MOURINHO AANZA 'MATUSI' CHELSEA, ADONDOSHA KIFAA CHA KWANZA DARAJANI KUTOKA UJERUMANI, KINAPIGA MASHUTI BALAA!

KLABU ya Chelsea imekamilisha usajili wa winga wa kimataifa wa Ujerumani, Andre Schurrle kutoka Bayer Leverkusen kwa dau la Pauni Milioni 18, huu ukiwa ni usajili wa kwanza chini ya kocha mpya, Jose Mourinho.

Kinda wa miaka 22 amesaini Mkataba wa miaka mitano na atakuwa anavaa jezi namba 14 Stamford Bridge.

"Nina furaha mno sasa nimesaini na ni heshima kwangu kuchezea klabu hii, kwa timu hii na mashabiki hawa wakubwa," alisema Schurrle. 

Andre Schurrle amesaini miaka mitano na kupewa jezi namba 14

 

Schurrle, ambaye anaweza kucheza kama mshambuliaji, anafahamika kwa uwezo wake wa kufunga kutokea mbali. Amefunga mabao saba katika mechi 24 za timu yake ya taifa na alikuwemo kwenye kikosi cha Euro 2012.

Tayari kwa mapambano: Schurrle hahofii chochote

Bosi kubwa: Schurrle hawezi kusubiri kufanya kazi na Jose Mourinho