KUELEKEA PAMBANO LA WATANI; NI WAKATI WA KUVUNJA REKODI YA MIAKA 35 YA KING KIBADENI?

KUELEKEA PAMBANO LA WATANI; NI WAKATI WA KUVUNJA REKODI YA MIAKA 35 YA KING KIBADENI?

Kibadeni wa tatu kutoka kushoto enzi zake akiwa na simba mwaka 1970 akiwa na simba

  Nami nakuletea historia fupi ya  kuelekea mpambano wa watani wa jadi simba na yanga kama darby kwa tanzania tujikumbushe kidogo kwa ufupi historia ya timu hizi na baadhi  ya wachezaji enzi za miaka 1991.Said Sued 'Scud', alifunga bao pekee la ushindi kwenye mechi ya watani wa jadi, akiwa anaichezea Yanga alitikisa nyavu za Simba dakika ya saba katika mchezo wa Ligi Daraja la Kwanza Tanzania Bara enzi zile na , sasa Ligi Kuu  mwezi Mei 18, mwaka 1991.

Huo ukiwa msimu wake wa kwanza kwenye klabu hiyo, hakika ilikuwa furaha kubwa kwake, kwani tangu hapo aliaminika na kuwa mchezaji wa kudumu kwenye kikosi cha kwanza cha Yanga.

Chipukizi huyo wa wakati huo, alipata ngekewa ya kuifunga tena Simba katika mchezo uliofuata wa marudiano wa ligi baina ya watani wa jadi, likiwa pia bao pekee la ushindi Agosti 31, mwaka huo huo 1991, jambo ambalo lilimfanya awe maarufu zaidi.

Lakini katika mastaajabu ya wengi, Scud hakurejea kwenye kikosi cha Yanga cha mwaka 2002 na huo ukawa mwisho wa umaarufu wake kwenye soka ya Tanzania.

Kama wapo wanaodhani Scud alifanya kubwa sana katika historia ya watani wa jadi, watakuwa wapo mbali kabisa na ukweli, kwani Kibadeni, maarufu kama Chifu Mputa ama King, au Ndululu kama walivyokuwa wakimuita Wakenya, anaweza kusimama na kusema ana kubwa la kujivunia katika historia ya mechi baina ya Simba na Yanga ambalo hadi kitabu hiki kinaingia sokoni lilikuwa halijavunjwa.

Abdallah Kibadeni ndiye mchezaji pekee hadi sasa aliyeweza kufunga mabao 

matatu peke yake katika mchezo mmoja kwenye mechi za watani wa jadi katika Ligi.

Hiyo ilikuwa ni Julai 19, mwaka 1977 katika Uwanja wa Taifa, Dar es Salaam, sasa Uwanja wa Uhuru, wakati Yanga ilipotandikwa 6-0 na Simba.

Siku hiyo, Kibadeni alitikisa nyavu za Yanga katika dakika za 10, 42 na 89, wakati mabao mengine ya Wekundu wa Msimbazi, yalitiwa kimiani na Jumanne Hassan 'Masimenti' dakika ya 60 na 73 na jingine Selemani Sanga wa Yanga alijifunga mwenyewe dakika ya 20 katika harakati za kuokoa krosi ya Ezekiel Greyson 'Jujuman'.

Hivyo siku hiyo mbali na Simba kushangilia kulipa kisasi cha kulala 5-0 kwa Yanga, Juni Mosi mwaka 1968, Kibadeni alikuwa ana sherehe binafsi za kutumbukiza tatu peke yake kwenye mechi baina ya watani hao, jambo ambalo liliwashinda wengi kabla yake kati ya waliowahi kuvaa jezi za Simba au Yanga.

Hakuna cha Sunday Manara 'Computer' wala Maulid Dilunga 'Mexico' aliyewahi kufanya hivyo zaidi ya King Kibadeni pekee. Sasa baada ya miaka 35 tangu Kibadeni awaokoteshe Yanga mipira nyavuni mara tatu, miamba hiyo inakutana tena Jumatano ya wiki ijayo, Uwanja wa Taifa, Dar es Salaam, je rekodi hiyo itavunjwa? Bila shaka hilo ni jambo la kusubiri na kuona.kwani ikumbukwe kuwa yanga alishawahi kutandikwa bao 5-0 katika mechi ya mwisho ya ligi kuu vodacom tanzania bara mwaka jana na simba kutwaa ubingwa huo kwa kufikisha pointi 62 na kufuatiwa na azam ambao walijikusanyia pointi 59 na yanga kuwa wa   tatu kwa pointi 49..kikosi cha simba mwisho kuifunga yanga mwaka jana 2011  kilikuwa juma kaseja,said nasor cholo,amir maftah,juma  nyoso,kelvin yondan,patrick mafisango,salum machaku,mwinyi kazimotto,felix sunzu,haroun moshi boban,na emmanuel okwi,,,,tujiulize kuelekea katika mpambano huo tutarajie mambo gani kwa watani wa jadi hawa?na mwandishi wetu  tano juma