MWENYEKITI wa kamati ya uchaguzi mkoa wa tabora TAREFA bw.MKAMA BWIRE leo wamepitia usaili wa majina na kuthibitisha hayana kasoro yoyote katika kugombea nafasi mbali mbali za uongozi wa mkoa wa tabora katika mpira wa miguu majina 19.
Katika usaili huo alijumuika na kufanya kazi vizuri ipasavyo bila kufoji jina lolote la mgombea na wagombea 19 ndiyo wanaingia katika kinyang'anyiro cha kugombea nafasi mbalimbali katika mpira wa miguu mkoa wa tabora TAREFA.
Majina yaliyopitishwa hii leo katika usaili huo tarehe 27/11/2012 katika nafasi ya MWENYEKITI.
1.Musa Ntimizi
2.Yusuph kitumbo.
3.Laurent paul
-===NAFASI YA MAKAMU MWENYEKITI
1.A laija Mwiga
===NAFASI YA KATIBU
1.Albert sitta
2.Fatteh Dewj
===NAFASI YA KATIBU MSAIDIZI
,,,,,,HAKUNA MGOMBEA
====NAFASI YA MWEKA HAZINA
1.Mussa Msananga
===NAFASI YA MWEKA HAZINA MSAIDIZI
,,,,HAKUNA MGOMBEA
===NAFASI YA MJUMBE MKUTANO MKUU TFF
1.Dick Mlimuka
2.Milambo Kamili
3.Ramadhani Maghembe
4.Charles Mwakambaya
===NAFASI YA MWAKILISHI WA VILABU
1.Achery manjori
2.Razack j.Kumba
3. Lwamba yussa
===NAFASI YA UJUMBE KAMATI YA UTENDAJI
1.Stanslaus Sizya
2.Abdul mohamed Aman
3.James Erick Kabepele
===NAFASI YA MWAKILISHI WA MPIRA WA MIGUU KWA UPANDE WA WANAWAKE
1.Janeth Michael
Na kesho tarehe 28/11/2012 ni siku ya kuwasilisha pingamizi kama zitakuwa zipo kwa wagombea wanaowania nafasi mbali mbali za uongozi.kama rufaa zitakuwepo na kama hazitakuwepo kuanzia tarehe 6/12/2012 wagombea wataruhusiwa kuanza kampeni mpaka tarehe 21/12/2012,na tarehe 22/12/2012 ni siku ya uchaguzi mkoa wa tabora TAREFA
KIM POULSEN AKIPIGA CHABO WAGANDA NA WAHABESHI NAMBOOLE
 |
Kocha wa
timu ya taifa ya Tanzania Bara, Kilimanjaro Stars, Mdenmark Kim Polusen (kulia)
akishuhudia kwa makini mchezo wa Kundi A, kati ya Uganda na Ethiopia, Kombe la
Mataifa ya Afrika Mashariki na Kati, CECAFA Tusker Kagame Uwanja wa Mandela, Namboole,
Kampala, Uganda. Wengine kushoto kwake ni Michael Mukunza wa Executive
Solutions, Waratibu wa udhamini wa Kilimanjaro Premium Lager kwa Stars na Kocha
Msaidizi, Sylvester Marsh.
|
JB ATUA KIFALME DAR, AAHIDI SHOO YA KUFA MTU IJUMAA LEADERS
 |
| JB Mpiana akizungumza mna Waandishi Dar es Salaam leo |
MWANAMUZIKI
nguli wa dansi Afrika, JB Mpiana ametua jijini Dar es Salaam juzi tayari kwa
maonyesho kadhaa, likiwamo lile la uzinduzi wa albamu ya Mashujaa Band
inayokwenda kwa jina la Risasi Kidole, litakalofanyika Ijumaa katika viwanja
vya Leaders Club, Dar es Salaam.
Kabla ya
shoo hiyo ya Ijumaa, JB Mpiana ambaye amekuja na kundi lake zima la Wenge
Musica BCBG, likiwahusisha wanamuziki wake za zamani na wapya, atauwasha moto
jijini Arusha kesho kabla ya kufanya kweli jijini Mwanza Jumapili.
Akizungumza katika
Hoteli ya Double Tree iliyopo Masaki, Dar es Salaam, JB Mpiana ameahidi kutoa
shoo ya aina yake ambayo anaamini itakonga nyoyo za Watanzania.
Alisema kuwa
amefurahisa sana kuja Tanzania kwa mara nyingine, ikiwa ni pamoja na mapokezi
aliyoyapata, akiahidi kutoa burudani ya nguvu kwa Watanzania kuwalipa mapokezi
waliyomwonesha.
“Nina imani waandaaji wamefanya maandalizi ya
kutosha, nimekuja na wanamuziki wangu wote 25, nimekuja na vifaa vyangu vyote
vilivyopo katika kundi langu, ili kutoa burudani ya kutosha kwa Watanzania.
“Nimewaletea albamu inayojulikana kwa jina la
Biloko (chakula), watanzania wajiandae kula, yaani kupata burudani ya nguvu
kutoka kwangu na kundi langu,” alisema JB Mpiana.
Kati ya
wasanii aliokuja nao, alisema wapo wale wa zamani aliokuwa nao enzi hizo ndani
ya kundi lake hilo lilipoanza kutamba katika anga ya muziki, na wengine wapya
ambao wapo fiti.
Katika
programu yake hapa nchini, amesema atapiga nyimbo zake za zamani na mpya ili
kuwapa watanzania fursa ya kupata vionjo vya zamani na vipya, kuweza kupima
ubora wa kazi hizo.
Akizungumzia
muziki wa Tanzania, amewataka wasanii wa hapa nchini kujituma na kuzipenda kazi
zao na kuiheshimu waweze kufanikiwa katika kazi zao hizo.
Juu ya
kiongozi wa safu ya unenguaji, alisema safari hii inaongozwa na mwanadada
Zambrota, ikiwa ni baada ya kufariki kwa aliyekuwa akishikilia nafasi hiyo,
Monica.
“Nimefurahi sana kuja Tanzania kwa mara
nyingine, wapenzi wa burudani wajiandae kupata shoo ya nguvu kutoka kwa JB
Mpiana,” alisema mkali huyo.
Kwa upande
wake, Mkurugenzi wa kampuni ya QS Muhonda, Joseph Muhonda, waratibu wa maonesho
hayo, amesema kuwa ni matarajio yao wakazi wa Dar es Salaam, Arusha na Mwanza,
watafurahia shoo hiyo kutoka kwa JB Mpiana na Mashujaa kutokana na maandalizi
ya nguvu waliyofanya, akiwataka wakazi wa maeneo hayo, kujitokeza kwa wingi.
