WATANO WALIOACHA HISTORIA ISIYOFUTIKA CHALLENGE
 |
| Bwalya |
KALUSHA BWALYA:
SAHAU kuhusu Zambia iliyochukua Kombe a Challenge mwaka
2006, wakati huo imekwishajitoa katika nchi wanachama wa Baraza la Vyama vya
Soka Afrika Mashariki na Kati (CECAFA) na kuingia nchi za Kusini mwa Afrika
(COSAFA).
Zambia iliyotikisa katika soka ya Afrika Mashariki na kati
ni ile iliyokuwa ikiitwa KK Eleven kuanzia miaka ya 1970 hadi 1990 mwanzoni,
kabla ya ajali ya ndege iliyoua nyota wa kikosi hicho pwani ya Gabon mwaka 1993.
Kalusha Bwalya alikuwa katika orodha ya wachezaji
waliotakiwa kuingia kwenye ndege iliyopata ajali, lakini bahati nzuri kwake
alisema atatokea kwenye klabu yake moja kwa moja Ulaya kwenda Tunisia, hivyo
akanusurika.
Katika historia yake ya ushiriki wa Challenge, KK Eleven
ilibeba taji hilo mwaka 1984 na 1991 ambao, Kalusha Bwalya aliungana na Majid
Musisi katika ufungaji bora, kila mmoja akifunga mabao yake matatu.
Challenge ya mwisho kwa Bwalya ilikuwa mwaka 1992 mjini
Mwanza, alipoiongoza Zambia hadi Nusu Fainali ilipotolewa na Uganda kwa penalti
4-2, Uwanja wa CCM Kirumba kufuatia sare ya bila kufungana ndani ya dakika 120.
Huwezi kuizungumzia historia ya Challenge bila ya kumtaja
Bwalya, aliyezaliwa Agosti 16, mwaka 1963 mjini Mufulira, kwani enzi zake
alikuwa mkali haswa.
Huyo ni mchezaji aliyeichezea Zambia mechi nyingi zaidi na
kuifungia mabao mengi zaidi pia kuliko mchezaji yoyote hadi sasa. Ndiye
mchezaji babu kubwa zaidi kuwahi kutokea katika ardhi ya Zambia. Unamzungumzia
Mwanasoka Bora wa Afrika mwaka 1988, ambaye mwaka 1996 aliingia kwenye
kinyang’anyiro cha tuzo ya Mwanasoka Bora wa Dunia, ambayo ilichukuliwa na
Mwafrika mwenzake, George Weah.
 |
| Omondi Philip |
PHILIP OMONDI:
UGANDA ndio mabingwa wa kihistoria wa michuano ya Challenge,
wakiwa wamebeba Kombe hilo mara 12 (1973, 1976, 1977, 1989, 1990, 1992, 1996, 2000, 2003,
2008, 2009 na 2011).
Wapo wachezaji wawili ambao huwezi kuwatenganisha na
mafanikio ya The Cranes katika Challenge. Akina nani hao?
Wote hawa wamekwishatangulia mbale ya haki hivi sasa, Philip
Omondi na Majjid Musisi.
Phillip Omondi aliyezaliwa mwaka 1957 na kufariki dunia Aprili
21, mwaka 1999 huyu alikuwa mtu hatari sana enzi zake na waliobahatika kumuona
wanaweza kukiri juu ya hilo.
Omondi aliyechezea klabu ya Kampala City Council FC kuanzia
mwaka 1973 hadi 1979, alipotimkia Sharjah ya Falme za Kiarabu (UAE) alikuwa
shukaa wa Uganda hadi kwenye Fainali za Kombe la Mataifa ya Afrika.
Omondi aliichezea The Cranes katika fainali za Afrika miaka
ya 1974, 1976 na za 1978, ambazo pamoja na kuifikisha Cranes fainali, pia
aliibuka mfungaji bora.
Kwenye Challenge, Omondi aliisaidia mno Uganda kutwaa mataji
ya mwaka 1973 na 1977.
Katika fainali za mwaka 1978, mkali wa mabao wa zamani wa
Uganda, Phillip Omondi aliungana na Opoku Afriyie na Segun Odegbami katika
ufungaji bora, kila mmoja akipachika nyavuni mabao matatu. Leo Omondi hayupo
duniani, lakini huwezi kuzungumzia historia ya Challenge bila kumtaja yeye.
 |
| Musisi |
MAJID MUSISI:
NI kweli, Philipo Omondi alikuwa noma enzi zake, lakini
unaweza kusema nini kuhusu Majid Musisi Mukiibi?
Mshambuliaji huyo aliyezaliwa Septemba 15, mwaka 1967 kabla
ya kufariki dunia Decemba 13, mwaka 2005 vyombo vya habari Uganda vimechekecha
vikaamua kuweka bayana, huyo ndiye mchezaji bora zaidi kihistoria kuwahi
kutokea nchini humo.
Musisi, ambaye ni mchezaji wa kwanza wa Uganda kucheza soka
ya kulipwa Ulaya, alikuwa ana majina mawili maarufu ya utani enzi zake, ambayo
ni Tyson na Magic. Tyson kwa sababu alikuwa mkorofi na Magic ni kwamba soka
yake iliitwa ya miujiza.
Huyo aliisaidia The Cranes kutwaa Kombe la Challenge katika
miaka ya 1989 na 1990. Mfumo wa maisha ya kuendekeza pombe, ulimfanya
afananishwe na magwiji wa soka duniani akina George Best, Eric Cantona au Paul
Gascoigne ‘Gazza’.
Musisi alikuwa ana utajiri miguuni mwake na mabeki kwa
pamoja na makipa walikuwa wanamheshimu sana mtu huyo. Alikuwa hashindwi kufanya
jambo anapoamua kufanya kwa juhudi zake zote.
Umaarufu wake uliwavutia vijana wengi kucheza soka Uganda na
Afrika Mashariki kwa ujumla. Jamaa alikuwa anaijua soka.
 |
| Nteze John |
NTEZE JOHN:
WENGINE wanaweza kujiuliza kwa nini siyo Sunday Manara ama
Zamoyoni Mogella, Peter Tino au Edibily Lunyamila, lakini jibu ni kwamba, wote
hao hawafui dafu mbele ya Nteze John Lungu kwa kufanya vitu vikubwa kwenye
Kombe la Challenge.
