Shooting Mechi 7 Pointi 9
10 JKT Mgambo Mechi 8 Pointi 9
11 Mtibwa Sugar Mechi 6 Pointi 8
12 Toto African Mechi 8 Pointi 7
13 African Lyon Mechi 8 Pointi 7
14 Polisi Moro Mechi 8 Pointi 2
LIGI za ULAYA: Zarudi tena kilingeni!
>>LA LIGA, SERIE A & BUNDESLIGA ni moto Wikiendi!!
Kufuatia ‘vakesheni’ ya Wiki mbili ya
Ligi huko Barani Ulaya kupisha Mechi za Kimataifa kwa mujibu wa Kalenda
ya FIFA, Ligi Vigogo, zile za La Liga, Serie A na Bundesliga, zitarudi
tena kilingeni Wikiendi hii na Bundesliga itakuwa ya kwanza dimbani kwa
Mechi pekee ya Ijumaa Oktoba 19 kati ya TSG Hoffenheim na SpVgg Greuther
Fürth ndani ya Rhein-Neckar-Arena.
ZIFUATAZO ni RATIBA na MISIMAMO ya Ligi hizo:
LA LIGA
[Kwenye Mabano Jina la Uwanja]
Jumamosi Oktoba 20
Málaga v Valladolid [Estadio La Rosaleda]
Real Madrid v Celta Vigo [Estadio Santiago Bernabéu]
Valencia v Athletic Bilbao [Estadio Mestalla]
Deportivo La Coruña v Barcelona [Estadio Riazor]
Jumapili Oktoba 21
Getafe v Levante [Coliseum Alfonso Perez]
Espanyol v Rayo Vallecano [Cornellà - El Prat]
Granada v Real Zaragoza [Estadio Los Cármenes]
Osasuna v Real Betis [Estadio El Sadar]
Real Sociedad v Atlético Madrid [Estadio Anoeta]
Monday, October 22, 2012
Sevilla FC v Mallorca [Estadio Ramon Sanchez Pizjuan]
================================
MSIMAMO:
[Timu za juu tu]
[Kila Timu imecheza Mechi 7]
1 Barcelona Pointi 19
2 Atletico Madrid 19
3 Malaga 14
4 Real Betis 12
5 Real Madrid 11
6 Real Mallorca 11
7 Sevilla 11
8 Real Valladoid 10
9 Getafe 10
10 Rayo Vallecano 10
================================
SERIE A
[Kwenye Mabano Jina la Uwanja]
Jumamosi Oktoba 20
Juventus v Napoli [Juventus Stadium]
Lazio v AC Milan [Stadio Olimpico]
Jumapili Oktoba 21
Cagliari v Bologna [Sant'Elia]
Atalanta v Siena [Atleti Azzurri d'Italia]
Chievo Verona v Fiorentina [Bentegodi]
Inter Milan v Catania [Stadio Giuseppe Meazza]
Palermo v Torino [Renzo Barbera]
Parma v Sampdoria [Ennio Tardini]
Udinese v US Pescara [Stadio Friuli]
Genoa v AS Roma [Luigi Ferraris]
MSIMAMO:
[Timu za juu tu]
[Kila Timu imecheza Mechi 7]
1 Juventus Pointi 19
2 Napoli 19
3 Lazio 15
4 Inter Milan 15
5 AS Roma 11
6 Fiorentina 11
7 Catania 11
8 Sampdoria 10 [Wamekatwa Pointi 1]
9 Genoa 9
10 Torino 8 [Wamekatwa Pointi 1]
11 AC Milan 7
================================
BUNDESLIGA
[Kwenye Mabano Jina la Uwanja]
Ijumaa Oktoba 19
TSG Hoffenheim v SpVgg Greuther Fürth [Rhein-Neckar-Arena]
Jumapili Oktoba 20
Bayer Leverkusen v Mainz [BayArena]
Borussia Dortmund v Schalke 04 [Signal-Iduna-Park]
Eintracht Frankfurt v Hannover 96 [Commerzbank-Arena]
Fortuna Düsseldorf v Bayern Munich [LTU Arena]
VfL Wolfsburg v SC Freiburg [Volkswagen Arena]
Werder Bremen v Borussia Monchengladbach [Weserstadion]
Jumapili Oktoba 21
Nurnberg v FC Augsburg [EasyCredit-Stadion]
Hamburg SV v VfB Stuttgart [HSH Nordbank Arena]
=================================
MSIMAMO:
[Timu za juu tu]
[Kila Timu imecheza Mechi 7]
1 Bayern Munich Pointi 21
2 Eintracht Frankfurt 16
3 Schalke 14
4 Borussia Dortmund 12
5 Hannover 11
6 Bayer Leverkusen 11
7 Fortuna Dusseldorf 10
8 Hamburger 10
9 Mainz 10
10 Borussia Dortmund 9
=================================
CAF CHAMPIONZ LIGI: Nani Fainali kujulikana Wikiendi hii!!