Alisema kuwa
katoka onesho la JB Mpiana jijini Arusha, atatumbuiza katika ukumbi wa Triple A
kuanzia saa tatu usiku, wakati Desemba Mosi atakuwa katika ukumbi wa Villa Park
kuanzia saa tatu usiku.
“Maandalizi yote yapo sawa, kila kitu
kimekamilika, tuliahidi JB Mpiana anakuja na kweli amekuja kama mlivyomuona,”
alisema na kuongeza kuwa JB Mpiana atasindikizwa na wasanii wa Bongo Fleva kama
H Baba, MB Doggy, Ney wa Mitego na wengineo.
TENGA ASEMA WATAKUTANA NA SERIKALI KUMALIZA UTATA WA TRA
 |
| Tenga |
SHIRIKISHO
la soka Tanzania (TFF) pamoja na Wizara ya Habari, Utamaduni, Vijana na
Michezo, wanatarajiwa kukutana na Mamlaka ya Mapato Tanzania (TRA) kwa ajili ya
kuzungumzia mustakabali mzima wa suala la makato katika michezo mbalimbali.
Hatua hiyo
inafuatia TRA kuzifunga akaunti za udhamini wa ligi hiyo kama shinikizo kwa
TFF kulipa makato ya kodi kwenye
mishahara ya timu ya taifa ‘Taifa Stars’ tangu kipindi cha kocha Mbrazil Marcio
Maximo kwa madai kwamba imekuwa haikatwi kodi za mishahara ya makocha na hivyo
kufikia sh milioni 157,407.968.00.
Rais wa TFF,
Leodger Tenga amesema leo kwamba kitendo walichokifanya TRA ni jambo la heri
kwani kinaonyesha majukumu ya Serikali katika soka.
Alisema
ukaribu uliopo sasa baina ya Serikali chini ya Rais Kikwete na soka ni mkubwa
kutokana na ukweli kwamba inachangia kwa
kiasi kikubwa kulipa mishahara ya makocha wa timu za Taifa.
Alisema
suala hilo linahitaji mazungumzo baina ya pande hizo ili kuweza kulipatia
ufumbuzi na hakuna haja ya kuilaumu TRA kwa sababu inafuata taratibu
zilinazostahili kwa mujibu wa kanuni.
“Hawana njia nyingine ya kufanya hivyo
ufumbuzi ni sisi ni kukutana na Wizara na TRA ili kulizungumza hili na katika
siku mbili hizi tunarajiwa kukutana,”alisema
Tenga
aliongeza kuwa TFF haina uwezo wa kulipa fedha hizo na kwamba hela
zilizochuliwa si za Shirikisho hilo bali ni za ligi kuu Bara ambazo zimetolewa
na wadhamini wake, kampuni ya simu za mkononi,Vodacom kwa maelekezo maalum.
“Ni jambo nyeti na lazima lifanyiwe kazi,
hatuwezi kumlamu mtu na nimatumaini tutakapoketi pamoja tutapata
ufumbuzi,”alisema.
Aidha, Tenga
alisema wanatarajia kuzungumzia suala la makato ya michezo mbalimbali ambayo
yamekuwa yakilalamikiwa na vilabu kwa muda mrefu.
“Changamoto za namna hiyo tumekuwa
tukizifanyia kazi kwa muda mrefu na ndiyo maana tangu mwaka 2005 asilimia ya
makato ya TFF imekuwa ikipunguzwa, nadhani ni kuendelea kuwa na subira.
TFF NA TAMTHILIYA TIKETI ZA ELEKTRONIKI
SHIRIKISHO
la soka Tanzania (TFF) linaamini kutumika kwa tiketi za kielektroniki katika
mechi mbalimbali nchini utakuwa ni muarobaini wa tatizo la mapato.
Benki ya
CRDB ndiyo imepewa tenda ya kutayarisha tiketi hizo ambazo zitaanza kutunmika
rasmi katika mzunguko wa pili wa ligi kuu ya Vodacom mwezi Februari mwakani.
Akizungumza
na waandishi wa habari jana, Rais wa TFF Leodger Tenga alisema kwamba hatua
hiyo ni jambo la heri na muhimu sana katika kipindi hiki ambacho wadau wamekuwa
wakilalamikia suala la upatikanaji wa mapato kiduchu.
Alisema
pamoja na uzuri wa jambo hilo, lakini wengi watashtuka na kutaka kurudisha
nyuma mchakato huo utakaojenga heshima, lakini Shirikisho hilo halitakubali
kurudishwa nyuma.
“Najua wengi litawaathiri sana kwa namna moja
ama nyingine na hivyo kuanza kuleta vikwazo ili lisifanikiwe, tumesimama imara
kuhakikisha hili linatimia ili kujenga heshima,”alisema Tenga
TFF YAPUUZA SUALA LA VIJEBA U17 YA KONGO BRAZZAVILLE
|
| Tenga |
RAIS wa Shirikisho la soka Tanzania (TFF), Leodger Tenga amewataka wachezaji wa timu hiyo kuachana na fikra ya kuwa wapinzania wao, Congo Brazaville inaundwa na wachezaji waliozidi umri ‘Vijeba’ , badala yake vijana hao wajitume ili ushindi upatikane.
Hatua hiyo
inafuatia kuwepo kwa malalamiko ya Congo Brazavile kuchezesha Vijeba katika
mechi yao ya awali ya kuwania kucheza fainali za Afrika wiki iliyopita jijini
Dar es Salaam ambapo Serengeti ilishinda bao 1-0.
Akizungumza
jijini Dar es Salaam jana, Tenga alisema haoni sababu ya kuwakatia rufaa kama
ilivyoelezwa awali, kwani tayari walisharipoti kwa kamishna wa mchezo huo
na kama watafanya hivyo itakuwa baadaye.
Alisema
wachezaji hao hawana budi kuelekeza akili zao kwenye mechi ya marudiano itakayopigwa
ugenini mwishoni mwa wiki hii na kuhakikisha wanashinda ili kusonga mbele.
“Nisingependa hili neno la Vijeba liingie
katika akili za hawa watoto ili waende kupambana na kurudi na ushind,”alisema.
Aidha, Tenga
amewapongeza vijana hao kwa ushindi walioupata katika mchezo wao wa awali licha
ya kuwa ni finyu na kuwataka kuendelea na moyo wa kujituma ili waweze kufika
mbali.