Haimaanishi Nteze alikuwa anawazidi kisoka akina Abdallah
Kibadeni, Mogella, Lunyamila, Said Mwamba Kizota na wengine waliowahi kuwika
katika soka ya Tanzania, la hasha- ila Nteze aling’ara zaidi yao kwenye
michuano hiyo.
Huyo ndiye aliyekuwa shujaa wetu wakati tunachukua taji la
pili la michuano hiyo, mwaka 1994 mjini Nairobi, Kenya.
Mabao yake manne aliyofunga katika Kundi A, kwenye michuano
hiyo yaliifanya Tanzania Bara iongoze kundi hilo kwa pointi tisa ilizokusanya
kutoka na kushinda mechi zote za kundi lake, Nteze akifunga katika kila mechi.
Novemba 29, Tanzania ikiitandika Somalia mabao 4-0, Nteze
alifunga mabao mawili katika dakika za 11 na 84, mengine yakifungwa na George
Masatu dakika ya 67 na Madaraka Suleiman dakika ya 74.
Siku mbili baadaye Nteze alifunga bao pekee la ushindi
dakika ya 57, Bara ikiwafunga wenyeji Kenya 1-0, wakati Desemba 3, Bara
ikiichapa Djibouti 3-0, Nteze alifunga la tatu dakika ya 75, baada ya Edward
Chumila (sasa marehemu) kufunga dakika ya pili na Clement Kahabuka dakika ya
30.
Nteze hakufunga katika mechi mbili zilizofuata, Nusu Fainali
dhidi ya Eritrea, bao pekee la Said Mwamba ‘Kizota’ dakika ya saba likiipa Bara
ushindi wa 1-0 na fainali, ambayo baada ya sare ya 2-2 ndani ya dakika 120
dhidi ya Uganda, Bara ilifanikiwa kutwaa Kombe kwa mikwaju ya penalti 4-3.
Ilikuwa ni Desemba 10, wakati mabao ya Stars yalipotiwa
kimiani na Juma Amir Maftah dakika ya 14 na Kizota dakika ya 40 wakati Iddi
Batambuze aliifungia Uganda dakika ya 47 kabla ya George Ssemogerere dakika ya
88 kusawazisha.
Nteze aliibuka pia mfungaji bora wa michuano hiyo kwa mabao
yake manne na kutwaa Kiatu cha Dhahabu.
 |
| Oliech |
DENNIS OLIECH:
WAMETOKEA wanasoka wengi Kenya ambao waling’ara kwenye
Challenge, lakini kama ilivyo kwa wachezaji wa Tanzania unahitajika utulivu wa
hali ya juu, ili kumtaja mmoja ambaye daima anastahili kukumbukwa katika
historia ya michuano hiyo.
Mfungaji wa bao la tatu na la ushindi katika dakika ya 72 ya
fainali ya Kombe la Challenge Desemba 14, mwaka 2002 Uwanja wa CCM Kirumba mjini
Mwanza, Tanzania Bara ikilala 3-2 na kupoteza matumaini ya kutwaa taji hilo kwa
mara ya tatu.
Nani zaidi ya Dennis Oliech. Na kwa nini asahaulike mtu huyo
siyo tu kwa kuwakomoa wenyeji na kuwapokonya tonge mdomoni, bali soka yake
iliyomuuza Ulaya baadaye.
Siku hiyo, Emmanuel Gabriel alitangulia kuifungia Bara
dakika ya 28, kabla ya Paul Oyuga kusawazisha dakika ya 30 na Mecky Mexime kufunga
la pili kwa penalti dakika ya 59 na John Barasa kuisawazishia Harambee Stars
dakika ya 70 na Oliech kupiga la ushindi dakika ya 72.
Oliech alikuwa mfungaji bora katika fainali hizo kutokana na
mabao yake matano, akiwa ana umri wa miaka 17 tu wakati huo.
Oliech alizaliwa Februari 2, mwaka 1985, baada ya kung’ara
kwenye fainali hizo, mwaka 2003 alinunuliwa na Al-Arabi ya Qatar hadi mwaka
2005, aliposaini mkataba wa miaka minne na
FC Nantes ya Ufaransa na kuanza safari yake kuogelea kwenye bwala la
fedha Ulaya na sasa anachezea Auxerre.
Aliiwezesha Kenya kukata tiketi ya kucheza Fainali za Kombe
la Mataifa ya Afrika mwaka 2004 na alicheza vizuri kwenye fainali hizo nchini
Tunisia na mwaka huo huo akatabiriwa kuwa miongoni mwa washambuliaji hatari
baadaye duniani, akiwekwa katika orodha moja na Wayne Rooney wa Manchester
United. Oliech kwa sasa ameipa kisogo michuano ya Challenge, ingawa bado anaichezea
Harambee Stars katika michuano mikubwa, ila Challenge ndio iliyomtoa.
CHALLENGE: BABA WA MICHUANO YA KIMATAIFA AFRIKA
 |
| Uganda, mabingwa wa kihistoria wa Challenge |
NA
MAHMOUD ZUBEIRY
MICHUANO
ya soka ya Kombe la Mataifa ya Afrika Mashariki na Kati, maarufu kama CECAFA
Challenge Cup, mwaka huu itafanyika mjini Kampala, Uganda kuanzia Novemba 24
hadi Desemba 8.
Kampuni
ya Bia Afrika Mashariki (EABL), kupitia bia yake ya Tusker Lager, ndio
wadhamini michuano hiyo kwa dau lao la dola za Kimarekani 450,000 walizitoa kwa
ajili ya michuano ya mwaka huu ya Kombe la CECAFA –Tusker Challenge Cup.
Katibu
wa CECAFA, Nicholas Musonye alisema mapema tu wakati wa maandalizi ya awali ya
michuano hiyo, kwamba lengo la michuano hiyo ni kuzisaidia maandalizi timu za
Afrika Mashariki na Kati katika kuwania tiekti ya kucheza Fainali za Kombe la
Dunia mwaka 2014 nchini Brazil.
