NATAKA KUWA MCHAMBUZI WA SOKA - BLATTER.

RAIS wa Shirikisho la Soka Duniani-FIFA, Sepp Blatter ameeleza nia yake ya kuwa mchambuzi katika luninga wakati atapostaafu urais katika kipindi cha miaka mitatu ijayo. Blatter mwenye umri wa miaka 76 ameshikilia cheo cha urais FIFA kwa kipindi cha miaka 15 baada ya kuchaguliwa tena bila kupingwa mwaka 2011 lakini sasa anapanga kubadilisha shughuli ya kufanya. Akihojiwa Blatter amesema kuwa anataka kutimiza ndoto zake alizokuwa nazo toka yuko mdogo, ambayo ni kuwa mchambuzi wa soka. Uamuzi huo wa kuachana na FIFA umezua tetesi nyingi za nani atarithi kiti chake huku rais wa Shirikisho la Soka Barani Ulaya-UEFA Michel Platini akipewa nafasi kubwa na Blatter kuchukua mikoba yake.