>>SAMATTA: Ataibeba Mazembe ugenini kuwafurahisha Wabongo?
NUSU FAINALI:
[MARUDIANO]
[SAA za BONGO]
Jumamosi Oktoba 20
22:30 Espérance Sportive de Tunis v TP Mazembe [Stade El Menzah]
Jumapili Oktoba 21
20:30 Al Ahly v Sunshine Stars [Cairo International Stadium]
++++++++++++++++++++++++++++++++++++++++++
Baada ya sare katika
Mechi zote mbili za kwanza za Nusu Fainali za kusaka Klabu Bingwa
Afrika, CAF CHAMPIONZ LIGI, Mabingwa watetezi Eseperance ya Tunisia na
Vigogo Al Ahly wote wako nyumbani huku macho, masikio na dua za
Watanzania wengi zikimwombea mwenzao Straika shupavu Mbwana Ally Samatta
apate mafanikio kwa kuivusha Klabu yake Tout Poissant Mazembe ya Congo
DR ugenini watakaporudiana na Esperance.
Wiki mbili
zilizopita, TP Mazembe ikicheza nyumbani Lubumbashi ilitoka 0-0 na
Esperance na safari hii huko Tunisia hamna budi ila magoli yapatikane
ili kupata Mshindi atakaesonga Fainali.
Mazembe, ambao
tegemezi lao ni Straika Samatta na Mputu, wataingia kwenye Mechi hii
bila Stoppila Sunzu ambae ana Kadi na huenda wakawakosa majeruhi
Rainford Kalaba na Hichani Himonde, wote wanatoka Zambia.
Tegemezi kubwa kwa
Esperance ni Straika wa Ghana Harrison Afful, ambae Msimu uliopita ndie
aliwapa Ubingwa kwa kufunga bao la ushindi kwenye Fainali, na Youssef
Msakni.
Katika Mechi nyingine
itakayochezwa bila ya Watazamaji huko Cairo, Misri, Al Ahly watakuwa
nyumbani kuwakaribisha Sunshine Stars ambayo walitoka nayo sare ya bao
3-3 huko Ijebu Ode, Nigeria.
NUSU FAINALI:
MATOKEO:
Jumamosi Oktoba 6
Sunshine Stars [Nigeria] 3 Al Ahly [Egypt] 3
Jumapili Oktoba 7
TP Mazembe [Congo, DR] 0 Espérance Sportive de Tunis [Tunisia] 0
NAE Cole apigwa Faini…..SPAIN: Copa del Rey, Barca, Real kukutana Nusu Fainali??
Huko
England, mara baada ya Nahodha wa Chelsea John Terry kunyoosha mikono
juu na kukubali adhabu yake aliyopewa na FA ya kufungiwa Mechi 4 na
Faini Pauni 220,000 huku akiomba radhi, mwenzake wa Chelsea Ashley Cole
amepigwa Faini na FA ya Pauni 90,000 kwa kuikashifu kwenye Twitter
wakati pia Klabu ya Chelsea imetangaza ‘kumshikisha adabu’ Terry kwa
siri na huko Spain Droo ya Copa del Rey imefanywa na upo uwezekano kwa
Mahasimu wakubwa, Real Madrid na Barcelona, kukutana Nusu Fainali.
>>KISIRISIRI: Chelsea yatangaza ‘kumshikisha adabu’ Terry kwa Ubaguzi!
>>‘KICK IT OUT’ yapinga Chelsea kumwadhibu kwa siri Terry!!
Chelsea na ‘Wabaguzi!’
Beki wa Chelsea na England, Ashley Cole,
leo amepigwa Faini ya Pauni 90,000 na FA, Chama cha Soka England, kwa
kosa la kutoa maneno yenye kashfa dhidi ya FA kwenye mtandao wa Twitter.
Cole, ambae alikubali makosa na kuomba
radhi mara baada ya kushitakiwa, alitoa maneno hayo mara baada ya FA
kumpata na kosa John Terry na kumwadhibu huku wakiuita ushahidi wa
Ashley Cole kwenye Kesi hiyo kuwa hauaminiki na kuwapanga, kitu ambacho
kilimwudhi Cole.