Udhamini
wa mwaka huu huo ni ongezeko la aslimia 5, kutoka michuano ya mwaka jana mjini
Dar es Salaam, ambayo Uganda waliibuka mabingwa.
Ni
udhamini ambao utahusu usafiri, malazi na huduma nyingine, wakati jumla ya dola
za Kimarekani 60.000 zitakuwa kwa ajili ya zawadi, bingwa akipewa dola 30.000,
mshindi wa pili dola 20.000 na dola 10.000 mshindi wa tatu. Kama ilivyo ada, mechi zote za michuano hiyo
zitaonyeshwa na Televisheni ya Super Sport ya Afrika Kusini.
Michuano
hiyo huandaliwa na CECAFA, Baraza la Vyama vya Soka Afrika Mashariki na Kati,
ambalo lina wanachama 12.
Japokuwa
ukanda wa CECAFA ndiyo eneo linalojikongoja kwa sasa katika soka ya kimataifa,
lakini ukweli ni kwamba, mpira wa miguu barani Afrika, ulianzia ukanda wa
Afrika Mashariki.
Michuano
ya kwanza kabisa mikubwa barani Afrika, ilihusisha mataifa manne, Kenya, Uganda,
Tanganyika (sasa Tanzania
Bara) na Zanzibar,
ikijulikana kwa jina la Kombe la Gossage.
Michuano
hiyo ya Gossage ambayo sasa imekuwa Kombe la Challenge, ilifanyika mara 37
kuanzia mwaka 1926 hadi 1966, ilipobadilishwa jana na kuwa michuano ya wakubwa
ya soka kwa mataifa ya Afrika Mashariki na Kati, ilifanyika mara saba kati ya
mwaka 1965 na 1971, ilipozaliwa rasmi CECAFA Challenge.
Tanganyika ilianza kushiriki michuano
hiyo tangu mwaka 1945, wakati Zanzibar
ilijitosa miaka minne baadaye, 1949.
Michuano
hiyo ilikuwa ikidhaminiwa na bepari aliyekuwa akimiliki kiwanda cha sabuni,
William Gossage, aliyezaliwa Mei 12 mwaka 1799 na kufariki dunia Aprili 9,
mwaka 1877.
Michuano
hiyo mikongwe zaidi barani, imekuwa ikiandaliwa na Baraza la Vyama vya Soka
Afrika Mashariki na Kati (CECAFA), ikihusisha timu za taifa za ukanda huo.
Hadi
inafikia tamati michuano ya Gossage, Uganda ilikuwa inaongoza kwa kutwaa taji hilo, mara 22, ikifuatiwa na Kenya
iliyotwaa mara 12 na Tanzania
mara tano.
Mwaka
2005, michuano hiyo ilifanyika chini ya udhamini wa bilionea wa Ethiopia mwenye
asili ya Saudi Arabia, Sheikh Mohammed Al Amoudi na kupewa jina la Al Amoudi
Senior Challenge Cup, lakini sasa Tusker ndiyo mambo yote.
MABINGWA
CHALLENGE;
Mwaka
Bingwa
1973
Uganda
1974
Tanzania
1975
Kenya
1976 Uganda
1977
Uganda
1978
Malawi
1979
Malawi
1980
Sudan
1981
Kenya
1982
Kenya
1983
Kenya
1984
Zambia
1985
Zimbabwe
1986 Haikufanyika
1987
Ethiopia
1988
Malawi
1989
Uganda
1990
Uganda
1991
Zambia
1992
Uganda
1993 Haikufanyika
1994
Tanzania
1995
Zanzibar
1996
Uganda
1997 Haikufanyika
1998 Haikufanyika
1999
Rwanda B
2000
Uganda
2001
Ethiopia
2002
Kenya
2003
Uganda
2004
Ethiopia
2005
Ethiopia
2006
Zambia
2007
Sudan
2009
Uganda
2009
Uganda
2010 Tanzania Bara
2011 Uganda
KUNDI A: Uganda, Kenya, Ethiopia na
Sudan Kusini
KUNDI B: Tanzania, Sudan, Burundi na
Somalia
KUNDI C: Malawi, Eritrea, Rwanda na
Zanzibar
RATIB KUNDI A:
Novemba 24,
2012:
Ethiopia
v Sudan (Saa 9:00 Alasiri)
Uganda
v Kenya (Saa
12:00 jioni)
Novemba 27,
2012:
Sudan
Kusini v Kenya (Saa 9:00 Alasiri)
Uganda
v Ethiopia (Saa
12:00 jioni)
Novemba 30,
2012:
Kenya
v Ethiopia (Saa
9:00 Alasiri)
Sudan
Kusini v Uganda (Saa 12:00 jioni)
RATIBA KUNDI B:
Novemba 25,
2012:
Burundi
v Somalia (Saa 9:00 Alasiri)
Tanzania
v Sudan (Saa 12:00 jioni)
Novemba 28,
2012:
Somalia
v Sudan (Saa
9:00 Alasiri)
Tanzania
v Burundi (Saa 12:00 jioni)
Desemba 1,
2012:
Sudan
v Burundi (Saa
9:00 Alasiri)
Somalia
v Tanzania (Saa 12:00 jioni)
RATIBA KUNDI C:
Novemba 26,
2012:
Zanzibar
v Eritrea (Saa 9:00 Alasiri)
Rwanda
v Malawi (Saa 12:00 jioni)
Novemba 29,
2012:
Malawi
v Eritrea (Saa
9:00 Alasiri)
Rwanda
v Zanzibar (Saa 12:00 jioni)
Desemba 1,
2012:
Malawi
v Zanzibar (Saa 9:00 Alasiri)
Eritrea
v Rwanda (Saa 12:00 jioni)
ROBO FAINALI:
Desemba 3,
2012
Mshindi
Kundi C vs Mshindi wa Pili Kundi B (Saa 10:00 jioni)
Mshindi
Kundi A vs Mshindi wa Tatu Bora wa pili (Saa 1:00 usiku)
Desemba 4,
2012
(16:00):
Mshindi
Kundi B vs Mshindi wa Tatu Bora wa kwanza (Saa 10:00 jioni)
Mshindi
wa Pili Kundi A vs Mshindi wa Pili Kundi C (Saa
1:00 usiku)
NUSU FAINALI:
Desemba 6,
2012
Nusu
Fainali ya Kwanza (Saa 10:00 jioni)
Nusu
Fainali ya Pili (Saa
1:00 usiku)
MSHINDI WA TATU:
