JULIO NA PATRICK GHAFLA TU KAMA WAMETOKA TUMBO MOJA

Kocha Mkuu wa Simba SC, Patrick Liewig akiwa na Msaidizi wake Jamhuri Kihwelo. Wawili hawa wamezoana kwa haraka na kuwa marafiki wakubwa, jambo ambalo linaashiria watafanya kazi kwa ushirikiano na ufanisi mkubwa. Raha jinsi wanavyotaniana hapa katika hoteli ya Zanzibar Ocean View walipofikia, kushirikiana na walivyo bega kwa bega. Liewig anaanza kazi rasmi leo jioni visiwani hapa, baada ya jana kuishuhudia timu ikimenyana na Jamhuri ya Pemba katika mechi ya ufunguzi ya Kombe la Mapinduzi na kushinda mabao 4-2.  Kuhusu usafiri, ‘Samjo’ Julio tayari amekwishaingia kwenye kona zake na kaibuka na mkoko mmoja wa hatari, full time wanakula kiyoyozi na bosi wake wakikatiza mitaa ya Zanzibar kwenda mazoezini na kwenye mechi. Baab kubwa.