“Pia TFF inashukuru mashabiki waliojitokeza
kwa wingi kuja kuishangilia timu yao, sambamba na kamati ya kuisaidia Serengeti
kwa mchango wao wa hali na mali,”alisema.
Katika hatua
nyingine, Tenga ametolea ufafanuzi suala la mgawo wa sh mil 1 kati ya mil 23
zilizopatikana katika mchezo wa Serengeti Boys na wenzao wa Congo Brazaville
baada ya kamati ya kuisaidia Serengeti ambayo ilichanga milioni 35 kulalamika.
Tenga
alisema mil.35 zilizochangwa na kamati hiyo zilitumika kufidia hasara
iliyopatikana katika mchezo huo kwani mchezo unaofanyika katika uwanja wa Taifa
na kuingiza chini ya mil.80 ni lazima TFF ibaki na madeni.
“Ndiyo maana tumekuwa tuklipeleka mechi
bndogondogo na zile za vijana katika uwanja wa Uhuru kwa sababu ya gharama za
Uwanja wa Taifa, lakini kutokana na uwanja wa Uhuru kutotumika ndo hatuna dudi
kubaki Taifa na matokeo yake ndiyo kama hivyo.”alisema Tenga.
Tenga
aliongeza kwamba, mara nyingi TFF imekuwa ikipata mzigo wa kulipa madeni
yanayotokana na hasara za michezo mbalimbali inayofanyika kwenye uwanja wa
Taifa.
Tenga
alisema kwa sasa timu hiyo inatakiwa kuendelea kujengwa kisaikolojia ili iweze
kuwa katika hali nzuri na kufanikisha malengo yake ambayo ni muhimu kwa
maendeleo ya soka la Tanzania.
Kikosi cha
wachezaji 18 na viongozi saba wa Serengeti
Boys kinatarajiwa kuondoka nchini kesho kwenda Congo Brazzavile tayari
kwa mchezo huo.
AVEVA WA SIMBA KUPAMBANA NA N YEZI WA YANGA DRFA
HATIMAYE
wagombea 23 wamepitishwa kuwania uongozi
katika Uchaguzi wa Chama cha Soka Mkoa wa Dar es Salaam (DRFA), unaotarajiwa
kufanyika Desemba 12, mwaka huu jijini Dar es Salaam.
Akizungumza
jijini Dar es Salaam jana, Mwenyekiti wa kamati ya uchaguzi ya DRFA, Juma
Simba, alisema majina hayo yamepitishwa baada ya kufanyika usaili pamoja na
kujadili pingamizi na rufaa zilizowasilishwa.
Alisema
awali wagombea 36 walijitokeza na kuomba nafasi mbalimbali, kabla ya wengine
kuenguliwa ama kujitoa katika kinyang’anyiro kwa sababu mbalimbali.
Aliwataja
waliopitishwa kuwania nafasi ya uenyekiti ni pamoja na Ayoub Nyenzi, Evans Aveva, Brown Ernest na
Almasi Kasongo, huku nafasi ya Makamu Mwenyekiti itawaniwa na Meba Ramadhan,
Salum Mwaking'inda, Gungurungwa Tambaza na Ally Mayai.
Kwa upande
wa nafasi ya Katibu watakaochuana ni pamoja na
Msanifu Kondo na Khamis Ambari, huku waliopitishwa kuwania nafasi ya mjumbe wa mkutano mkuu wa
Shirikisho la soka Tanzania ni Shafii Dauda, Muhsin Balhabouh na Shufaa Jumanne
“Wanaowania ujumbe wa kamati ya utendaji ni
Shaban Kupasya, Siza Chenja, Sunday Mwanahewa, Hamis Kisiwa, Franck Mchaki na
Baraka Mapande wakati watakaowania ujumbe kuwakilisha klabu ni Benny Kisaka,
Juma Pinto, Frank Mchaki na Philemon Ntahilaja”, alisema
Aidha, Simba
aliwataja wajumbe ambao wamechujwa ni Salum Mkemi na Juma Jabir (Uenyekiti),
Issac Mazwile (Makamu Mwenyekiti), Said Tully na Kassim Mustaffa (Katibu Mkuu),
Isaack Mazwile (Mjumbe Mkutano Mkuu TFF) na Chano Karaha (Mjumbe Kamati ya
Utendaji).
KENYA YAFUFUA MATUMAINI CECAFA TUSKER CHALLENGE
 |
Kiungo wa
Kenya, Kevin Omondi akimdhibiti mshambuliaji wa Sudan Kusini, Martin Kamis
anayejaribu kuondoka na mpira katika mechi ya Kundi A, Kombe la Mataifa ya
Afrika Mashariki na Kati, CECAFA Tusker Challenge, Uwanja wa Mandela, Namboole,
Kampala, Uganda jioni hii. Kenya ilishinda 2-0 mabao ya David Ochieng dakika ya
24 na Clifton Miheso dakika ya 72. Kenya sasa inaongoza Kundi A kwa wastani wa
mabao, ikiwa na pointi sawa na Uganda na Ethiopia ambazo zinamenyana baadaye
kidogo.
|
 |
Beki David
Owino akiwatoka wachezaji wa Sudan
|
 |
| Kenya wakishangilia bao la pili |
SIMBA SC WAMLILIA SHARO MILIONEA
 |
| Marehemu Sharo Milionea |
MWENYEKITI wa klabu ya Simba, Mhe; Ismail Aden Rage, amepokea kwa masikitiko makubwa taarifa za msiba wa aliyekuwa msanii maarufu wa muziki na filamu, Hussein Ramadhani Mkiety, maarufu kwa jina la Sharo Milionea, kilichotokea jana usiku mkoani Tanga.
Kwa niaba ya
klabu ya Simba na kwa niaba yake binafsi, Mwenyekiti anapenda kutuma salamu za
pole kwa familia ya marehemu, ndugu, jamaa na marafiki wote wa marehemu
kutokana na msiba huu mkubwa sana si kwao pekee bali kwa taifa zima la
Tanzania.
Sharo Milionea
hakuwa msanii wa kawaida. Yeye ni miongoni mwa kizazi kipya cha vijana wa
Kitanzania walioamua kutafuta maisha kwa kutumia vipaji walivyopewa na Mungu.
Yeye alijitumbukiza zaidi katika uchekeshaji na baadaye akaonyesha uwezo mkubwa
katika fani ya muziki.
Sharo
alikuwa maarufu kiasi kwamba makampuni makubwa yalikuwa yameanza kumtumia
kwenye matangazo yao ya kibiashara. Hii ilionyesha kwamba makampuni yalibaini
faida itakayopatikana kwao kwa kumtumia msanii huyu ambaye bado alikuwa na
heshima kubwa kwenye jamii kutokana na haiba yake na uwezo wake kwenye kazi
alizokuwa akifanya.