Desemba 8,
2012
Waliofungwa
Nusu Fanali (Saa 10:00 jioni)
FAINALI:
Desemba 8,
2012
Walioshinda
Nusu Fainali (Saa 1:00 usiku)
WASIFU WA TIMU ZINAZOSHIRIKI TUSKER CHALLENGE 2012
 |
| Kenya |
NYOTA WA HARAMBEE:
Kenya ambayo timu yake ya taifa
inaitwa Harambee Stars, imeshiriki mara tano fainali za Kombe la Mataifa ya Afrika,
ingawa haijawahi kuingia raundi ya pili zaidi ya kunusa na kutolewa. Ilishiriki
michuano ya kuwania kucheza fainali za Kombe la Dunia kwa mara yakwanza mwaka
1974 na imeendelea hadi fainali za mwaka huu zilizofanyika Afrika Kusini,
lakini haijafanikiwa kufuzu. Mwaka 2004, FIFA iliisimamisha Kenya kushiriki
michuano yote ya kimataifa kwamiezi mitatu, kufuatia serikali ya nchi hiyo
kuingiliwa masuala ya soka, lakini kifungo hicho kilisitishwa baada ya nchi
hiyo kukubalia kufuata masharti ya shirikisho hilo la kimataifa la soka. Oktoba
25, mwaka 2006, Kenya ilisimamishwa tena katika soka ya kimataifa kwa kushindwa
kutekeleza makubaoliano yaliyofikiwa Januari mwaka huo ya kutatua matatizo
yaliyokuwa yametawala kwenye shirikisho lao la soka, hata hivyo walipomaliza
matatizo yao adhabu yao ilifutwa. Kenya waliosyhiriki fainali za
Kombe la Mataifa ya Afrika mara nne, katikamiaka ya 1988, 1990, 1992 na 2004 na
mara zote wakitolewa raundi ya kwanza, ni mabingwa mara tano wa Kombe la
Challenge la CECAFA katika miaka ya 1975, 1981, 1982, 1983 na 2002, wakati pia
imeshika nafasi ya pili mara nne.
 |
| Sudan |
MWEWE WA JANGWANI;
TIMU
ya taifa ya Sudan inajulikana kwa jina la utani kama Sokoor Al-Jediane Kiarabu,
Kiingereza Desert Hawks, yaani Mwewe wa Jangwani. Hii ilikuwa moja ya nchi tatu
tu nyingine zikiwa ni Misri na Ethiopia zilizoasisi Kombe la Mataifa Huru ya
Afrika mwaka 1957 na ilifanikiwa kushinda taji hilo mwaka 1970, wakiwa wenyeji,
baada ya kuwafunga Ghana 1-0 kwenye fainali, wakitoka kuifunga Misri 2-1 katika
Nusu Fainali. Sudan ni miongoni mwa timu kongwe barani Afrika na ilikuwa ina
historia ya utajiri miaka ya 1950 na 1970. Sudan pia ilishika nafasi ya pili
kwenye michuano hiyo katika fainali za mwaka 1959 zilizofanyika mjini Cairo,
Misri zikishirikisha nchi tatu, yani mbali na wenyeji, pia walikuwapo Ethiopia.
Ilishika tena nafasi ya pili katika fainali za mwaka 1963 baada ya kufungwa na Ghana
3-0 kwenye fainali, wakati 1957 ilikuwa ya tatu. Sudan pia wametwaa mara tatu
Kombe la Challenge katika miaka ya 1980, 2006 na 2007 na wamekuwa wa pili mara
mbili 1990 na 1996 na washindi wa tatu mara mbili pia, 1996 na 2004.
 |
| Uganda |
KORONGO WA KAMPALA;
Uganda
ambayo timu yake ya taifa inaitwa The Cranes, yaani Korongo hawajawahi kufuzu
kwenye fainali za Kombe la Dunia, na kwenye fainali za Kombe la Mataifa ya
Afrika matokeo yao mazuri kabisa ni kushika nafasi ya pili mwaka 1978, baada ya
kufungwa na wenyeji Ghana 2-0 mjini Accra. Lakini Korongo wa Uganda wanajivunia
kuwa timu iliyotwaa mara nyingi zaidi taji (mara 12) Kombe la Challenge, katika
miaka ya 1973, 1976, 1977, 1989, 1990, 1992, 1996, 2000, 2003, 2008, 2009 na
2011 na pia imeshika nafasi ya pili mara nne.
 |
| Rwanda |
NYIGU WA KIGALI;
Rwanda ambayo timu yake ya taifa
inaitwa Amavubi Kinyarwanda, yaani (The Wasps),
yaani Nyigu, pamoja na kwamba walichelewa kuingia kwenye soka ya
kimataifa kutoka muda mrefu wa kutokuwa na amani nchini mwao, lakini tangu
wamefunguliwa milango wanaonekana kuwa tishio. Walikuwapo kwenye fainali za
Kombe la Mataifa ya Afrika mwaka 2004 nchini Tunisia na wana taji moja la
Challenge walilotwaa mwaka 1998, wakati wamekwishakuwa washindi wa pili mara tano
katika miaka ya 2003, 2005, 2007, 2009 na 2011 na wameshika nafasi ya tatu mara
tatu katika miaka ya 2001, 2002 na 2006.
 |
| Burundi |
MBAYUWAYU WA BUJUMBURA;
Burundi ambayo timu yake ya taifa
inaitwa Int’hamba Murugamba Kirundi, Les Hirondelles Kifaransa au The Swallows
Kiingereza yaani Kiswahili Mbayuwayu, hii kwa pamoja na Eritrea na Djibouti ndio zinaweza kuwa zenye
mafanikio duni kabisa katika ukanda wa CECAFA, kwani hazijawahi kushinda hata
taji moja la Challenge wala hata kunusa kwenye fainali za Matafa ya Afrika.
