YANGA YAICHAPA BLACK LEOPARD YA BONDENI 3-2!

>>WIMBI LA TEGETE KUCHEKA NA NYAVU LAMPA JINA “MTURUKI!”

>>TFF YAAHIRISHA UCHAGUZI WA VIONGOZI TAFCA!!

Vinara wa Ligi Kuu Vodacom, Yanga, ambao pia ndio Mabingwa wa Soka Afrika Mashariki na Kati, leo wakicheza Mechi yao ya kwanza tangu warejee kutoka Antalya, Uturuki waliko piga Kambi ya Mazoezi ya Wiki mbili, wameichapa Black Leopard ya Afrika Kusini Bao 3-2 katika Mechi ya Kimataifa ya Kirafiki iliyochezwa Uwanja wa Taifa Jijini Dar es Salaam.

++++++++++++++++++++

MAGOLI:

Yanga 3

-Tegete Dakika ya  32 & 73

-Domayo 63

Black Leopard 2

-Khoza Dakika ya 47

-Rodney  89 

++++++++++++++++++++

Nyota wa Mechi hii alikuwa Jerry Teget aliefungia Yanga Bao 2 akiendeleza wimbi la kufunga aliloanza huko Uturuki katika Mechi za kujipima nguvu kiasi ambacho Washabiki wa Yanga wameanza kumpachika Jina ‘Mturuki!’.

KIKOSI cha YANGA:

1.Ally Mustafa 'Barthez'

2.Mbuyu Twite

3.Oscar Joshua

4.Nadir Haroub 'Cannavaro'

5.Kelvin Yondani

6.Athumani Idd 'Chuji'

7.Kabange Twite

8.Frank Domayo

9.Didier Kavumbagu

10.Jerson Tegete

11.Haruna Niyonzima

Akiba:

1.Said Mohamed

2.Godfrey Taita

3.Stephano Mwasika

4.Ladislaus Mbogo

5.Shadrack Nsajigwa

6.Nurdin Bakari

7.Saimon Msuva

8.Omega Seme

9.Said Bahanuzi

10.George Banda

11.David Luhende

12.Rehani Kibingu

13.Nizar Khalfani

14.Juma Abdul

Release No. 08 

TAARIFA KWA VYOMBO VYA HABARI 

Januari 19, 2013 

UCHAGUZI WA VIONGOZI TAFCA WAAHIRISHWA

Kamati ya Uchaguzi ya Shirikisho la Mpira wa Miguu Tanzania (TFF) imeahirisha uchaguzi wa Chama cha Makocha wa Mpira wa Miguu Tanzania (TAFCA) uliokuwa ufanyike leo (Januari 19 mwaka huu) jijini Dar es Salaam.

Uchaguzi umeahirishwa kwa vile ulitaka kufanyika bila kuzingatia Katiba ya TAFCA Ibara ya 32(1) na Kanuni za Uchaguzi za Wanachama wa TFF Ibara ya 10(6) na 26(2), hivyo Kamati ya Uchaguzi ya TFF imeahirisha uchaguzi huo kwa vile nafasi zilizoombwa kugombewa na idadi ya waombaji uongozi haikidhi matakwa ya Katiba ya TAFCA.

Pia taratibu za kikanuni ikiwa ni pamoja na kuwaarifu waombaji uongozi ambao hawakukidhi matakwa ya Katiba ya TAFCA hazikukamilika kwa mujibu wa Kanuni za Uchaguzi za Wanachama wa TFF.

Licha ya upungufu huo, TAFCA haikuwasilisha taarifa za mchakato mzima kama ilivyoombwa na TFF. Kamati ya Uchaguzi ya TFF imeiagiza Kamati ya Uchaguzi ya TAFCA kuandaa uchaguzi mpya utakaokidhi matakwa ya Kamati ya TAFCA baada ya Uchaguzi Mkuu wa TFF.

TFF inaishauri TAFCA kutumia fursa ya Mkutano Mkuu wa leo (Januari 19 mwaka huu) kujadili mustakabali wa TAFCA kwa kuwa chama hicho kimeshindwa mara mbili kupata idadi ya wagombea wanaokidhi akidi ya Kamati ya Utendaji.

Pia TAFCA haijawahi kufanya mikutano ya Kamati ya Utendaji na Mkutano Mkuu kwa karibu miaka minne.

Boniface Wambura

Ofisa Habari

Shirikisho la Mpira wa Miguu Tanzania (TFF)