Msiba huu
umekuwa pigo kubwa kwa tasnia ya filamu ambayo bado inaomboleza vifo vya
wasanii kama Steven Kanumba, Mlopelo na John Steven Maganga, waliofariki dunia
mwaka huu pia.
"Ifahamike
kwamba Sharo Milionea alikuwa miongoni mwa wasanii wa Kitanzania waliotuma
maombi Simba ya kutaka kushiriki kwenye mchakato wa kutengeneza wimbo rasmi wa
klabu ya Simba. Yeye alikuwa miongoni mwa wasanii waliokuwa wakiumizwa na
ukweli kwamba klabu kama Simba inashindwa kufanya biashara ya kuuza nyimbo zake
ilhali wanunuaji wapo," alisema Rage.
Kwa klabu ya
Simba, namna pekee ya kumuenzi marehemu ni kufanyia kazi mambo ambayo alikuwa
akitushauri kwenye eneo la biashara. Ni matumaini yetu kwamba iwapo tutafanya
lile alilokuwa akitushauri, atakuwa mwenye amani huko alikotangulia mbele ya
haki.
Rage
amewaomba wasanii wa tasnia ya filamu na muziki kuwa watulivu na wenye subra
kwenye kipindi hiki kigumu kwao. Kila kitu katika maisha ya wanadamu kinapangwa
na Mwenyezi Mungu na ndiyo maana Waswahili wana msemo kuwa Kazi ya Mungu haina
makosa.
ZANZIBAR WAOMBA RADHI KWA SARE YA JANA
 |
| Wachezaji wa Zanzibar baada ya mechi jana |
NAHODHA wa
Zanzibar, Nadir Haroub ‘Cannavaro’ amewaomba radhi mashabiki wa soka wa
Zanzibar kwa kushindwa kuifunga Etritrea jana na kuahidi watafanya vizuri
katika michezo ijayo.
Akizungumza kutoka uganda beki huyo wa Yanga alisema kwamba matokeo ya jana
yaliwasononesha mno na hawakuyatarajia kabisa, na ndiyo maana baada ya mchezo
wachezaji wote walikuwa wenye huzuni.
“Kwa kweli
hatukutarajia kabisa, na hatuwezi kumlaumu mtu yeyote, sisi wenyewe tu
hatukucheza vizuri. Hayo ni mambo ambayo yanatokea kwenye soka,”alisema.
Cannavaro
alisema kwamba si kweli kama waliwadharau Eritrea, hapana bali ilitokea tu hali
ya wao kutokuwa vizuri kimchezo.
“Tulikuwa
tunajiamini na tuna uzoefu na Eritrea, ni timu inayosumbua sana, lakini leo
(jana) mipango yetu yote waliinasa, inatokea hiyo kwenye mchezo, tunawaomba
radhi mashabiki wetu nyumbani na tunaomba waendelee kutusapoti na kuwa na imani
na timu yao,”alisema.
Cannavaro
alisema wamejifunza kutokana na makosa ya jana na baada ya mechi kila mchezaji
alisema kuna kazi ya kufanya. “Tumekubali wote, kuna kazi ya kufanya, na kweli
tutafanya kazi kweli, tunajua mechi zote zilizobaki ni ngumu, lakini
tutapigana,”alisema.
KIBOKO YA SIMBA, YANGA ATUA AZAM FC
 |
| Seif Abdallah |
MSHAMBULIAJI
wa Ruvu Shooting, Seif Abdallah amethibitisha kwamba kuanzia Januari mwakani
atakuwa akichezea Azam FC ya Dar es Salaam katika Ligi Kuu ya Vodacom Tanzania
Bara.
Seif ambaye
ameonyesha uwezo mkubwa wa kufunga mabao katika mzunguko wa kwanza wa Ligi Kuu
akiwa na Ruvu Shooting,alisema jana mjini uganda kwamba
amekwishafikia makubaliano na Azam kujiunga nao mwakani.
“Azam ni
timu kubwa, nitafurahi sana kuanza kuichezea mwakani, naamini ni hatua moja
mbele ya mafanikio katika maisha yangu ya mpira na ninaamini pia nitafanya
vizuri kwa sababu najiamini,”alisema chipukizi huyo.
Seif ana
mabao saba hadi baada ya mzunguko wa kwanza wa Ligi Kuu, akiwa anachuana na
Didier Kavumbangu wa Yanga na Kipre Tcheche wa Azam, ambao kila mmoja ana mabao
nane.
Seif, ambaye
katika CECAFA Tusker Challenge anaichezea Zanzibar alizifunga timu zote kubwa
katika mzunguko wa kwanza, Simba, Yanga na Azam na baada ya hapo, vigogo wote
hao wakawa wanamuwinda.
Yanga
walifanya jitihada, wakati Simba walikuwa wanasikilizia, lakini Azam imewapiku
wote.
NIYONZIMA ATAMANI KUBAKI YANGA, LAKINI...
 |
| Haruna Niyonzima |
KIUNGO wa
Yanga, Haruna Hakizimana Fadhil Niyonzima amesema kwamba iwapo Yanga watakubali
ofa ya klabu ya El Merreikh ya Sudan, atakuwa radhi kuondoka klabu hiyo na
kwenda kuanza maisha mapya Khartoum.
Akizungumza jana mjini uganda na waandishi wa habari Nahodha huyo wa Rwanda katika michuano ya
Kombe la Mataifa ya Afrika Mashariki na Kati, CECAFA Tusker Challenge alisema
kwamba anaipenda sana Yanga lakini soka kwa sababu ni kazi yake, anaangalia
maslahi pia.
“Mimi
walinifuata Merreikh, nikawaambia nina mkataba na Yanga, wawasiliane na Yanga.
Kama Yanga watakubali, mimi nitaangalia maslahi tu, Merreikh wakinipa maslahi
mazuri kuliko nayopata Yanga sitakuwa na tatizo,”.
“Lakini
kwanza, Yanga wao wenyewe wakubali kuniuza, wakikubali mimi sina tatizo,
nawaheshimu sana Yanga wamenilea vizuri kwa kipindi chote nilichokuwa nao na
ndiyo maana uwezo wangu haujayumba,”alisema Niyonzima.
Lakini
Haruna alisema ana ofa pia ya kwenda kucheza Ubelgiji, ingawa alisema hiyo ipo
nusu kwa nusu tofauti na ya Merreikh ambao wameonyesha nia ya moja kwa moja ya
kumuhitaji.