Lakini
ni nchi ambayo imebarikiwa wachezaji wenye vipaji, ingawa wengi baadaye huikana
nchi hiyo na kuchukua uraia wa nchi jirani, kwa mfano Nonda Shabani aliyehamia
DRC na Hamadi Ndikumana aliyejivika Unyarwanda.
 |
| Somalia |
MABAHARIA WA MOGADISHU;
Somalia ambayo timu yake ya taifa
inafahamika kama The Ocean Stars, yaani Nyotan
wa Bahari ni nchi mwanachama wa mashirikisho ya mawili ya soka; kwanza Afrika
(CAF) na pili Urabuni (UAFA). Haijawahi kufuzu kwenye fainali za Kombe la Dunia
wala Mataifa ya Afrika na kwa sasa imezuiwa kucheza mechi nyumbani kwake,
Somalia kutokana na vita ya wenyewe kwa wenyewe inayoendelea. Lakini Somalia
inapendewa soka yake maridadi, japokuwa haizalishi matokeo mazuri.
 |
| Zanzibar |
MASHUJAA WA VISIWANI;
Zanzibar ambayo timu yake ya taifa inajulikana kama
Zanzibar Heroes, au Mashujaa wa Visiwa vya Karafuu, kwenye soka ya kimataifa
bado ni sehemu ya Tanzania,
ingawa inapigania uanachama wake FIFA, ili iwe taifa kamili katika dunia ya
soka. Lakini kwa CECAFA, Zanzibar inaingia kama
nchi na imewahi kutwaa ubingwa wa michuano hiyo mwaka 1995, ikiwafunga wenyeji Uganda 1-0.
Zanzibar
pia imewahi kuingia Nusu Fainali mara sita na mbili ikishika nafasi ya tatu,
wakati michuano ya mwaka huu, inaeonekana kuwa na kikosi imara zaidi.
 |
| Ethiopia |
SWALA DUME;
Ethiopia
ambayo timu yake ya taifa inajulikana kama The Walya Antelopes, mchanganyiko wa
maneno mawili, la Kiingereza na Kihabeshi, lenye maana ya ‘Swala dume’ ni
miongoni mwa nchi tatu pamoja na Misri na Sudan zilizoasisi michuano ya Mataifa
Huru ya Afrika mwaka 1957 na wakafanikiwa kutwaa taji hilo mwaka 1962
walipokuwa wenyeji, ingawa baada ya muongo huo, ilipoteza makali yake.
Baada
ya kuzisakosa kidogo fainali za Mataifa ya Afrika mwaka 2004, kwa kuzidiwa
pointi tatu tu, baada ya kufungwa na Guinea, Ethiopia mwakani itashiriki tena
fainali hizo nchini Afrika Kusini, baada ya miaka 31. Inajivunia pia kutwaa
mataji ya Challenge katika miaka ya 1987, 2001, 2004 na 2005.
 |
| Tanzania Bara |
NYOTA WA KILIMANJARO;
Tanzania, ambayo kabla ilikuwa
ikijulikana kama Tanganyika,
timu yake ya taifa inaitwa Kilimanjaro Stars- ingawa nje ya michuano ya CECAFA
inatambulika kama Taifa Stars, kwa sababu inaungana na Zanzibar kuunda timu moja.
Haijawahi
kushiriki fainali hata moja za Kombe la Dunia, lakini inajivunia kucheza
fainali moja za mwaka 1980 za Kombe la Mataifa ya Afrika nchini Nigeria,
sambamba na kutwaa mara tatu Kombe la Challenge katika miaka ya 1974, 1994 na 2010
na kushika nafasi ya pili mara tano.
 |
| Malawi |
MWALE WA NYASA;
Malawi iliyokuwa ikijulikana kama Nyasaland kabla ya mwaka 1966, ambayo timu yake ya taifa
inaitwa The Flames, yaani Mwale (mwako wa moto) hawajawahi kufuzu kwenye
fainali za Kombe la Dunia, lakini wameshiriki fainali mbili za Kombe la Mataifa
ya Afrika katika miaka ya 1984 na 2010, mara zote wakiishia raundi ya kwanza.
Mafanikio
yao makubwa
katika soka ya kimataifa ni kushika nafasi ya tatu katika Michezo ya Afrika
mwaka 1987. timu hiyo ambayo kwa sasa iko chini ya kocha mzalendo Kinnah Phiri,
imewahi kushika nafasi ya pili mara mbili katika michuano ya Kombe la Mataifa
ya Kusini mwa Afrika (COSAFA), wakati kabla ya kuhami huko, ikiwa bado
mwanachama wa CECAFA, ilitwaa Kombe la Challenge mara tatu katika miaka ya
1978, 1979 na 1988 na pia kushina nafasi ya pili mara tatu. Imekuja tena kushiriki
Challenge mwaka huu kama mgeni mualikwa.
 |
| Sudan Kusini |
NYOTA ANGAVU WA SUDAN KUSINI;
Sudan
Kusini, au Bright Star, yaani Nyota Angavu kwa jina la utani, huyu ni
mwanachama mpya kabisa wa CECAFA, nchi iliyojigawa kutoka Sudan ambayo sasa
inatambulika katika familia ya soka kama taifa kamili. Kwao hizi zitakuwa
fainali za kwanza kabisa za Challenge. Sudan Kusini rasmi ilicheza mechi yake
ya kwanza ya kimataifa Julai 10, mwaka huu na kutoka sare ya 2-2 na Uganda
nyumbani. Hii ni kuashiria kwamba, pamoja na upya wao si timu ya kubeza kwa
kitendo cha kutoka nguvu sawa na mabingwa watetezi wa michuano hii.