Wakati huo huo, Klabu ya Chelsea ambayo
imekuwa ikilaumiwa na Wadau wanaopigania usawa kwenye Soka, Kundi la
‘Kick It Out’, ambalo hutaka ubaguzi utokomee kwenye Soka, imetangaza
kuwa mara baada ya John Terry kuamua kutokata Rufaa kupinga adhabu yake,
imemwadhibu Terry kwa ubaguzi lakini haiwezi kutangaza adhabu hiyo kwa
vile ndio Msimamo wa Klabu yao kutotangaza adhabu za ndani ya Klabu.
Lakini Msimamo huu wa Chlesea umepingwa
na Mwenyekiti wa ‘Kick It Out’, Lord Herman Ouseley, ambae amesema
unaibomoa Chelsea na kuifanya ionekane si wa wazi kwenye Ubaguzi.
DROO ya COPA del REY
Huko Spain, FC Barcelona, Mabingwa
watetezi wa Kombe la Mfalme, Copa del Rey, wamepangwa kukutana na Timu
ya Daraja la chini Alaves kwenye Raundi ya Mtoano ya Timu 32 kwenye Drro
iliyofanyika leo ambayo pia imepanga Mechi zote hadi hatua ya Nusu
Fainali.
Timu nyingine ya Daraja la chini
liitwalo Segunda B, Alcoyano, imepangwa kucheza na Mabingwa wa La Liga,
Real Madrid, kwenye Raundi ya Mtoano ya Timu 32.
Wapinzani wa Barcelona, Alaves,
wanakumbukwa sana pale kwenye Msimu wa Mwaka 2000/01 walipocheza vizuri
na kufika Fainali ya UEFA CUP walipotolewa na Liverpool kwa Bao 5-4
katika Mechi iliyoamuliwa kwa ‘Goli la Dhahabu’ katika muda wa nyongeza.
Katika Droo hiyo ya leo, upo uwezekano
kwa Mahasimu, Barcelona na Real Madrid, kukutana kwenye hatua ya Nusu
Fainali ikiwa watashinda Mechi zao.
Msimu uliopita, Barca iliibwaga Real kwenye Robo Fainali ya Copa del Rey kwa jumla ya bao 4-3 katika Mechi mbili.
Mechi za Raundi ya Mtoano ya Timu 32 zinatakiwa kuchezwa Oktoba 31 na marudiano ni Novemba 28.
TERRY ASALIMU AMRI, akubali Kifungo Mechi 4, aomba Radhi!!
>>KUZIKOSA Spurs, Man United mara mbili na Swansea!
Hatimae
Nahodha wa Chelsea John Terry ameamua kutokata Rufaa kupinga Adhabu
yake ya kufungiwa Mechi 4 na Faini ya Pauni 220,000 baada ya kupatikana
na hatia na FA, Chama cha Soka England, ya kumkashifu kibaguzi Beki wa
QPR Anton Ferdinand.
Uamuzi huu wa Terry, ambao umekuja
katika Siku ya mwisho ya yeye kutakiwa akubali au apinge adhabu yake,
unamaanisha atazikosa Mechi za Klabu yake Chelsea za Ligi Kuu England
dhidi ya Tottenham, Manchester United na Swansea City na pia Mechi ya
CAPITAL ONE CUP dhidi ya Man United.
Tukio lililomsulubu Terry lilitokea
Oktoba 23 Mwaka jana huko Uwanja wa Loftus Road kwenye Mechi ya Ligi
ambayo QPR iliifunga Chelsea bao 1-0.
Baada ya hapo Kesi hiyo ilitinga
Mahakamani baada ya Shabiki mmoja kupeleka malalamiko Polisi lakini
Mwezi Julai Mahakama ya Westminster ilimwachia huru na hapo ndipo FA
ikaamuru Jopo lake Huru la Nidhamu lisikilize Kesi hiyo na ndipo ikamtia
hatiani baada ya kutoukubali utetezi wake.
Akikubali adhabu yake, Terry Miaka 31, amesema: “Naomba nichukue nafasi hii kuomba radhi kwa kila mtu kwa lugha niliyotumia.”
Pia aliongeza: “Ingawa nimehuzunishwa na
hukumu ya FA, ninakubali kuwa lugha niliyotumia, ukiachilia mbali
mazingira yake, haikubaliki kwenye Uwanja wa mpira au popote pale
maishani. Kama nilivyosema Mahakamani, ningekuwa najua nini kitatokea,
lugha niliyotumia ni wazi haikufaa kwa Mtu wa nafasi kama yangu. Uamuzi
uko chini ya kile Klabu ya Chelsea inataka na kwangu pia na hili
halitarudiwa tena.’’
Hadi sasa Klabu ya Chelsea haijatoa
tamko itamchukulia hatua gani Terry mbali ya kusema inasubiri uamuzi wa
Terry kama atakata Rufaa au la.
No comments:
Post a Comment