“Kucheza
Ulaya ni kitu ambacho kila mchezaji wa Afrika anakitaka, kama Mungu atapenda
niondokee Yanga kwenda Ulaya, nitafurahi, na kama kuondokea Sudan, yote sawa,
au nitamalizia soka yangu Afrika, yote sawa pia,”alisema.
Niyonzima ni
kati ya wachezaji wa Yanga wanaong’ara katika CECAFA Tusker Challenge, wengine
wakiwa ni Hamisi Kiiza wa Uganda, Frank Domayo wa Tanzania Bara na Nadir Haroub
‘Cannavaro’ wa Zanzibar.
Niyonzima
aliyesajiliwa Yanga mwaka jana kutoka APR ya nyumbani kwao, Rwanda jana
aliiongoza nchi yake, kuifunga mabao 2-0 Malawi katika mchezo wa Kundi C,
akiifungia Amavubi bao la pili kipindi cha pili, baada ya Jean Baptiste
Mugiraneza kufunga la kwanza kipindi cha kwanza.
KENYA HATARINI KUPOKONYWA TONGE MDOMOIN NA RWANDA
 |
| Kikosi cha Kenya |
KENYA wako
hatarini kupokonywa uenyeji wa Kombe la Mataifa ya Afrika Mashariki na Kati,
CECAFA Tusker Challenge mwakani na badala yake wakapewa Rwanda.
Habari
kutoka kwenye Mkutano wa Baraza la Vyama vya Soka Afrika Mashariki na Kati
(CECAFA) uliofanyika Ijumaa iliyopita, zimesema kwamba Rwanda wameambiwa wakae
tayari kwa uenyeji wa michuano hiyo, iwapo Kenya itachemsha.
Habari zinasema
Mwenyekiti wa Shirikiasho la Soka Kenya (FKF), Sam Nyamweya, awali alisema
katika Mkutano Mkuu wa CECAFA kwenye hoteli ya Serena, kwamba Kenya tayari
imekwishapata mfadhili wa mashindano hayo.
Kasha
baadaye, Mwenyekiti wa Shirikisho la Soka Rwanda, FERWAFA, Celestin Ntagungira,
akasema itakuwa tayari kutaja jina la mdhmaini
wa Challenge ndani ya wiki mbili wakipewa uenyeji.
Katika
kuamua utata huo, Rais wa CECAFA Injinia Leodegar Tenga alisema haki za uenyeji
wa Challenge ya mwakani zitakwenda kwa nchi ambayo kwanza itawahakikishia
mdhamini wa mashindano.
YANGA IMEPANGA KUMUUZA NIYONZIMA.
|
| Haruna Niyonzima |
Jumamosi wiki iliyopita, El-Merreikh iliiandikia Yanga ikionyesha nia yake ya kutaka kumnunua Niyonzima na kuomba iambiwe thamani ya mchezaji huyo ili iweze kumsajili haraka iwezekanavyo.
Mtandao huu una uhakika El-Merreikh ambayo makao makuu yake yapo mjini Khartoum, imepanga kwa gharama yoyote kuhakikisha inamsajili kiungo huyo ili aweze kuisaidia katika nafasi ya kiungo.
“Klabu yetu ina fedha za kutosha, tunachotaka ni kumsajili Niyonzima ili kuimarisha safu ya kiungo kwa sasa kwani tunadhani yeye ni miongoni mwa viungo wa Afrika Mashariki na Kati kwa wakati huu,” kilisema chanzo chetu makini cha habari kutoka El-Merreikh.
Katika barua pepe ya maombi ya kumsajili Niyonzima kutoka El-Merreikh, klabu hiyo imesisitiza kujibiwa haraka kuhusu dau la mchezaji ili mchakato wa usajili ufanyike haraka pindi makubaliano yakifikiwa. Dirisha dogo la usajili Tanzania Bara limeanza 15 Novemba hadi 15 Desemba mwaka huu.
Uongozi wa Yanga uliketi wikiendi hii na kukubaliana kumuuza Niyonzima kwa dau la dola 150,000 kwa El-Merreikh lakini ikisisitiza kuwepo kwa mazungumzo kati ya klabu hizo kwani kiungo huyo amebakisha si zaidi ya miezi sita kumaliza mkataba wake wa miaka miwili na Yanga.
“Tulipokea maombi ya El-Merreikh wikiendi iliyopita na ndani ya muda mfupi tulikaa na kujadili kisha tukapata jibu la kumuuza Niyonzima kwa dola 150,000 lakini tunaweza kuzungumza zaidi na timu hiyo.
“Lengo letu ni kumuona mchezaji ananufaika na uwezo wake wa uwanjani na siyo kumzibia njia ya kutoka hasa inapopatikana nafasi ya kufanya hivyo. Tumeshawajibu El-Merreikh na sasa tunasikiliza watasemaje,” alisema kiongozi mmoja wa Yanga aliye ndani ya kamati ya usajili ambaye hakutaka jina lake litajwe.
Hata hivyo viongozi wa El-Merreikh kutoka Sudan, wamesema bado hawajapata majibu ya Yanga, na walipoambiwa klabu hiyo inahitaji dola 150,000 ili imuachie Niyonzima, mmoja wa viongozi hao alisema; “Mbona nyingi mno?”
Kiongozi huyo alisema kiasi hicho ni kikubwa kulinganisha na thamani ya mchezaji uwanjani na umri wake, pia muda uliobaki katika mkataba wake.
“Hata hivyo, majibu ya Yanga yakitufikia tutajadiliana na kuamua nini cha kufanya japokuwa Niyonzima ni mchezaji mzuri kweli,” alisema kiongozi huyo.
Niyonzima ambaye Yanga ipo katika mchakato huo wa kumuuza, kwa sasa yupo Rwanda akiwa na kikosi cha timu ya taifa ya nchi hiyo kinachojiandaa na michuano ya Afrika Mashariki na Kati maarufu kama Kombe la Chalenji itakayoanza wikiendi hii huko Kampala, Uganda.
Kiungo huyo alipomtafutwa kwa njia ya simu, hakuweza kupatikana kuzungumzia maombi hayo ya El-Merreikh.
KATONGO AKABANA NA YAYA, DROGBA KUWANIA TUZO YA MWANASOKA BORA AFRIKA BBC
Tuzo mchezaji Bora wa BBC 2012
Majina ya wachezaji watano wanaowania tuzo la BBC la mchezaji bora zaidi barani Afrika mwaka 2012 yametangazwa.