 |
| Eritrea |
WAVUVI WA BAHARI NYEKUNDU ERITREA;
Imekosekana
katika fainali mbili zilizopita za Challenge kutokana na tabia ya wachezaji
wake kuzamia nchi za watu wanapokwenda kucheza mechi. Wachezaji wanne wa klabu
ya Red Sea FC walizamia Nairobi baada ya mechi ya Ligi ya Mabingwa na wengine 12
wa timu ya taifa wakazamia Tanzania mwaka 2007 baada ya Challenge. Wachezaji
wengine sita walizamia Angola Machi mwaka 2007 baada ya mechi ya kufuzu ya
Kombe la Mataifa ya Afrika. Wachezaji wengine watatu zaidi walizamia Sudan,
hivyo Eritrea ikajitoa kwenye soka ya kimataifa kwa ujumla ili kutafuta dawa ya
kukabiliana na tatizo hilo na sasa serikali ya nchi hiyo inamtaka kila mchezjai
kuweka nakfa 100,000 (fedha za kwao) kabla ya kusafiri nje. Timu yao ya taifa
inaitwa Red Sea Boys, yaani vijana wa Bahari Nyekundu na haina cha kujivunia
kwenye mashindano haya, ikiwa ilicheza mechi yake ya kwanza ya kimataifa Juni
26, mwaka 1992 na kutoka 1-1 na Sudan.
VIWANGO VYA UBORA FIFA
NCHI NAFASI
Uganda 86
Malawi 101
Ethiopia 102
Sudan 102
Rwanda 122
Burundi 128
Kenya 130
Tanzania 134
Zanzibar 134
Somalia 193
Eritrea 192
Sudan
Kusini 200
(Viwango hivi
vimetoka mwezi huu)TOURE AONGOZA KWA KULIPWA FEDHA NYINGI AFRIKA.
DJOLIBA, LEOPARDS ZATOKA SARE YA MABAO 2-2 KATIKA FAINALI YA KWANZA YA KOMBE LA SHIRIKISHO.
HAMILTON ASHINDA MBIO ZA GRAND PRIX ZA MAREKANI.
NYOTA WA ZAMANI WA UNITED AFARIKI DUNIA.
LIGI za ULAYA: Atletico Madrid yashinda, iko 3 nyuma ya Barca!! Inter Milan sare!!
Baadhi
ya Ligi kubwa za Ulaya ziliendelea Jumapili na huko Spain, kwenye La
Liga, Atletico Madrid waliifunga Granada Bao 1-0 na kuendelea kukamata
nafasi ya Pili wakiwa Pointi 3 nyuma ya vinara Barcelona wakati huko
Italy, katika Serie A, Timu inayoshika nafasi ya Pili, Inter Milan,
ilihitaji goli la kujifunga wenyewe ili kutoka sare ya 2-2 na Cagliari
na kuwafanya wawe Pointi 4 nyuma ya vinara Juventus.
Matokeo na Misimamo ni kama ifuatavywo:
BUNDESLIGA:
MATOKEO:
Jumapili Novemba 18
Werder Bremen 2 Fortuna Dusseldorf 1
Hoffenheim 1 Wolfsburg 3
MSIMAMO-Timu za juu
[Kila Timu imecheza Mechi 12]
1 Bayern Munich Pointi 31
2 Schalke 23
3 Eitracht Frankfurt 23
4 Borussia Dortmund 21
SERIE A
MATOKEO:
Jumapili Novemba 18
Inter Milan 2 Cagliari 2
Udinese 2 Parma 2
Catania 2 Chievo Verona 1
Siena 1 Pescara 0
Fiorentina 4 Atalanta 1
Bologna 3 Palermo 0
Sampdoria 3 Genoa 1
MSIMAMO-Timu za juu
[Kila Timu imecheza Mechi 13]
1 Juventus Pointi 32
2 Inter Milan 28
3 Fiorentina 27
4 Napoli 27
5 Lazio 23
6 Catania 19
LA LIGA
MATOKEO:
Jumapili Novemba 18
Deportivo La Coruna 0 Levante 2
Celta Vigo 1 Real Mallorca 1
Getafe 2 Real Valladolid 1
Granada 0 Atletico Madrid 1
Sevilla 5 Real Betis 1
MSIMAMO-Timu za juu
[Kila Timu imecheza Mechi 12]
1 Barcelona Pointi 34
2 Atletico Madrid 31
3 Real Madrid 26
4 Levante 20
5 Malaga 19
6 Real Betis 19
Jamie Carragher: “Liverpool itamaliza Ligi 4 Bora!”
>>AMSIFIA Brenda Rodgers kwa kuegemea Makinda kina RAHEEM!!
>>PATA RATIBA Mechi zijazo BPL!!
Beki
Mkongwe wa Liverpool Jamie Carragher anaamini kuwa Klabu yake Msimu
ujao wanaweza kucheza UEFA CHAMPIONZ LIGI kwa vile wana uwezo wa
kumaliza ndani ya 4 Bora kwenye BPL, Ligi Kuu England, na imani hiyo
imekuja mara baada ya kuitwanga Wigan 3-0 Jumamosi na kuwafanya wawe
hawajafungwa katika Mechi 7 za Ligi.
+++++++++++++++++++++++
MSIMAMO Timu za juu:
1 Man City Mechi 12 Pointi 28
2 Man United Mechi 12 Pointi 27
3 Chelsea Mechi 12 Pointi 24
4 WBA Mechi 12 Pointi 23
5 Everton Mechi 12 Pointi 20
6 Arsenal Mechi 12 Pointi 19
7 West Ham Mechi 11 Pointi 18
8 Tottenham Mechi 12 Pointi 17
9 Fulham Mechi 12 Pointi 16
10 Swansea Mechi 12 Pointi 16
11 Liverpool Mechi 12 Pointi 15
+++++++++++++++++++++++
Baada ya kusuasua mwanzoni mwa Ligi,
ushindi huu wa Liverpool dhidi ya Wigan umewafanya wakamate nafasi ya 11
wakiwa na Pointi 15 lakini hilo halikumteteresha Jamie Carragher ambae
amesema: “Hatukuanza vizuri lakini ushindi huu wa Wigan umetufanya
tuzikaribie Timu 4 za juu. Lolote linaweza kutokea!”