Yaya Toure, kwa mwaka wa pili mfululizo, yupo kwenye orodha hiyo.
Mwenzake katika timu ya taifa ya Ivory Coast, Didier Drogba pia yumo.
Wachezaji
wengine ni pamoja na Demba Ba kutoka Senegal, Younes Belhanda wa
Morocco na nahodha wa timu ya Zambia, Christopher Katongo.
Huu umekuwa ni mwaka wa ufanisi kwa wachezaji hao, na timu za wachezaji wanne zikionyesha ustadi kwa kupata vikombe.
Inaelekea
Drogba aliondoka Chelsea wakati muwafaka, mara tu baada ya timu yake
kukamilisha msimu kwa ushindi wa klabu bingwa barani Ulaya, hii ikiwa ni
mara ya kwanza katika historia ya klabu, na vile vile akipata bao la
ushindi katika fainali ya Kombe la FA.Raia mwenzake wa Ivory Coast,
Toure, naye akiichezea Manchester City, aliihakikishia timu yake ubingwa
wa ligi kuu ya Premier kwa mara ya kwanza; kombe lao muhimu zaidi
katika kipindi cha miaka 44.
Belhanda
aliisaidia timu yake ya Ufaransa ya Montpellier kupata ushindi katika
ligi ya Ufaransa daraja la kwanza, kwa kufanikiwa kupata magoli 12
katika msimu.
Katika
mapambano ya kimataifa, Katongo, kutoka Zambia, naye akiiongoza timu
kama nahodha, alifanikiwa kuiwezesha timu yake ya Chipolopolo kuishinda
Ivory Coast, na kuibuka mabingwa wa Kombe la Mataifa ya Afrika, baada ya
kuishinda Ivory Coast katika fainali, kupitia mikwaju ya penalti.
Ba
hakung'ara katika fainali za Kombe la Mataifa ya Afrika, baada ya
Senegal kuondolewa katika hatua ya makundi, lakini binafsi aliweza
kuifanyia timu yake ya Newcastle kazi nzuri, na msimu uliopita
alitangazwa kuwa mshambulizi bora zaidi, kwa kufunga jumla ya magoli 17,
na kuiwezesha timu kumaliza katika nafasi ya tano.
KIM POULSEN: NITAWAGONGA TU BURUNDI SINA SHAKA YOYOTE.
Kocha wa timu ya taifa ya Tanzania
Bara ( The Kilimanjaro Stars) Kim Poulsen amesema amesha isoma vizuri timu ya taifa ya Burundi na sasa anasubiri kuwafunga.
Pambano hilo litapigwa hapo kesho kwenye dimba la Uwanja wa Namboole ukiwa ni mchezo wa pili baada ya ushindi wa mabao 2-0 dhidi ya Sudani Kusini mchezo uliopigwa jumapili iliyopita.
Pambano hilo linatarajiwa kuwa ugumu wa aina yake kwakuwa linazikutanisha timu ambazo zote zilianza kwa matokeo ya ushindi ambapo wao Burundi walianza kwa kuwaning'iniza Somalia kwa mabao 5-1.
Timu
yoyote itakayo shinda katika mchezo huo itakuwa imefuzu moja kwa moja
kucheza hatua ya robo fainali kwani itakuwa imefikisha
alama sita.
Kim Poulsen alitumia muda wa takribani dakika 45
kuzishuhudia Burundi na Somalia na baada ya hapo alisikika akisema kazi imekwisha.
"Nimeziangalia
timu hizi ambazo tuko katika kundi moja kwa dakika 45 nadhani kazi
imekwisha, Burundi wana mchezo mzuri lakini wana makosa mengi ya
kimchezo hivyo nitatumia makosa yao kupata ushindi"
"Ninakikosi kizuri ukilinganisha na jinsi walivyocheza hawa na ninakiamini"
"Kikosi changu kina wachezaji
vijana ambao kila siku wanabadilika na wanajiamini sina shaka hata kidogo na
uwezo wao na nina matumaini tutawashinda na kusonga mbele katika hatua ya robo
fainali,".
Kim pia alisifu ushirikiano wa winga
Mrisho Ngasa na mshambuliaji John Bocco akisema utazaa matunda mazuri katika
kikosi chake.
"Ngasa na Bocco wanafanya kazi nzuri
naamini wakiendelea na ushirikiano huu mambo yatakuwa mazuri zaidi
kwetu,".alisema Kim.CECAFA CHALENJI CUP: Rwanda 2-0 Malawi Zanzibar 0-0 Eritrea
Mabao mawili
yaliyofungwa katika kila kipindi yametosha kuwapa ushindi wa mabao 2-0 timu ya
taifa ya Rwanda ‘Amavubi’ dhidi ya timu ya Taifa ya Malawi “The Flames” na
hivyo kuanza vema kampeni ya kuwania taji la michuano ya ‘Cecafa Tusker Chalenji
Cup 2012’mchezo wa kundi C uliopigwa katika dimba la Namboole.
Rwanda ilianza
kulisakama lango la Malawi tangu mapema kunako dakika ya 8 kupitia kwa Jimmy
Mbagara lakini hata alikuwa tayari mwamuzi wa pembeni alikuwa ashiria kuwa
mfungaji alikuwa ameotea.
Jean
Baptiste Muginereza hata aliamsha shamrashamra kwa mashabiki wa Amavubi kunako
dakika ya 38 baada ya kunasa mpira wa krosi wa mlinzi wa Mwemere Ngiritushi.
Kabla ya
goli hilo washambuliaji wa Malawi Joseph Kamwendo, Chimango Kayira na Green
Harawa walikuwa wakishambulia ngome ya Rwanda lakini mlinda mlango wa Amavubi Jean Claude Ndoli alikuwa alikuwa akifanya
kazi ya ziada kuokoa michomo yao.
Mpaka
kipindi cha kwanza kinamalizika huku mwamuzi Ali Kalyango alipopuliza filimbi
ya kuashiria kuwa ni mapumziko Rwanda walikuwa mbele kwa bao hilo 1-0.
Baada ya
mapumziko, Malawi walirejea kwa ari kwa kusukumu mashambulizi katika ngome ya Rwanda
huku wakipata kona tano ndani ya dakika chache za kipindi hicho cha pili.
Dakika ya 78
kiungo ‘skipper’ Haruna Niyonzimana aliandika
bao la pili kwa mabingwa hao wa mwaka 1999 baada ya kazi nzuri ya kuwazunguka
mabeki wa Malawi kabla ya kuachia shuti kali lilikwenda moja kwa moja upande wa
kulia wa mlinda mlango wa Malawi.