Ukiondoa vinara na ambao ndio Mabingwa
watetezi, Manchester City, ambao wana Pointi 28, wakifuatiwa na Man
United na Chelsea, Timu iliyoshika nafasi ya 4 ni West Bromwich Albion,
isiyotegemewa, ambayo ina Pointi 23, ikifuatiwa na Everton na Arsenal
ambao wana Pointi 19, Pointi 4 mbele ya Liverpool.
Msimamo huu umempa matumaini makubwa
Jamie Carragher ambae anaamini Liverpool itarejea tena kucheza UEFA
CHAMPIONZ LIGI ambayo walicheza mara ya mwisho Msimu wa Mwaka 2009/10.
Carragher ametamka: “Kila Timu inapoteza Pointi. Hili linatupa nafasi sisi kukaza buti, tutafika tu!”
Msimu uliopita Liverpool ilimaliza ikiwa
Pointi 17 nyuma ya Timu ya 4 Tottenham na hilo lilimfukuzisha kazi
Meneja Kenny Dalglish na akabadilishwa na Brendan Rodgers.
Hata hivyo hilo halikusaidia kwani
Liverpool walianza Msimu huu wakiambulia Pointi 3 tu katika Mechi zao 5
za kwanza lakini mabadiliko na matokeo mazuri ya sasa yanawapa matumaini
makubwa huku wakiwategemea Chipukizi kama kina Raheem Sterling kitu
ambacho Carragher amemsifia Meneja Brendan Rodgers kwa kuamua njia hiyo.
BPL: RATIBA MECHI ZIJAZO:
Jumapili Novemba 18
[SAA 1 Usiku]
Fulham v Sunderland
Fulham v Sunderland
Jumatatu Novemba 19
[SAA 5 Usiku]
West Ham v Stoke
Jumamosi Novemba 24
[SAA 9 Dak 45 Mchana]
Sunderland v West Brom
[SAA 12 Jioni]
Everton v Norwich
Man United v QPR
Stoke V Fulham
Wigan v Reading
[SAA 2 Dak 30 Usiku]
Aston Villa v Arsenal
Jumapili Novemba 25
[SAA 10 na Nusu Jioni]
Swansea v Liverpool
[SAA 12 Jioni]
Southampton v Newcastle
[SAA 1 Usiku]
Chelsea v Man City
Tottenham v West Ham
Jumanne Novemba 27
[SAA 4 Dak 45 Usiku]
Sunderland v QPR
[SAA 5 Usiku]
Aston Villa v Reading
Jumatano Novemba 28
[SAA 4 Dak 45 Usiku]
Chelsea v Fulham
Everton v Arsenal
Southampton v Norwich
Stoke v Newcastle
Swansea v West Brom
Tottenham v Liverpool
Man United v West Ham
[SAA 5 Usiku]
Wigan v Man City
Jumamosi Desemba 1
[SAA 9 Dak 45 Mchana]
West Ham v Chelsea
[SAA 12 Jioni]
Arsenal v Swansea
Fulham v Tottenham
Liverpool v Southampton
Man City v Everton
QPR v Aston Villa
West Brom v Stoke
[SAA 2 Dak 30 Usiku]
Reading v Man United
Jumapili Desemba 2
[SAA 1 Usiku]
Norwich v Sunderland
Jumatatu Desemba 3
[SAA 5 Usiku]
Newcastle v Wigan
UEFA CHAMPIONZ LIGI ni Jumanne & Jumatano: Mahesabu makali nani atasonga!
>>NI PEKEE Man United, Malaga & Porto zipo RAUNDI ijayo!
Hatua
ya Makundi ya Klabu Bingwa Ulaya, UEFA CHAMPIONZ LIGI, imebakisha Mechi
mbili tu kufikia tamati na hadi sasa ni Timu 3 tu ndizo zimefuzu
kusonga mbele na ambazo ni Manchester United, ambao pia wameshanyakua
Nambari Wani toka Kundi H, Malaga na FC Porto, wakiwaacha Mabingwa wa
England, Manchester City, wakiweweseka kwa kutojua hatima yao lakini
wenzao Chelsea na Arsenal hatima zao zipo mikononi mwao wenyewe ikiwa
pamoja na Vigogo wengine kama vile Barcelona, Real Madrid na Bayern
Munich.
Kila Kundi litatoa Timu mbili kuingia
Raundi ya Mtoano ya Timu 16 na Timu zitakazoshika nafasi ya 3 toka kila
Kundi zitatupwa kwenye EUROPA LIGI.
++++++++++++++++++++++++++++++++
RATIBA MECHI ZIJAZO:
[Mechi zote kuanza SAA 4 DAK 45 Usiku isipokuwa inapotajwa]
Jumanne Novemba 20
FC Nordsjælland v FC Shakhtar Donetsk
Juventus v Chelsea FC
FC BATE Borisov v LOSC Lille
Valencia CF v FC Bayern München
FC Spartak Moskva v FC Barcelona [SAA 2 Usiku]
SL Benfica v Celtic FC
Galatasaray A.S. v Manchester United FC
CFR 1907 Cluj v SC Braga
Jumatano Novemba 21
FC Porto v GNK Dinamo
FC Dynamo Kyiv v Paris SaintvGermain FC
Arsenal FC v Montpellier Hérault SC
FC Schalke 04 v Olympiacos FC
FC Zenit St. Petersburg v Málaga CF [SAA 2 Usiku]
RSC Anderlecht v AC Milan
AFC Ajax v Borussia Dortmund
Manchester City FC v Real Madrid CF
++++++++++++++++++++++++++++++++
ZIFUATAZO ni DONDOO MUHIMU KUHUSU KILA KUNDI:
KUNDI A
MSIMAMO:
[Kila Timu imecheza Mechi 4]
1 FC Porto Pointi 10 [IMEFUZU]
2 Paris SG 9
3 Dynamo Kiev 4
4 Dinamo Zagreb 0 [NJE]
FC Porto tayari wamefuzu na PSG wanaweza
kuungana nao ingawa Dynamo Kiev bado wana matumaini lakini Dinamo
Zagreb tayari wameshaaga Mashindano.
KUNDI B
MSIMAMO:
[Kila Timu imecheza Mechi 4]
1 Schalke Pointi 8
2 Arsenal 7
3 Olympiakos 6
4 Montpellier 1
Arsenal, ambao waliumwaga uongozi wa Bao
2-0 walipocheza ugenini na Schalke katika Mechi iliyopita na kutoka
2-2, bado wapo kwenye kinyang’anyiro lakini wakifungwa katika moja ya
Mechi zao mbili zilizobaki watakuwa hatarini.
Arsenal Jumatano wapo nyumbani kucheza na Montpellier.
Olympiakos, wako Pointi 1 nyuma ya Arsenal, na Jumatano wako ugenini kucheza na Schalke kisha kumaliza nyumbani kwao na Arsenal.
Hizo ni Mechi muhimu mno katika kuamua nani anafuzu toka Kundi hili.
KUNDI C
MSIMAMO:
[Kila Timu imecheza Mechi 4]
1 Malaga Pointi 10
2 AC Milan 5
3 Anderlecht 4
4 Zenit St P'sbg 3
Malaga, ambao wameshangaza wengi,
wametinga Raundi inayofuata wakiwa Pointi 5 mbele ya Timu ya Pili AC
Milan na kuziacha Timu 3 nyingine zigombee nafasi moja iliyobaki.
KUNDI D
MSIMAMO:
[Kila Timu imecheza Mechi 4]
1 Borussia Dortmund Pointi 8
2 Real Madrid 7
3 Ajax 4
4 Man City 2
Manchester City wapo mkiani na hali
ilivyo inaonyesha vinara Borussia Dortmund na Real Madrid ndio watatinga
Raundi ya Mtoano ya Timu 16.
Ili kufuzu, Man City wanaombea miujiza
ambayo ni pamoja na kuifunga Real Madrid Uwanjani Etihad Siku ya
Jumatano, pia kushinda Mechi yao ya mwisho ugenini na Borussia Dortmund
na pia kusali sana ili matokeo mengine yawe mazuri kwao.
Ni hesabu kali sana!
KUNDI E
MSIMAMO:
[Kila Timu imecheza Mechi 4]
1 Shakhtar Donetsk Pointi 7
2 Chelsea 7
3 Juventus 6
4 Nordsjaelland 1 [NJE]
Hapa ni mtanange mkali maana Timu zote 3 zilizo juu, Shakhtar Donetsk, Chelsea na Juventus, mbili kati ya hizo zinaweza kufuzu.
KUNDI F
MSIMAMO:
[Kila Timu imecheza Mechi 4]
1 Bayern Munich Pointi 9
2 Valencia 9
3 BATE Borisov 6
4 Lille 0 [NJE]
Bayern Munich na Valencia zimejongelea
kuingia Raundi inayofuata na kila Timu inahitaji sare tu watakapokutana
huko Spain Siku ya Jumanne.
KUNDI G
MSIMAMO:
[Kila Timu imecheza Mechi 4]
1 Barcelona Pointi 9
2 Celtic 7
3 Benfica 4
4 Spartak Moscow 3
Celtic wanatambua ili kufuzu kuingia
Raundi ya Mtoano ya Timu 16 kwa mara ya kwanza tangu Msimu wa Mwaka
2007/08 ni lazima wawafunge Benfica kwao ndani ya Estadio da Luz.
Ikiwa Celtic watashinda na Barcelona
kutoka sare au kuifunga Spartak Moscow huko Moscow Urusi hapo Jumanne
Usiku basi Benfica na Spartak zitatupwa nje huku zikiwa na Mechi moja
mkononi.
Barcelona bado wanahitaji Pointi 1 kufuzu na Benfica ni lazima waifunge Celtic ili kuweka hai matumaini yao.
KUNDI H
MSIMAMO:
[Kila Timu imecheza Mechi 4]
1 Man United Pointi 12 [IMEFUZU]
2 Galatasaray 4
3 CFR Cluj-Napoca 4
4 Braga 3
Manchester United tayari wamefuzu na tena wameshajihakikishia nafasi ya kwanza ya Kundi H.
Kwa Timu nyingine zote 3 zilizobaki,
moja kati yao inaweza kuungana na Man United lakini hili halitaweza
kujulikana hadi baada ya Mechi za mwisho hapo Desemba 5.
+++++++++++++++++++++++++++++++
MATOKEO:
Jumanne Novemba 6
FC Dynamo Kyiv 0 FC Porto 0
Paris SaintvGermain FC 4 GNK Dinamo 0
FC Schalke 2 Arsenal 2
Olympiacos FC 3 Montpellier Hérault 1
RSC Anderlecht 1 FC Zenit St. Petersburg 0
AC Milan 1 Málaga 1
Manchester City 2 AFC Ajax 2
Real Madrid 2 Borussia Dortmund 2
+++++++++++++++++++++++++++++++
MATOKEO:
Jumatano Novemba 7
Juventus 4 FC Nordsjælland 0
Chelsea FC 3 FC Shakhtar Donetsk 2
Valencia CF 4 FC BATE Borisov 2
FC Bayern München 6 LOSC Lille 1
SL Benfica 2 FC Spartak Moskva 0
Celtic 2 Barcelona 1
CFR 1907 Cluj 1 Galatasaray 3
SC Braga 1 Manchester United 3
+++++++++++++++++++++++++++++++
RATIBA MECHI ZA MWISHO ZA MAKUNDI:
Jumanne Desemba 4
GNK Dinamo v FC Dynamo Kyiv
Paris SaintvGermain FC v FC Porto
Montpellier Hérault SC v FC Schalke 04
Olympiacos FC v Arsenal FC
Málaga CF v RSC Anderlecht
AC Milan v FC Zenit St. Petersburg
Borussia Dortmund v Manchester City FC
Real Madrid CF v AFC Ajax
Jumatano Desemba 5
FC Shakhtar Donetsk v Juventus
Chelsea FC v FC Nordsjælland
LOSC Lille v Valencia CF
FC Bayern München v FC BATE Borisov
FC Barcelona v SL Benfica
Celtic FC v FC Spartak Moskva
Manchester United FC v CFR 1907 Cluj
SC Braga v Galatasaray A.S.
No comments:
Post a Comment