Ushindi huo
umewapa uongozi wa kundi C wakiwa na alama 3 na magoli mawili na Malawi wakiwa
mkiani.
Katika mchezo wa mapema Eritrea na Zanzibar zilikwenda
sare ya bila kufungana
WILSHERE KUONGEZEWA MSHAHARA NA UNAHODHA JUU ARSENAL
KIUNGO
Jack Wilshere yuko mbioni kupewa mkataba mpya wakati kocha Arsene
Wenger akijiandaa kumpa beji ya Unahodha wa Arsenal mchezaji huyo.
Mjadala unaoendelea utamfanya kiungo huyo mwenye umri wa miaka 20 aongezewe mshahara wake wa pauni 50,000 kwa wiki anaolipwa.
Nyota huyo wa England bado ana miaka miwili na nusu katika mkataba wake, lakini Arsenal inataka kumtia pingu ili asiote mbawa.
Jack Wilshere sasa anavaa jezi namba 10
Mshambuliaji
Mjerumani, Lukas Podolski ndiye mchezaji anayelipwa fedha nyingi kwa
sasa Arsenal, pauni 90,000 kwa wiki, na mshahara mpya wa Wilshere
unatarajiwa kuwa katika kiwango hicho.
ANELKA KUTUA QPR JANUARI AKIJUTIA KWENDA CHINA
KOCHA mpya wa Queens Park Rangers, Harry Redknapp anataka kumsajili Nicolas Anelka Januari mwakani.
Redknapp atapewa pauni Milioni 10 za kusajili katika dirisha dogo, lakini atahitaji fedha zaidi ili kuingia sokoni.
Nicolas Anelka
Kocha
huyo mwenye umri wa miaka 65 anafahamu anatakiwa kuboresha safu yake ya
ushambuliaji kutokana na kukabiliwa na majeruhi Andrew Johnson na Bobby
Zamora, wanaomfanya abaki na Djibril Cisse kama mshambuliaji pekee.
Na Redknapp amemtambulisha mshambuliaji huyo wa zamani wa Chelsea, Anelka kama mtu anayemtaka kwa mkopo.
Mkongwe
huyo mwenye umri wa miaka 33 ana mkataba na Shanghai Shenua, lakini
anaweza kurejea kuwa muda kucheza England, baada ya kumalizika kwa Ligi
Kuu ya China.
Anelka kwa ujumla yuko tayari kurejea Ulaya baada ya kusema alifanya kosa kuhamia China.
WAZO LA KUONGEZA NCHI WENYEJI KATIKA MICHUANO YA EURO 2020 KUJADILIWA BRUSSELS.
SIMEONE AFURAHISHWA NA KIWANGO CHA ATLETICO.
BRAZIL WACHOMOA KUMUHITAJI GUARDIOLA.
GERRARD, LAMPARD MIONGONI KATIKA ORODHA YA VIUNGO 15 WA FIFPRO 2012.
JOHN TERRY AJIFARIJI KWA KUVAA JEZI YA DI MATTEO.
Nahodha wa Chelsea John Terry amemtumia
maneno ya faraja na pole meneja wake wa zamani Roberto Di Matteo muda mfupi
kabla ya mchezo wa kwanza wa mrithi wake Rafa Benitez dhidi ya Manchester City mchezo
uliochezwa jumapili.
Mlinzi huyo yuko kwasasa yuko nje ya
uwanja kufuatia maumivu ya mguu.
Mlinzi huyo katika kujifariji na
kuonyesha ni namna gani alivyoguswa na kuondolewa kwa Di Matteo Stamford Bridge, alilazimika kuweka pembeni jezi yake yenye nambari 26 japo kwa muda na kuvalia jezi nambari 16
kabla ya kuingia uwanjani kufanya mazoezi ya viungo na wataalamu wa viungo wa
klabu yake.
Jezi hiyo namba 16 ilikuwa ikivaliwa
na Di Matteo enzi za uchezaji wake wakati alipokuwa mchezaji wa Chelsea kwa
kipindi cha miaka minne.
Hata hivyo licha ya kumuunga mkono
meneja wake huyo wa zamani, Terry amesisitiza kuwa ndani ya chumba cha
kubadilishia nguo hali ni shwari na vijana wameungana na Benitez licha ya
upinzani kutoka katika viunga vya
Merseyside.
"Alhamisi tulimkaribisha Rafa
Benitez kama meneja wetu mpya na wachezaji wote wanaangalia mbele kufanya naye
kazi"
CHELSEA wamwangukia Refa Clattenburg!!
>>KUANZA tena kuchezesha Jumatano Southampton na Norwich City!!
REFA
Mark Clattenburg amekutana na Mwenyekiti wa Chelsea Bruce Buck jana
katika kile kinachodhaniwa kutafuta suluhu baada ya Refa huyo kuoshwa na
Chama cha Soka England, FA, kuhusu tuhuma za Chelsea kwamba alimkashifu
Kibaguzi Mchezaji wao John Mikel Obi.
Mkutano huo, ambao pia ulihudhuriwa na
Viongozi wa Marefa na Marefa wengine 16 pamoja na Mkuu wa Ligi Kuu
England, Richard Scudamore, ulifanyika kwenye Kituo cha Soka cha St
George.
Baada ya uchunguzi, Wiki iliyopita FA
ilizikataa tuhuma za Chelsea dhidi ya Clattenburg na sasa Refa huyo
anatarajiwa kuchezesha Mechi yake ya kwanza Siku ya Jumatano tangu
Chelsea waibue sakata hilo katika Mechi iliyochezwa Oktoba 28 Uwanjani
Stamford Bridge kati ya Chelsea na Manchester United na Chelsea kuchapwa
Bao 3-2.
Jumatano, Clattenburg atacheza Mechi
kati ya Southampton na Norwich City na Jumamosi ijayo amepangiwa Mechi
kati ya Arsenal na Swansea City.
Usuluhishi huu pia unafuta kikwazo cha Clattenburg kuchezesha Mechi za Chelsea hapo baadae.
LIGI KUU ENGLAND
RATIBA MECHI ZIJAZO:
Jumanne Novemba 27
[SAA 4 Dak 45 Usiku]
Sunderland v QPR
[SAA 5 Usiku]
Aston Villa v Reading
Jumatano Novemba 28
[SAA 4 Dak 45 Usiku]
Chelsea v Fulham
Everton v Arsenal
Southampton v Norwich
Stoke v Newcastle
Swansea v West Brom
Tottenham v Liverpool
[SAA 5 Usiku]
Wigan v Man City
Man United v West Ham
Jumamosi 1 Desemba 2012
[SAA 9 Dak 45 Mchana]
West Ham v Chelsea
[SAA 12 Jioni]
Arsenal v Swansea
Fulham v Tottenham
Liverpool v Southampton
Man City v Everton
QPR v Aston Villa
West Brom v Stoke
[SAA 2 Dak 30 Usiku]
Reading v Man Utd
Jumapili Desemba 2
[SAA 1 Usiku]
Norwich v Sunderland
Jumatatu Desemba 3
[SAA 5 Usiku]
Newcastle v Wigan
SIR ALEX FERGUSON: Anderson ataanza Mechi Jumatano!
Meneja
wa Manchester United, Sir Alex Ferguson, amethibitisha kuwa Anderson
ataanza Mechi ya Jumatano ya Ligi Kuu England Uwanjani Old Trafford na
West Ham baada ya kucheza vizuri sana alipoingizwa Mechi ya Jumamosi
wakati Man United wapo nyuma kwa Bao 1-0 walipocheza na QPR na kuisukuma
Timu kushinda 3-1.
Ushindi huo, na sare ya Chelsea na Man
City Siku ya Jumapili, imewafanya Man United wakae na kubaki kileleni
kwenye Msimamo wa Ligi.
+++++++++++++++++++++++
MSIMAMO-Timu za Juu tu:
1 Man United Mechi 13 Pointi 30
2 Man City Mechi 13 Pointi 29
3 WBA Mechi 13 Pointi 26
4 Chelsea Mechi 13 Pointi 25
5 Everton Mechi 13 Pointi 21
6 Arsenal Mechi 13 Pointi 20
7 Tottenham Mechi 13 Pointi 20
8 West Ham Mechi 13 Pointi 19
9 Swansea Mechi 13 Pointi 17
10 Fulham Mechi 13 Pointi 16
+++++++++++++++++++++++
Hata hivyo, Ferguson alithibitisha
kutokuwepo kwa Winga Nani ambae bado ni majeruhi na pia kuwepo kwa
wasiwasi kuhusu Antonio Valencia anaeuguza maumivu ya paja ingawa hatima
yake itajulikana Jumanne.
Kiungo Paul Scholes yeye haruhusiwi kucheza Mechi hii baada ya kuzoa jumla ya Kadi za Njano 5.
Mbali ya Mashabiki wa Man United
kumchagua Anderson kuwa ndie Mchezaji Bora wa Mechi kati ya Man United
na QPR, hata Ferguson mwenyewe amekiri hilo alipotamka: “Ando ndie
alitupa ushindi. Uchezaji wake ulikuwa wa hali ya juu sana. Yeye
aliibeba Timu na kulazimisha gemu iwe kwetu na hilo limempa uhakika
kucheza Mechi ya Jumatano.”
RATIBA MECHI ZIJAZO:
Jumanne Novemba 27
[SAA 4 Dak 45 Usiku]
Sunderland v QPR
[SAA 5 Usiku]
Aston Villa v Reading
Jumatano Novemba 28
[SAA 4 Dak 45 Usiku]
Chelsea v Fulham
Everton v Arsenal
Southampton v Norwich
Stoke v Newcastle
Swansea v West Brom
Tottenham v Liverpool
[SAA 5 Usiku]
Wigan v Man City
Man United v West Ham
Jumamosi 1 Desemba 2012
[SAA 9 Dak 45 Mchana]
West Ham v Chelsea
[SAA 12 Jioni]
Arsenal v Swansea
Fulham v Tottenham
Liverpool v Southampton
Man City v Everton
QPR v Aston Villa
West Brom v Stoke
[SAA 2 Dak 30 Usiku]
Reading v Man Utd
Jumapili Desemba 2
[SAA 1 Usiku]
Norwich v Sunderland
Jumatatu Desemba 3
[SAA 5 Usiku]
Newcastle v Wigan
BPL: Ya kati ya Wiki kunguruma Jumanne & Jumatano!
>>TAMU: Chelsea v Fulham, Everton v Arsenal, Spurs v Liverpool!
>>VINARA Man United wapo Old Trafford v West Ham!
>>MABINGWA Man City ugenini DW kuivaa Wigan!!
BPL, Barclays Premier League, kwa sisi
Ligi Kuu England, itarindima tena kati ya Wiki, Jumanne na Jumatano, kwa
Timu zote 20 kutinga dimbani na vinara wa Ligi, Manchester United,
watakuwa nyumbani Old Trafford, kumkaribisha Rafiki mkubwa wa Sir Alex
Ferguson, Meneja Sam Allardyce, atakapoiongoza Timu yake West Ham.
+++++++++++++++++++++++
MSIMAMO-Timu za Juu tu:
1 Man United Mechi 13 Pointi 30
2 Man City Mechi 13 Pointi 29
3 WBA Mechi 13 Pointi 26
4 Chelsea Mechi 13 Pointi 25
5 Everton Mechi 13 Pointi 21
6 Arsenal Mechi 13 Pointi 20
7 Tottenham Mechi 13 Pointi 20
8 West Ham Mechi 13 Pointi 19
9 Swansea Mechi 13 Pointi 17
10 Fulham Mechi 13 Pointi 16
+++++++++++++++++++++++
Bila shaka, Mechi za mvuto ni hasa 3 za Chelsea v Fulham, Everton v Arsenal na Spurs v Liverpool.
RATIBA MECHI ZIJAZO:
Jumanne Novemba 27
[SAA 4 Dak 45 Usiku]
Sunderland v QPR
[SAA 5 Usiku]
Aston Villa v Reading
Jumatano Novemba 28
[SAA 4 Dak 45 Usiku]
Chelsea v Fulham
Everton v Arsenal
Southampton v Norwich
Stoke v Newcastle
Swansea v West Brom
Tottenham v Liverpool
[SAA 5 Usiku]
Wigan v Man City
Man United v West Ham
Jumamosi 1 Desemba 2012
[SAA 9 Dak 45 Mchana]
West Ham V Chelsea
[SAA 12 Jioni]
Arsenal V Swansea
Fulham V Tottenham
Liverpool V Southampton
Man City V Everton
QPR V Aston Villa
West Brom V Stoke
[SAA 2 Dak 30 Usiku]
Reading V Man Utd
Jumapili Desemba 2
[SAA 1 Usiku]
Norwich V Sunderland
Jumatatu Desemba 3
[SAA 5 Usiku]
Newcastle V Wigan
No comments:
Post a Comment